طمنوني الله يطمنكم

[المستحيلة]

السلام عليكم ورحمة الله وبركاته


هذا رابط اول موضوع لي

http://forum.uaewomen.net/showthread.php?t=719503


واشكر كل وحده دعت لي من قلبها وحبيت ابشركم اني حامل والحمد لله


الاسبوع اللي طاف رحت العيادة وسويت تحليل دم وطلع لي حمل


والبارحه رحت عند الدكتورة عسب اني اتطمن على صحه البيبي واشوف اذا كل شي اوكيه عندي
سوت لي تلفزيون ما بين عندها عقب سونار من تحت وبين عندها كيس صغييييييييييييييير يعني نقطه سودة

قالت لي اول شي انه احتمال يكون حمل عنقودي وتنزلين البيبي بس لازم قبل اتاكد بالتحليل الهرموني

وسويته وطلعت النتيجه ايجابيه انه الحمل سليم مافيه شي

فقالت يمكن يكون عندج حمل متاخر اونه انه الحمل ضعيييف وايد فعطتني فوليك اسد وقالت راجعيني بعد اسبوع عشان اشوف الكيس يكبر والا لا


حد يفهمني والا يطمني لاني وايد احاتي

وشو اسوي؟؟؟

وشو الاشياء اللي لازم اكلها عسب تقوي الجنين اذا فيه شي

انا ها اول حمل لي فما اعرف شي


ويزاكم الله الف خير مقدما ^^

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم حـ م ـد]

مادري والله بس حبيت
ادعيلج الله يثبته يارب
والله يرزقني ويرزق كل محرومه
في القريب العاجل غير الآجل

[فطامي_الدلوعة]

ان شاء الله يثبت حملج واتييبين بيبي حلييو

[المستحيلة]

يزاكم الله خير
والله يرزقكم ياربي بالذريه الصالحه ان شاء الله

[؟؟؟؟؟]

ماعندي فكرة
الله يثبت حملج ان شالله
ومايكون فيج ولا ف البيبي إلا كل خير

[الأمل الساطع]

سبحان الله .. انتي نفس حالتي انا مابي اخوفج ..!

بس انا صار لي جي مرتييين وكان الكيس صغيير موول مايكبر ويدووب يبين ف السوونار
ويكوون حمل ضعييف بنفس الوقت ..
وعقبها بفترة بسيييطه اييني نزيف وانزله ..!!
والحمدلله على كل حال ..

الله يثبته لج ان شاء الله واذا من نصييبج البيبي صدقيني بيثبت بإذن الله . .

[@شمعة الجلاس@]

هلا حبيبتي
اذا كانت اخر دورخ لج تاريخ 24-4
يعني انتي الحين في الاسبوع 7 يعني في الشهر الثاني و هالوقت لازم البيبي يكوون واضح و فيه نبض!!
انا ما ابا اخوفج بس هاللي اعرفه و الله يثبت حملج يا رب ..

[آهـــات الصمت]

والله يرزقكم ياربي بالذريه الصالحه ان شاء الله
ويثبت حملج ياربي

[أم رشودي1]

فديتج غناتي الله يثبت حملج وتفرحين بشوفت ضنااااج يارررررب

[برقع فوشي]

ريحي عمرج .. ولآآ آآتعبين عمرج آآبد ,,

لآآ تشربين آآشيآآ حآآرة مثل الزنجبيل والزعتر والآآننآآآس وآآلحبة آآلحمرآآ وهآآلسوآآلف ..

غريبة مآآ عطتج مثبت !! بس آآعتقد مآآتحتآآجين ,,

وربي يثبتلج حملج ,, ولآآآ تحآآتين آآنآآآ آآستوآآآلي حمل متآآخر ومآآبين آآلكيس آآلآآ عقب فترة ,,
حتى آآلنبض مآآ بين ,,
وآآلحين آآلحمدلله آآلحمدلله ^^

[^%سمر%^]

ادعيلج الله يثبته يارب
والله يرزقني ويرزق كل محرومه
في القريب العاجل غير الآجل

[أحبك يا دنيتي]

فديتج احتمال يكون حمل متأخر عشان جذي بعده مو مبين
وأهم شي ان الهرمون يتضاعف وهذا يدل ان الحمل سليم

[عيون حياتوه]

حبيبتي

مو شرط يكون حمل ضعيف

يمكن حمل متأخر ليش خايفة

توكلي على الله وانتي الحين حامل فلا تحطي فبالج انج ممكن تفقدينه اهتمي بنفسج والليي مكتوب بصير


انتي مو من تقولج الدكتورة شي توسوسين وتخافين لا طنشيهم وخلاص وتوكلي على الله

[**ام نهيان**]

الله يثبت حملج,,

[الملكة الحرة]

الله يطمنج يا رب ويثبتلج حملج أهم شي لا تمين تفكرين وايد