الفحص الطبي ضرووري اخواتي الدخول

[مخاوية الليل]

السلام عليكم اخواتي

انا اختي ان شاء الله ملجتها قريبه على شهر 5 ان شاء الله و حابين يسوون فحص طبي هي و ريلها

و احنا من بوظبي و طبعا هم عيال عم

بس حبيت اعرف من اخواتي كيف طريقته هل يسيرون ويا بعض ولا كل واحد بروحه

و يدشون مع بعض ولا كيف ياريت احد يخبرنا التفاصيل لان تعرفون عندنا عيب اتسير هي وياه بروحهم

لازم اهلهم و اهلها بس هل عادي يسير فيوم بروحه و هي فيوم ثاني ولا نفس الوقت و نفس الملف

و متى تطلع النتيجه تتاخر ولا بعد يوم او اسبوع

و انتظر ردودكم

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غلا ذاتي]

مممممم

عادي حبيبتي

مب لازم مع بعض

عادي هي بيوم وهو بيوم

وعقب اسبوع تخلص النتيجه

ويتصلون لها ع رقمها وبيخبروها اذا خلصت او لا

[مخاوية الليل]

انزين كيف يعرفون انهم مع بعض لو هي فيوم و هو فيوم ؟

و يتصلون عليها و هو ما يتصلون عليه ولا كيف

و النتيجه يخبرونك اياها فالفون ولا لازم تحضر

[النسمه]

اب اب

[miss kash5a]

مرحبا الغالية

عادي مب شرط نفس الوقت خلي حد من خوانج او ابوج يوديها

[حبك الم]

عادي الغالية خليها تاخذ الاوراق المطلوووبة معااها مع الدرهم الالكتروني وتروووح بس يستحسن نفس اليووم مثلا هو الصبح الساعة 8 وهي 9 او 10

ويوم بخلص الفحص بيتصلوا لريلها وبروووح لهم وبيعطووووه اورقة الفحص

لان بدووون اورقة الفحص ماراح تملج

اذا تبين الي استفساااااااااار انا حاااااضر

[الوفا كله انا]

عادي لو هي اتسير فيوم وهو فيوم

لانه اول ماتسير تفتح ملف "اذا هي كانت سايره قبله" ويكتبون اسمها
وعقب لما هو ايي يقولهم اسم العروس ويطلعون له الملف
ويسووون الفحوصات

ولما تطلع النتيجه يتصلون فيهم هو يسير يشوف نتيجته وهي بعد لازم بس مب مع بعض
هي فـ يوم وهو فـ يوم

[مرود كحالي]

الغاليه اذا من بوووظبي عاادي هي بروحها وهو برووحه
تسير تفتح ملف وتسوي لفحص وهو نفس الشي
ووقت النتيجه تسير بروحها بعد
الله يوفقهم

[قطوة86]

هلا اختي حبيت اقولج انهم يوم بيسون الفحص تراهم مابيسون لهم فحص الثلاسيميا ولا فحص الوراثة اللي لازم يسوونه اي ثنين بيزوجون يعني بس بيسون لهم فحص الأمراض المزمنة وهم لازم يسوون فحص الثلاسيما وامراض الوراثة بروحهم في اي مستشفى لانهم مثل ماقلتي قرايب
هذا ف بوظبي وانا سويت الفحص عندهم من تقريبا 6 او 5 شهور وستغربت انهم مايسون فحص الثلاسيميا مع ان الحين هالمرض وايد منتشر ومحد معبرنه وانا برايي لازم اي زواج مايتم الا بهذا الفحص

و اي خدمة انا حاضرة

[يدتي حياتي]

نحن سوينا الفحص نفس اليوم والوقت وويا بعض بس ما شفته ولا شافني ابوي ما خلاه ^_^

بس اربيعتي سوته ف يوم وريلها ف يوم

والنتايج عقب اسبووع اظني

[مزيوونه]

انا سويت الفحص لسبوع اللي طاف ,,

ما ياخذ اسبوع ,.!!!! ثاني يوم طلعت النتيجه ..

هو سار بروحه وانا بروحي ,,,

[BaSHOR]

على حسب العياده يمكن والله مادري بس رزيت ويهي هع

[قاهرة القلوب]

بصراحة انا من دبي واختي سوت الفحص وطلبوا منها وجود الاثنين مع بعض

[صمت الزمن]

عن نفسي
هو يا بروحه وانا سرت مع ماماتي وكان بنفس اليوم .. ووقت الفحص كل واحد بروحه يعني
بس يوم تاخذين النتيجة قالوا لنا لازم اثنينتكم اتوون مع بعض وندش عند الدكتور وسرت مع ماماتي بعد
والنتيجة تظهر بعد اسبوع تقريبا

والله يوفق اختج ^_^