ادعو لي ..

[سكنت القلب]

السلام عليكم ورحمة الله


خواتي ما ادري شو اقولكم انا مالي غيركم بعد الله سبحانه

انا انحرمت من الربع والاهل ومن حنان الام والاب و وانحرمت من نعمه الزوج والعيال


حياتي معقده وغريبه وايد

وايد اشيا انا مب فاهمتنها ومرات اتصرف تصرفات واحس ان في شي غريب يجبرني على هالشي

انا من زمان كتبت لكم عن امي


امي كانت يوم من الايام تحب لي الخير دووووووم تدعي لي بالزوج الصالح
وكنت اشوف دومعها يوم اني اروح عرس لوحده وتشوفني شكثر اتمنى اني اعرس اليوم قبل باجر

ومن فتره لفتره كانو خطاب يوني وكانو زينين والمشكله اني كنت يوم استخير على واحد منهم ما يتم الموضوع ويتفركش بقدرة قادر سواء مني اوم منهم

وكان عندي امل ان ربي يعوضني بعد ما انفصلت وكنت متملكه على انسان وبهدلني ونحن على البر وكان عمري وقتها 25 سنه وانا هالانسان الوحيد الي ما استخرت عليه خفت ان الخطبه ما تتم مثل كل مره

وكانت دعوات امي تريحني وتهديني صحيح كانت تعق علي كلام قاسي وتعايرني اكثر الاحيان واسلوبها وياي زفت وكله تهيني بس بالاخير اقول هاي امي وتحب لي الخير


بس اللحين لا انقلب الموضوع من 3 سنوات واختفوا الخطاطيب فجاه واشوف امي لما اطريلها الزواج تصييييييييييح وكله مرات اشوفها تدعي احس انها تدعي اني ما اعرس

بتقولون تحس بالوحده تخاف تروحين عنها بس هي عندها 7 غيري وابوي وكلهم عندها
مرات تتركني بالشهوووووووور والله بروحي بالبيت انا والشغاله والله العظيم مرات اموت خوف بروحي ولا احد من خواني يدش يسلم علي او يسال عني يمر شهر شهرين

امي انانيه يوم تباني تقولي تمي عندي ويوم مب محتاجه لي كله تهيني وتجرحني وتعايرني بعنوستي وتقولي لا تعرسين واغلب الوقت تدعي انا ما اعرس

والدليل انا خلاص ما عاد فيه خطاب اصلا اختفوا فجاه وانا اللحين عديت الثلاثين

واكثر شي امي تخاف منه المصروف لاني اصرف عالبيت مب مقصره عليها بشي وخواتي الثانيات يشتغلن مثلي معرسات بس بالكثير تعطيها مبلغ بسيط ومرات شهور ما يعطونها شي

تخاف لعرست اقولها انا بعطيج مثل خواتي

والله اني مفتقره من هالشي خواتي كل وحده زوجها راتبه راهي وهي راتبه محترم
وكله يقولون لي انتي بخيله ما تصرفين عالبيت وانتي مبذره مع اني ما اروح السوق الا كل 4 شهور مره مع ان هاي بيزاتي ويوم اطلب منهم يقولون لي انتي تلعبين بالفلوس وانا اصرف عالبيت وعلى امي وابوي وعلى عمري وانا بنت لي احتياجاتي
وكل وحده فيهم عندها حساب بالبنك بملغ وقدره وهي ما تصرف على بيتها فلس وطبعا زوجها يتكفل بكل شي ولا يلبسن ويتعدلن بره لان مب مهتمات بشكلهن الا لبيتهن

وانا امي اكثر شي هامها مصاريف البيت تفكر لو عرست اني بفتك منها

وامي مرات تاخذ للبيت مبلغ تافهه وصغير وتيلس تعصب وتهاااااااااوش وتتذمر مني وتتشكى تقول انا يالسه اصرف عالبيت مع ان مبلغ بسيط وانا ما اخليها تصرفه ماشاء الله عليها تحب تيمع بالبيزات



خلاص انا غسلت ايدي من سالفه العرس

امي دووووووووووووم بتيلس تعايرني بعنوستي وخواني داشين وطالعين بس معاير واستخفاف فيني والله قمة النذاله وحتى خواتي والله لو اموت مما راح يسالون عني

باجر بعد عمر طويل والله اخاف انقط بالشارع
بتم بروحي ما احد يسال عني
على الاقل اللحين كله يالسه بروحي
وايد احصل اهانات وااااااااااااااااااااااااايد تصير لي مواقف
اقل موقف صار لي مع زوج اختي النذل مفكر اني كبرت وصرت رخيصه وببيع عمري اللحين برخيص لاني كبرت مب هو مسترخصني بس الكل وحصل واااااااايد تلمحيات من زميلاتي بالعمل اني برسم على رياييلهم لاني كبرت وبرضى باي حد
واااااااااااااااايد احصل مواقف واهانات واخافا على عمري بهالزمن لين متى بصبر عن الحرام
الحرام سهل جدا
والله اني ما اطلع من البيت واذل عمري ذل لاخواني عشان اطلب منهم طلب صغير ومرات ادفع لهم والله بس ما يرضون وحريمهم يخافون اني اعتمد علي اخواني واتعود يمكن باجر اي اسكن عندها واحتاج لهم
وانا ما ابي ارضى باي حد لاني صبرت واااااااااااااااااااااااااايد ابي انسان يعوضني ويحن علي




