معقوله يكون هذا سبب تأخر الحمل؟؟؟

**شرشبيره** · 2010-03-12, 01:59

السلام عليكم حبوبات

بنات انا تذكرت شي صار لي عقب عرسي بشهرين
هل يمكن يكون مأثر علي ومانع حملي للحين؟؟
بنات مره وانا كنت نازله من على الدرج وجان ازلق من ماي على الارض وطيح من خمس درجات وانا جالسه
يعني كنت واقفه وفجأه اطيح طيحه خلتني اجلس وتميت اتزلق وانا جالسه شي خمس دريات
وعقب هالطيحه تم ظهري والحوض وريولي يعوروني وايد
وللحين بين فتره وفتره احس اخر مكان في ظهري يعورني
الصراحه اهملت السالفه ونسيتها و الشهر الي طاف يت على بالي وقلت خلني اروح لوحده تمسح يمكن تكون المحمله عندي نازله من هالطيحه بس وللحمدلله قالت لي مافيج اي شي بس ماقلت لها عن ظهري

للعلم انا صارلي سنه وتسعه شهور معرسه سويت كل الفحوصات للحمل وقالو لي مافيج اي شي وكل شي عال العال.
وماخليت شي وماسويته ابي احمل والله مشتاقه لياهل
بس سمعت ان الظهر ياثر على الحمل وفي شي يسمونه( الفقره) اعتقد هذا اسمها قالو تمنع الحمل
هل يمكن الطيحه تسببها وكيف اقدر اعرف اذا ظهري فيه شي او لا
وحده قالت لي وسمي اخر ظهرج ( اكوي بالنار) هل بيفيد ؟ انا سمعت عن وحده فالشهامه وايد يمدحونها تمسح وتوسم , ياريت اذا حد سمع عنها يطرشلي رقمها او عنوانها

وبليز بنات بليز افيدوني والله ماعرف سشوي وشو الفقره هذي الي يقولون عنها
اذا حد تعرف لاتبخل علي والله بدعيلها من خاطري

المزيد من آخر المواضيع من نفس القسم:

**طيف القلب** · 2010-03-12, 02:12

جربي اختي اختبار التبويض بتلقين عليه صورة ياهل وشوفي امورج وربي يفوقج ويرزقج

**دار الحي** · 2010-03-12, 02:14

ما اعرف الله يرزقج ان شاء الله

**عديل الروح22** · 2010-03-12, 02:15

لا لا تتوسمين بسم الله عليج ..ما فيج شي وتوكلي ع الله
كله بارادة الله وخلي ايمانج بالله كبير والله كلنا خاطرنا بيهال بس الله كريم ..
ربي لاتذرني فردا وانت خير الوارثين ..

**فتاة العين** · 2010-03-12, 02:23

حبيبتي عيل انا كملت 3 سنين ما يبت حد
بس ماخليت مستشفى طبعا مب انا بس اتعالج حتى ريلي يتعالج
والحمد لله الحين عندي 3 اولاد والرابعه في الطريق ولله الحمد

**مشاعر دبي** · 2010-03-12, 09:51

سبحان الله انا نفسج بس انا قالتلي نازل عندج
انا صارلي 9 اشهر معرسه
انا ان شاء الله رايحه تايلند اليوم سياحه قلت بالمره بسويت فحوصات
ان شاء الله خير
يارب تحمل كلنا الدوره متاخره عليه

**@شمعة الجلاس@** · 2010-03-12, 10:06

الله يرزقج الذريه الصالحه

**custard** · 2010-03-12, 10:51

الوحده من تكمل سنه ما حملت تسير المستشفى تشوف اذا في مانع,,, بس انتي 9 اشهر و سرتي و ما قالولج شي,, رايي من رايج,,اذا بتمتسحين,,,

الله يرزقج ان شاء الله

**شرشبيره** · 2010-03-12, 13:36

مشكورات خواتي عالدعوه الحلوه نشاالله ربي يرزقني ويرزقكن جميع
بس بغيت اعرف الظهر له خص فتاخر الحمل ولا لا؟
لانه اذا له خص بروح اشيك على ظهري بنعمل بالاسباب والباقي على الله

**روح الياس** · 2010-03-12, 13:59

حبيبتي لا تحاتين ان شاء الله مافيج الا الخير ... وربي يرزقج من فضله
دام سويتي كل الفحوصات وقالو مافيج شي حمدي ربج واتوكلي عليه

**حكم الأقدار** · 2010-03-12, 15:45

ان شاء الله الاخوات يفيدونج اذا هالطيحة اثرت ولا ..انا ما اعرف صراحة ..
بس بغيت اقول

الله يرزقج ويرزقني ويرزق كل محرومة الذرية الصالحة يا رب..

الموضوع: معقوله يكون هذا سبب تأخر الحمل؟؟؟

أدوات الموضوع

عرض

معقوله يكون هذا سبب تأخر الحمل؟؟؟

المزيد من آخر المواضيع من نفس القسم:

المواضيع المتشابهه

(شلوووووون) يكون الحمل بالولد وشلووووون يكون بالبنت ؟؟؟؟؟

معقوله يكون سحر ؟؟!!

وحام الحمل الثاني قد يكون أخف ويختلف عن الحمل الأول هل هذا صحيح؟؟

مافي أعراض...معقوله يكون في حمل ؟؟

معقوله يكون موت الجنين من هالشي ؟؟؟ بليز ردوا عليه