يا تاجرات .. بدون زعل

[دانة الدانات]

السلام عليكم ورحمة الله وبركاته

الموضووع باين من عنوانه
وبصراحه انا بقول رأي وبدون زعل ..وفي النهايه هو مجرد رأي لا اكثر
مابا حذ يدعي علي ..

بصراحه انا توني كنت اتصفح المنتدي واشوف بضايع التاجرات "" مع اني انا مش من النوع يلي اشتري من النت ولامره اشتريت ولا افكر اني اجرب
واتفاجأت من الاسعار بصراحه وايد غاليات يعني انا اشوف نفس هذي البضاعه في الاسواق بس مب نفس السعر .. بتقولن حرام بترزقن وتتعب .. الخ انا معاكن في هذا الرأي يستفيدن بس مو لردجة رفع الاسعار بهذا الشكل؟؟ حرام يمكن بنات محتايات وماتسمحلن ظروفن وماعندهن وقت يسيرن الاسواق

خاصه انا وايد من هذي البضائع يجلبونها من الهند وكما هو معروف ان الهند وايد فلوسنا رخيصه عندهم مثلا تشترين بضاعه عندهم 5او10 ويبعونها ب 50 هنا
هذا قاللته وحده تبيع نعرفها تسير الهند او تايلاند او بلد من الرخيصه وتبيعه هنا بسعر وايد غالي
تقول وايد بضاعتهم رخيصه ؟؟ بروحها تعترف بهذا الشي ..

وفي النهايه هذا مجرد رأي .. وانا ابغي اسمع ارائكن ؟؟؟؟
وشكرا

المزيد من آخر المواضيع من نفس القسم:

• ابا نصيحتكم ..
• سداد القرض ، القرض الشخصي ، تمويل المشروع.
• أطقم مواليد
• وين القى مخاوير جمله
• مشروع مختص بحقوق المراه
• تصميمات ڤلل و بنايات رائعة
• تاجرة جديدة تبغي فزعتكم
• فرصه عمل مميزه
• طلب من بنات العين
• كيف بدات بزنسي من البيت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم راشد العين]

[or_nahyan]

رايي من رايج بصراحه وايد شفت اغراض رخيصه بالسوق وهني وايد غالي

[غرنوقـ ـ ـ ـة]

في منهم يبالغون بشكل مب طبيعي !!

والله ساعات لو أجوف شيء ويعيبني
أنصدم من سعره

فوووووووق التصوور

صح يتعبون ويروحون ويردون
بس عاد مب ينهبونا نهب

حشى

النعلة توصل أسعارهم فوق ال500

ومن هناك ماخذتنه ب60 أو أقل !!

والعبي حدث ولا حرج خخخخخخخخخخ

الله يعينا

[um-beereg3]

متابعه

[زمن زايد]

كلامج صح وانا وياج 100%

ياليت يسون فالمنتدى خدمة حماية المستهلك

[مربوشة دبي]

في من التاجرات يرفعن الاسعار بصوره زينه

بس في تاجرات والصدق ينقال يزيدن 200 درهم على البضاعه

[$ أم سلطان $]

الله يعين.....؟؟؟

[بنتـ الهوآمير]

صح فيه وايد تاجرات يبالغن بشكل فضيييع بالاسعااار ..


مره كنت ادور جلابيه للعيد .. وحصلت وحده عارضه الجلابيه ب 400 .. وحلوه وسعرها فيهااا..

ووتاجره ثانيه عارضه نفس الجلابيه بنفس الديزاين ونفس الرقعه .. ب 1000

[ام شوق وعزوز]

أنا فايدتي من الخلطات جد قليله ولو أقولكم بتضحكون

[حلاوة مصاص]

في الزين وفي الشين

بس والله العظيم لو بس تتعبين التعب الي تتعبه التاجره وتخسرين خساير الي تخسرها التاجره وتعب الاعصاب والمشاوير وعوار الراس واحيانا التاجرات الي ايبون بضاعه من خارج .. الجمارك والرسوم الخياليه الي احيانا لاتكون عالبال ولا عالخاطر وعقب تتوهق المسكينه !! ....... بتعذرينها !!

ابدا لاتساوين الحرمه الي تتعب كل هالتعب بالـ عامل او الهندي الي عنده دكان يبيع فيه لو مهما سوى مابيكون تعب التعب الي تتعبه الحرمه ولا بيتساوا الربح امبينهم لان التكلفه الي بتكلف ابها الهندي غير التكلفه الي بتتكلف ابها التاجره في المنتدى

ولعلمج ان التجاره مب دايما ربح .. احيانا نربح واحيانا نخسسسسسسسسسرررر ونموت بس عشان نعوض الخساره !!! غير ان مصادر البضاعه تختلف !!

يعني انا مره استوى وياي موقف .. اتفقت ويا تاجر يوفرلي بضاعه وقمت ابيعها في المنتدى بعد ما حسبت التكلفه الاجماليه من سعر البضاعه والشحن والتوصيل والجمارك و الاكياس وبنزين ومشاوير وكل شي .. وعقب زدت ربحي بالمعقول ..

تفاجأت ان شي تاجره ثانيه تبيع نفس بضاعتي بسعر اقل بوايد .. !!

ياترى شو السبب !!! السبب طلع انها اتييب البضاعه من وكيل موجود في البلاد .. يعني لا مصاريف شحن لا مصاريف جمارك .. يعني التكلفه عليها بتكون اقل بوايد .. وبهذا كان في فرق بالسعر .. ومع ذلك يتني وايد تهجمات لدرجه ان كان في بنات يطرشولي يقولون لي فلانه اسعارها احسن عنج .. !!



استهدو بالله ولاعاد تحطون كل شي عالتاجره

وارد واقول مب كل التاجرات نفس بعض وكلامج ينطبق على البعض منهم

[دهن عود 6]

كلام صحيح مئه بالمئه،،،

[دانة الدانات]

انا ما جمعت التاجرات كلهن بعض التاجرات وكلمة الحق تنقال
سعرهن اوكيه وبعضهن وايد على الشو ماعرف؟؟

وفي نقطه ثانيه نسيت اذكرها يلي يبعين عبي مستعمله
والله انا اشكال العبي من الصوره جدام وموضتهن جديمه وماتسوى حتى 100 درهم ويبعنها ب 300 او 400؟؟

بدال ماتبعينهن بهذا السعر ومحد يشتريه
خذي اجر وثواب وتصدقي بهن رمضان على الابواب والله وايد ناس محتاجين من هالفقراء

[الفراشهـ]

في تاجرات يبالغون...
ومن فتره كنت اكلم وحده من التاجرات .. مع العلم انها مب مواطنه .. تم اتقول لي ان عندها بيت وعيال وهي مطلقه وتحمد ربها ان من ورا تجارتها ع النت اطلع بيزات الايجار ومصارييف بيتها .. صدق غمضتني وايد ..

الله يكون في عونهن ..

وفي الي يدورون عن الربح السريع .. قولي طمع هع ..

[يحـــــ ام يى]

كل يوم كل يوم كل يوم .................