سالفة العشا في بيتنا ..

**سلطانة حب** · 2010-06-06, 15:43

مرحبا سيدات الامارات .. عساكم بخير و سهاله .

صراحه نحن كل يوم وقت المغرب كل حد ف البيت يتهرب
ما نعرف شو نسوي عشا مع ان كل شي موجود ف البيت بس ما نعرف شو نختار للعشى

و اخر شي ع الساعه 10 او 11 نرسي ع الكفتيريا او بيتزا او كنتاكي

و هالوضع متعب صراحه

قلنا بنسوي جدول بس يوم اني نسوي جدول ما نعرف شو نحط و نكرر الاشياء
معكرونه - عدس - فطاير - سندوجات همبرقر - مكرونيا باشميل - مرقوقه

و نرجع نمل

انتو شو نظامكم في الختيار وجبه العشا ؟؟ و اذا عندكم جدول خبرونا شو هوو

<< الموضوع متازم ف بيتنا

المزيد من آخر المواضيع من نفس القسم:

**hope09** · 2010-06-06, 15:47

up up

**روعه_99** · 2010-06-06, 16:04

صاادقه العشا هو اللي يحير مع انه كل شيئ متوفر ,,
شوفي نظاامي ,, الشوربه ضروري تكوون موجووده سوااء كاانت كويكر او عدس ولا اي شيئ ثااني ,, واسوي كـل يوم نوع خبز مره جبااتي ومره برااتا ومره بووري ولا ملاوي مغربيه ,, مع فول ولا بيض وطماط وفاصوليا اخضر
او صينية معكرونه بالباشميل ولا صينية توست مع حشوة الدجاج .. والفريزن ما يخلي من البطاطا ولا النجست والنقانق .. وكل يوم اقلي شويه من كل شيئ واحط معااه مايونيز وكاتشب اليهال يحبوونه ,, ومراات اذا ما سوينا خبز احط هالنوااشف في صموون صغاار ومعااه بطاطس علي جنب ,,

**SPY** · 2010-06-06, 16:04

هذي مأساتي ويا ريلي وعيالي ما يحبوا أي شي.. عيالي يحبوا : الاندومي (بالنقانق أو الجبن)، البيتزا، المقالي (بطاطس، قطع دجاج، برجر، كباب، نقانق)، عيش وروب، معكرونه بالباشميل..

أما ريلي فيحب التجديد لكن ما يحب الخبصه وايد ،، والله يطول عمر بنات المنتدى كل ما أدش لازم أتعلم وصفة واجربها ف ريلي^_^ طبعا بالاضافة للوجبات العادية
مثل: فول، جبنة شيدر مقطعة مع خيار وطماط، لبنه، جبنه مالحة مع طماط، عدس، ناشف خضرة، صالونة بطاطس وبيض... بالإضافة للي ياكلوه عيالي بدون الاندومي..
ومرات يجي بباله عشى آخر الليل خبز ولبن!

طبعا الثريد ما أسويه لأنه ناكله ف بيت أهلي كل أسبوع
والمرقوقة اختصاص أهله

وهذا اللي فبالي الحين

**سحابة مرت** · 2010-06-06, 16:14

تقدرين تسوين على العشا (عرائس- ملوخية-بامية- محشي كوسا -صينة خضار بالجنبة بالفرن-كبده- كباب- صدور دجاج مشوي الليمون والثوم-كميا-لازانيا- خضارناشف-مجدره-فته حمص- باذنجان والزهرة بالروب

هذه القائمة اللي اسويها لهم يوم دوري في البيت لان احنا كل يوم على بنت من البنات في البيت تسوي العشا

