طالبه العون من الخوات اللي ساكنين ف شقق او فلل ف مجمعات ايجار ف بوظبي..!!!!

**M!ss angle** · 2010-03-15, 17:17

السلام عليكن والرحمه

بغيت من الخوات اللي ساكنات في بيوت ايجار ف بوظبي وضواحيها يعني محمد بن زايد بين الجسرين او خليفه أ او ب او المشرف والسكن يكون عائلي ..ياليت لو تعطيني رقم مكتب العقار اللي اتعاملتوا معاه وارتحتوا بالتعامل معاه ..

انا بصراحه بغيت سكن يحتوي على غرفتين وسط وصاله ومطبخ وسط وغرفه للخادمه مع حمامها ولو في حوش على الاقل صغير مو مشكله واذا مافي مب مشكله وبغيته فالدور الارضي ومستعيله ابا اسكن قبل نهاية شهر 3 لاني حامل ف نص الثامن الحين ونا من راك خايفه اييني الطلق عقبها ماعرف كيف اتصرف او وين اروح ابا اسكن بسرعه عسب انا ملفي فالكورنيش ف بوظبي..

ريلي اتعامل مع مكتبين والاثنين وعود من غير شغل ذلونا من 8 شهور عالفاضي ونا على اعصابي كل يوم اقول اليوم بنتقل يقولون لنا شي واحد ثاني خذ شقتكم ..مع العلم انا مابا شقه ف بنايه ..

بلييييييييييز اللي اتعرف او ريلها يعرف تستفسر عنه وتعطيني اسم المكتب والشخص اللي اتعاملتوا معاه ورقمهم ..

ضرووووووووووووووووووووووووووووووووووووووووووووووري

المزيد من آخر المواضيع من نفس القسم:

**شوق الدروب** · 2010-03-15, 17:19

الغالية انا بحط اعلانج في منتدى العقار وان شالله بقولج

**!!m.f!!** · 2010-03-15, 17:37

الغاليه انا ساكنه في محمد بن زايد

في مجمع فلل بس نظام شقق مع الباركن والسنه 150 لانه ريلي فالشرطه

بسال ريلي وبطرشلج الرقم

**M!ss angle** · 2010-03-15, 18:36

!!m.f!! تسلمين اختيه انا بعد بغيتها بحدود 150 لان ريلي بعد يشتغل بالشرطه

اتريا الرقم

شوق الدروب مشكوره حبيبتي ماقصرتي .

**أم المُرشْح** · 2010-03-15, 18:42

طبعا مب أنا بسسس لييييش

رااااازه فييييسي ماااا أدرررري

أظني رااااسي دااااير والأسلااااك

ضاااااربه عندي السمووووحه منكن

خويااااااتي

**!!m.f!!** · 2010-03-15, 20:47

الغاليه جيكي عالخاص

**M!ss angle** · 2010-03-29, 20:26

لهالدرجه اللي يبا يسكن ف بوظبي ينذل اعوذ بالله

ماقول غير حسبي الله ونعم الوكيل

**أم روضة** · 2010-03-29, 20:48

اذا تبين في بني ياس خبريني

طرشيلي على الخاص لان يمكن ما ارجع عالموضوع

**ام زايد21** · 2010-03-29, 20:53

للرفع

**جنة أمل** · 2010-04-05, 12:40

صحيح اللي يريد السكن في بوظبي ينذل ذل ما بعده ذل، كل سنه وانا أنتقل من بيت إلين بيت بسبة ارتفاع الإيجار، كل الملاك اللي تعاملنا معاهم جشعين يدوسون على المواطن عشان الفلوس. كل ما مر كم من شهر قالوا أو سووا واحد من هالأشياء عشان يطلعون المستأجر ويأجرون لغيره بسعر أعلى:
-نباكم تطلعون من البناية لأنا بنهدها وبنعيد بنايتها (حتى لو أنها مبنايه صار لها سنتين بس!)
-نبى نسكن في البيت (ويطلعون المستأجر ويسكنون مكانه أكبر عدد من الأشخاص عشان ياخذون منهم فلوس أكثر من المستأجرين السابقين).
-نحن ما نأجر لمواطن!
- يتلاعنون على المستأجر وإذا تعطل التكييف أو انقطعت الكهرباء يمطالون ويذلون المستأجر ويتأخرون عليها بالأسابيع لحد ما يتكرمون عشان يجون ويصلحون الشغله ربع تصليح (أو حتى يشرفون ويذلفون بدون ما يسوون صيانه للبيت اللي أجروه). هذا والصيانه على المالك حسب العقد المبرم بين المستأجر والمؤجر!

الله لا يوفق كل مالك سكن يأجر لناس ثانيين وما يعطيهم حقوقهم.

الموضوع: طالبه العون من الخوات اللي ساكنين ف شقق او فلل ف مجمعات ايجار ف بوظبي..!!!!

أدوات الموضوع

عرض

طالبه العون من الخوات اللي ساكنين ف شقق او فلل ف مجمعات ايجار ف بوظبي..!!!!

المزيد من آخر المواضيع من نفس القسم:

المواضيع المتشابهه

بنات جامعة زايد اللي ساكنين داخل بوظبي

ساعدوني خواتي بنات بوظبي اللي ساكنين في المرور

البنات اللي ساكنين في شقق.. ساعدوني (بوظبي)

عروس طالبه العون