إن شاالله بسير أبها بالبر..شو تنصحوني؟

**كلاسيك** · 2010-07-27, 18:12

السلام عليكم جميعا

عزيزاتي

عزمنا نسير أبها بالبر الاسبوع الياي إن شاالله..و متعودة إني أرتب قبل كل طلعة نطلعها..و الخيرو البركة فيكم .. ( : ..سنعات تعلمون السنع..

وياي عيالي اثنين كتاكيت 3-4 سنوات..

وأول مرة أطلع بالبر.. و أول مرة أسير أبها..

خبروني شو أشل وياي للدرب ..خاصة اني ما أبي اليهال يتمللون و يتضايجون..

أفكر أودي وياي الـ game boy ,, و أشتري سي دي يديد رسوم للسيارة..و أكلات و خفايف من اللي يحبونها اليهال..و يمكن أمر على محل بو ريالين آخذ ألعاب و خرابيط للدرب..يتسلون بها ..أخليهم بالدبة و أطلع منهم شي كل ساعة..

و صدق شو عن الجو؟ شو أودي وياي من ملابس..شتوي ثجيل و لا شتوي خفيف..لأني توقعت الجو بهالشهر حلو بس في وحدة ويانا بالمنتدى حاطة صور ثلوج و أمطار !!! شو الشور؟؟

خبروني و زيدوني علما... شو ممكن أسوي عسب تترتب الطلعة بالبر..شو الـ plan ؟

بانتظاركم..لااااتطولووون علي.. عسب يمديني أرتب..طلعتنا هالويكند بحول الله...و عسب ريلي يقول عني خوووش بنية و راعيتها ههه >> شحات و يتشرط!

فديتكم أنا >>>بع شو تبون ! ههه

و ادعووووا لنا ..

المزيد من آخر المواضيع من نفس القسم:

**ام عبدالرحمن1** · 2010-07-27, 19:52

هلا اختي
بخصوص السفر بالبر صح انه طويل بس انتي بسيارتج ترتاحين اكثر في التنقل ..
لازم تباتون يوم في الطريج قبل لا توصلون ابها وفي فنادق في الطريج والله مش ذاكرة اسم الفندق بس في منطة الفرعة تعتبر نص المسافة وفيها فنادق تريحون وتكملون اليوم الثاني وما بتحسون بالتعب .. وبتصلون مع العصرية اذا طلعتوا الساعة 10 الصبح ..
وبخصوص اليهال شوفي الي يحبونه عيالج من الالعاب والاكل وخذيه معاج للتسلية وما يملون ..
والملابس ما تاخذين للشتاء لانه في النهار يكون الجو مش بارد بس في الليل .. يعني لا تاخذين ملابس ثجيلة نفس الشتاء عندنا .. وانصحج بمنطة السودة روووووعة بمعنى الكلمة وتحسين نفسج يالسة فوق السحاب ..
ان شاء الله اكون فدتج ..وتروحون وتردون بالسلامة ان شاء الله ..

واي استفسار انا في الخدمة اختي ..

**كلاسيك** · 2010-07-27, 21:48

مشكووورة الغلا..ربي لا هانج..

أفدتيني بخصوص منطقة الوسط..البيات..

**احتاجك..** · 2010-07-27, 22:43

تروحون وردون بالسلامة حبيبتي

**دهن_العود** · 2010-07-27, 22:44

للرفع

**كلاسيك** · 2010-07-27, 23:28

تسلمون لي الغلا

ربي يرفع قدركم دنيا و خرة *_*

**umsa3ed** · 2010-07-28, 00:12

اختي نحنا سافرنا بالطائره ونزلنا جده ومناك استاجرنا سياره ل ابها بس صدق الطريج وايد طويل وكله على الجبال خطير الصراحه يمكن يباله من جده ل ابها 9 ساعات بس الرجعه شحنا السياره وردينا بالطائره

**كلاسيك** · 2010-07-28, 15:01

مشكوورة يا أم سعد على مرورج

بانتظار البقية

ويييينكم؟

**M!s$-DxB** · 2010-07-28, 15:57

ممممممـ بصرآحة أنا ما عندي أي فكرة حبيبتي .. كنت أتمنى أفيدج ..
تروحون و تردون بالسلامة يآآرب ..

