يمكن مشكله ويمكن لا

**احلى منكن** · 2010-02-04, 15:57

السلام عليكم
انا احس ريلي وايد خاطري في ياهل كل ما شاف عيال خوانه او خواتي او عيال خواني او اي بيبي يطالعهم واحس يتمنى يكون ولده طبعا نحن بعدنا ماكملنا سنه بس هالاحساس خلاني افكر بجنون في انه يبا يتزوج واشك فيه واي وحده يتعامل معاها اتكون تحت المجهر ع كم مره اكلمه في هالموضوع ويقول عادي انا عمري ما بتزوج عليج من فتره صار يطلع وايد ومايرد ع اتصالتي الا مره او مرتيين احترق واقول اكيد كرهني احس نفرنا من بعض انا السبب وبعد هو السبب كيف ما افكر في هالشي ونرجع عادي

المزيد من آخر المواضيع من نفس القسم:

**kprya3** · 2010-02-04, 15:59

الله ييسر أمـــوورج..

للـــــــــــــرفــــــــع

**نسايم روح** · 2010-02-04, 16:01

نفس حالتي اشوفه شفقان على اليهال وانا ما اقدر اسوي هل شي من مستشفى الى مستشفى وللحين ماشي خبر

**لؤلؤة ah** · 2010-02-04, 16:03

الله بيرزق كل محروم ومحرومه بالذريه الصالحه

**ام الغلا99** · 2010-02-04, 16:05

مرحبا الغاليه

لاتحاتين ولاتفكرين وايد لانه النفسيه معروف تلعب دوور في عميلة الانجاب

اول شي ادعي ربج الله يرزقكم..ودووم استغفري وادعي هالدعاء:ربي لاتذرني فردا وانت خير الوارثين

وانصحج روحي كم يوم العمره مع زوجج كتغير جو عن الضغوطات اللي صايره امبينكم..وفي نفس الوقت تجديد لانفسكم وصلتها بربها...وادعي ربج هناك

ولاتخلين هالتفكير ياثر على علاقتكم...وانتوو بعدكم توكم..انا بعد ماكملت سنه حملت..كان ريلي عادي بس انا حاشرتنه ابا ياهل مليت البيت بياكلني بروحي هههه..ويوم كملنا سنه سبحان الله حملت وطار من الفرحه ...

واذا مستعيله روحي كشفي عيادة اوراس فشارجه اذا قريبه من منطقتج ممتازه وبتشوفج وبتسويلج تحاليل واذا تبين تحملين احيد عطت اختي حبوب وماشالله حملت ع طول صح بيد رب العالمين بس ساعات الدكاتره سبب..جربي حضج وروحيلها...

والله يرزقج واتبين درزن يهال انشالله ^__^

**احلى منكن** · 2010-02-04, 16:07

يارب ،، شكرا ع مروركن

**حزني حطمني** · 2010-02-04, 16:07

هلا خيتو
بس سنة الا مكملين
وتوه الناس ع اليهال
حاولي تشغلين نفسج بشي
وتغيرون جو..
ودايما تذكري انه الله مته ما كتب ان شاء الله بتحملين الواحد يصبر..
وراجعي دكتورة نسائية شوفي شو السبب>>مع انه الا من سنه يعني اصبري
ربيعتي يحليلها من 4 سنوات وللحين صابرة مع انه لا هي ولا ريلها فيهم شي..
وان شاء الله نسمع اخبار حلوة عااااجل غير اجل يا ربي..
وربي يوفقج ويسعدج ويا ريلج

**احلى منكن** · 2010-02-04, 16:10

حزني حطمني انا صابره واعرف الا سنه بس هو شو اسويبه نظراته شكلها ما فيه صبر

**احلى منكن** · 2010-02-04, 16:21

ام الغلا99
الحمدالله مافينا شي وانا ماشيه ع نظام بس هو المشكله وشكرا ع مرورج

**ام الغلا99** · 2010-02-04, 16:24

المشاركة الأصلية كتبت بواسطة احلى منكن

ام الغلا99
الحمدالله مافينا شي وانا ماشيه ع نظام بس هو المشكله وشكرا ع مرورج

ربي يرزقكم ان شاءالله عاجلا غير اجل وتفرحين زوجج

واذا احتجتي اي شي طرشيلي ع الخاص..في وايد من اهلي ماحملووو من كم سنه وساروو بعد عند دكتوور والحمدالله الله رزقهم

**مرحباني** · 2010-02-04, 16:27

فديييتج لا تفكريين الله بيرزقج الذرية الصالحه وبتستانسين وتفرحيين قلب ريلج

يمكن انتي حسااسه وهالشي خلاج تفكرين وايد

والله يوفقج يارب

**سمراء_قنوعه** · 2010-02-04, 16:58

الله يرزقج ان شاءاله ويرزق كل محروم ومحرومه
ادعي ربج وان شاءالله بتحملين

**غـنـاتےَ K** · 2010-02-04, 17:21

الله يرزقج ويرزقني ويرزق كل محرووومة بالذرية الصالحة ....

**المـHــآ** · 2010-02-04, 17:23

الله بيرزق كل محروم ومحرومه بالذريه الصالحه

**وردة الجاردينيا** · 2010-02-04, 17:27

الله يرزقج الذريه الصالحه عاجلا غير اجل

الموضوع: يمكن مشكله ويمكن لا

أدوات الموضوع

عرض