بنات اللي في خاطرها شي تخبرني من اللي اعرف اسويه فالها طيب

**hind25** · 2010-06-06, 17:16

انا احب عالعشا شوربة الفطر او شوربة الدجاج بالبيض واحب سمبوسة الجبن عيالى يحبون نقانق اندومى برجر بيض وانا وريلى ما نحب لا عيش ولا مكرونات فى الليل ممكن دياى مشوى بالفرن او تشكيلة فطاير جبن وزعتر مسوايه بالبيت والبف باسترى ما يقصر خخخخخ احيانا فول نسويه بالبيت ونشترى حمص وفلافل من برع يعيبنى فلافل ابو شقره ههههه احيانا يوم متفيجه ورق عنب او محشى فلفل خخخخ اموت عليه مممممممم يوعتينا بس كفايه الحين عقب بتذكر واخبرج

**عـروسه** · 2010-06-06, 18:16

اختي سحابة مرت

كيف تسوين لزانيا و خضار ناشف؟؟

**bental3mah** · 2010-06-06, 19:57

هاااي ازمة كل بييييييييييت

بس عند عمتي كل شي جاهز هي كل يوم طالعه لنا باختراع وعاد نحن حريم عيالها صرنا شراتها

**رفيعة الشأن** · 2010-06-06, 20:05

انا تقريبا حاطه جدول للعشا مايتغير الا اذا يايينا ضيوف
الجمعه=معكرونه بالخضره+شوربه
السبت=هامبورجر +شيبس
الأحد=معكرونه بالباشاميل
الاثنين=بيتزا
الثلاثاء=ساندويشات فول+شوربه
الاربعاء=فطاير مشكله+سلطة ذره
الخميس=نطلب من المطعم بيتزا او هامبورجر

**Opal** · 2010-06-06, 21:03

المحاشي بانواعها -خبز خمير-خبز رقاق بالبيض او بدون بيض -خبز ايراني والاجبان بانواعها والمربيات بالاضافة الى ذكروه الخوات

**مربيه** · 2010-06-06, 21:20

كل يوم اقول لعيالي (اليوم) انتو ختارو شو راح يكون العشا خخخخخخخخخخ

**qween12** · 2010-06-06, 21:39

نفس الحالة

**عاشقة حبيبي** · 2010-06-06, 21:42

نفس حالة بيتنا ...

إذا أنتوا من المغرب نحنا والله من العصر ...

وكل يوم عشانا من الكافتيريا إلا نادراً ...

ياريت وحدة من الخوات تتكرم وتعطينا الحل ...

**_أم الأولاد_** · 2010-06-06, 22:21

ههههههاي
كنت اتحرى عمري انا بس اللي اعاني من هالمشكلة
بس الحمد لله اذا عمت هانت
العالم كله يعاني
انا الصراحة كنت مسوية جدول بس عقب الدايت اعتفست ما اعرف شو اسوي و اخر شي اكل لي سلطة خضرا و اشرب عصير فرش و ارقد

**عذبا** · 2010-06-06, 22:59

خواتي دامكم تطلبون من الكفتيريا يعني شي جاهز فتخيلي بيتج كفتيريا يعني عصير الكوكتيل تقدرين اتسوينه في دقايق الهمبرغر الشبس النجتس عجين العشر دقايق تقدرين تسويلها الف حشوه وحشوه الخبز الفرنسي بالثوم السلطات الخيار باروب الشاي الكرك الخبز الوقافي مع جبن كرافت وعلى التوست العيش الطبقات وخلطتي السريه لسندويشات هي اللي ما استغني عنها وهني وعافيه ونصيحه خصوصا في فصل الصيف ابتعدوا عن الكفتيريات ولا تاكلون ماخر ترا الاكله المخالفة على قوله الاولين تيب الامراض اولها البرص عافانا الله واياكم فكلو من المغرب شوفوا الاجانب عشاهم من الساعة ست وفليل كوب حليب وقطعة بسكوت

الموضوع: سالفة العشا في بيتنا ..

أدوات الموضوع

عرض

سالفة العشا في بيتنا ..

المزيد من آخر المواضيع من نفس القسم:

المواضيع المتشابهه

العشا لمن عشا حياكم

العشا

(|`•.¸¸.•|`•.¸¸.-> العشا في بيت أهلي<-.¸¸.•|`•.¸¸.•|)

سالفة البشكارات والعقد اليديد اسطوانة .....سالفة بشكارتنا نقاش؟

العشا