بس نحن ان شاء الله بنروح أبهآ فـ العيد .. بس دورنا سكن لين ما هلكنا و ما حصلنا .. "حصلنا ابها انتركونتيننتل بس طلعوا مسكرينه للصيانة"
عشان جي يآآريت تساعديني حبيبتي .. يعني انتوا وين بتسكنون ؟؟ و وين تنصحيني من فنادق نظيفة و معروفة ؟؟

و مشكورة مقدماً .. ^^

**ms. caramel** · 2010-07-28, 16:55

رحلـــــه موفقـــــــه يالغـــــــلآ ..

إذا كـآن عندكم وقت تعـآلوا جــــــــدة ..

لآن أبهــــــآ مافي غير الجو " باااارد " ,, ماعندهم مولآت حلوه ولآ مهرجانات وفعاليات ..

جــــــــــــــــــدة وبسس ( بحر , شاليهـآت , مووووولآت , مهرجانات وفعاليات حلوو , جلسـاات عشى وسهرات ع المرسسى , جــدة القديمة , قريـة مرسآل , درة العرووس ,... الخ ,, تتعبيييييين من كثر الأماكن في جدة)

الصيـــــف في السعوديـة " جـــــــدة غيـــــــــر "

تعالي جـــــدة غيــــــر ..

حتنبسطوا مرررررررره = بتستانسوا وااااااااايد

**كلاسيك** · 2010-07-29, 12:47

المشاركة الأصلية كتبت بواسطة M!s$-DxB

ممممممـ بصرآحة أنا ما عندي أي فكرة حبيبتي .. كنت أتمنى أفيدج ..
تروحون و تردون بالسلامة يآآرب ..

بس نحن ان شاء الله بنروح أبهآ فـ العيد .. بس دورنا سكن لين ما هلكنا و ما حصلنا .. "حصلنا ابها انتركونتيننتل بس طلعوا مسكرينه للصيانة"
عشان جي يآآريت تساعديني حبيبتي .. يعني انتوا وين بتسكنون ؟؟ و وين تنصحيني من فنادق نظيفة و معروفة ؟؟

و مشكورة مقدماً .. ^^

مرحبا خيتو

تسلمين الغلا

عزيزتي عن السكن..أكثر شي ينصحون بالسكن في منطقة السودة..و اعتقد انتركونتينيتال هناك

عالعموم نحن بنسكن في فندق يديد أعتقد صار له سنة مفتوح و يمدحونه اسمه I'AM HOTEL "أيام هوتيل".. أعتقد فيه غرفيتين و صالة و أوبشن ثاني غرفة و صالة ..

فيه فندق قصر السلام و فيه قصر أبها..و بعد فيه فندق بانوراما.. يمدحونهم و نظام فنادق نجوم.. سوي عنهم سيرج في القوقل..ولا دشي موقع المسافرون العرب.. بيفيدج حيث السكن و الترفيه و المنتزهات..

و موفقين ..تروحون و تتردون بالسلامة..

الموضوع: إن شاالله بسير أبها بالبر..شو تنصحوني؟

أدوات الموضوع

عرض

إن شاالله بسير أبها بالبر..شو تنصحوني؟

المزيد من آخر المواضيع من نفس القسم:

المواضيع المتشابهه

بسير القريه العالميه ..شو الاشياء الي تنصحوني اشتريها ؟

بسير دبي وين تنصحوني نفطررر ف دبي ..

ابا معلومات عن السفر بالبر للكويت ضرررررررروري بليييييز بسير في العيد الوطني

بسير افصل عبي حق عرسي فديتكم شوري علي وين احسن محل؟ارجوكم باجر بسير