امي اعرفها يوم ما ترضى عن شي ما يستوي مستحيل والدليل ان خلاص ماشي خطاب
مع اني واااااااااااايد ادعي وسوي كلششششششي كنت اسويه قبل وادعي اكثر واكثرر

وانا كلمتها وااااااااااااااااااااااااااااااااااااااااااااااااا اااااااااااااايد اني انا ما بقطع عنها ولا بقطع مصروفي بس هالشي مايقنعها موووووووووول امي وااااااااااااااااااااااااااايد مااديييييييييييه بشكل مب مقصره عليها بهديا والمصروف



والله هي كاسره خاطري بس اسلوبها معاي غلط بغلط من يوم ما كنت صغيره هي ما كانت تعاملني زين ودووووووم تهيني وليومكم هذا
وانا صرت ما اقدر اصبر على اهاناتها اكثر من جيه خلاااااااااااااااااااااص
صرت انفجر من اقل كلمه واصارخ عليها وارد عليها ما اقدر اتحمل اكثر من جيه كفاااااااااااااااايه





ادعو لي ان ربي يعوضني تراني مليت وما ابي اعيش حياتي كلها اهانات بس كفايه شبعت







ارجوكم بنات ادعولي بس
ما ابي عروض خطاطيب من المنتدى
ابيكم بس تدعون لي ان الله يسخر قلب امي لي وتحن علي ويرزقني الزوج الصالح العازب الي يعيني على بر والديني ويكون خير الازواج

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شموخ أم شخبوط]

الله يسخر قلب أمج ويرزقج الزوج الصالح عاجلاً غير آجل إن شاءالله ..

[ام ماسه]

فديت روحج الله بيسهل عليج ويرزقج بي الزوج الي يستاهلج
ويسر امورج ويحنن قلب امج عليج ياقادر يا كريم
وصدقيني هذي الدعوه من قلبي

[سكنت القلب]

مشكورات خواتي

بس والله استغرب انا يوم اطلب دعوات من احد بهالموضوع نادر ما احصل

بدون ما احدد شفت موضوع لوحده تقول ادعولي بزوج صالح يغرقني بالهدايه ويحبني

والله الصفحات وصلت لعدد كبير وانا من الصبح حاطه موضوع ماشفت حد يرد علي او يدعيلي

الحمدلله على كل حال

[برق لمع]

الله يسخر قلب امج لج وتحن عليج ويرزقج الزوج الصالح العازب الي يعينج على بر والدينج ويكون خير الازواج

[3awashi]

يارب امج تحن عليج ويارب يرزقج بريال الصالح ويعوضج يارب عن كل شي الله كريم كثري من الاستغفار

[ms. caramel]

الله يسخر قلب امك لكِ وتحن عليكِ ويرزقك الزوج الصالح العازب الي يعينك على بر والدينك ويكون خير الازواج

[طالبة علم ~]

ربي يعوضج خير اختي " لاتقنطوا من رحمة الله "

عسى ربي يحقق لج أمانيج ويرزقج الزوج الصالح والذريه الصالحه

[علياء القمر]

الله يسخر قلب أمج ويرزقج الزوج الصالح عاجلاً غير آجل إن شاءالله ..

[مب عارفه]

الله يحقق ف بالج ان شاءالله ^^

ويرزقج بالزوج الصالح الي ينسيج كل شي

ويرزقج الذريه الصالحه

ويحنن قلب امج وخواتج

[اسمهايت]

اللهم يارب يحنن قلب امج عليج ويارب يرزقج بالريل الصالح الى يعينج على بر والديج
اختى لا تيأسي من رحمة الله وهذا اختبار من الله
عليج بالاستغفار والله انها مفاتيح الفرج والله لو كل انسان يعرف قيمة الاستغفار ما تركه دقيقه
وعليج بقيام الليل وتفائلي الله وياج الغاليه

[أم كشه،،]

الله يحنن قلب أمج عليج يارب_
والله يرزقج بالزوج الصالح يارب_
إلي بيعوضج عن كل شي استوالج بحياتج~:

[اميرة ^^]

الله يسخر قلب امج لج وتحن عليج ويرزقج الزوج الصالح العازب الي يعينج على بر والدينج ويكون خير الازواج

والله يستر عليج دنيا و آخـره وتتحقّق كل أمانيج

[الراقيه *]

فديتج و الله ، مع اني ما كنت داخله باسمي، دورته و ينه و دخلت و حطيت الباسوورد بس عشان ادعيلج دعوه حلوه..... بس ابا اقولج شي لا تيأسيين ، الله ما ينسى حد و حسيت من رسالتج ان الله بيعوضج عن كل شي ، و بيي اليوم الي صدق بتفرحين فيه ،،و انشاءالله قريييب

ادعي دوم و اقري البقره و الاذكار و داومي على قيام الليل ، و تأكدي انج لو احسنتي الظن في الله ، بيتحقق الي تبين، يعني دوم اتأكدي ان الله بيعوضج، و بيفرج همج و بيصييير

الله يرزقج بالزوج الصالح عاجلا غير أجلا

[يتيمه حزينه=(]

اصبري فديييييتج وكثري من الاستغفارر وقراءه سوره البقره ... والله الاستغفار فوائده عجيييبه وانا مجربه فكذا موقف واليوم راحت علي نوومه نشيت مفزووعه لاني ماعرف حد فالكلاس تونا بدينا واخاف الدكتور يعطي البنات كوز او شي لانه دومه جي تميت استغفر فالباص لين وصلت ودشيت الكلاس وتوه بيبدا شرح فاول سلايد .....

وان شالله نسمع خبر عرسج جرييييييييب ^^