دددخيلكم قوللي شوالسالفة

**غلا الورد** · 2010-02-02, 00:36

السلام عليكم ياخواتي العزيزات

أنا عندي مشكلة يمكن تكون تافهة بس حسيت أني لازم أفضفض

تزوجت من ثلاث سنوات بعد 4شهور من زواجي قالي زوجي أنه بيرقد بغرفة ثانيه عشان مايضايقني بحجة أن أنا أحب التلفزيون بس قلت له عادي أنا ما عندي مشكلة بنام بدون التي في بس لا قالي خلييج ع راحتج بس أنا واللة تضايقت
أنا عايشة في بيت أهلة وأغلبيتهم شباب فأحبس عمري في غرفتي ألا أن شفت عمتي يالسة في الصالة أسير أيلس وياها

بس المشكلة أني يوم يبت عيال واحينه عندي 2 قالي أنا ماأتحمل اليهال يصيحون بسير برقد في غرفة ثانية بس أنا يالست وياه وتناقشت أون قالي أنت تعرفين أنا نومي خفيف وما حب الازعاج بس قلت وقبل يوم أنا عروس نفس الشي كان وضعنا
ما علق علا كلامي يقولي أنت أصلا تدورين عالمشاكل شو الحل أنا عندي بس غرفة وحمام ويالسة وي عيالي واللة يئست من حركات زوجي وضاق علينا المكان واللة عمي أبو ريلي من صوب وزوجي من صوب حتى أن ماقمنا نقعد نفس قبل أحس حياتنا في خطر مايبى يسمع شي مني ومزاج يوم ينام وياي بل الاسابيع مايني محسسني جني عيوز أنا ماأقدر أكشخ بسبب الشاب موجودين في البيت ياللة ألبس كندورة وهشيلة بنات دخيلكم منو الغلطان الحين قولو
ابغي حل لمشكلتي واتمنى تعطوني حلول

ملاحظه انا اخت غلا الورد
والسموحهـ

المزيد من آخر المواضيع من نفس القسم:

**أم سعيد 15** · 2010-02-02, 00:41

اختي ليش خليته من البداية ينام بروحه الحين هو تعود على هالشيء

فعلا اختي هب حلوه تلبسين وتكشخين جدام اخوان ريلج

الله يعينج يا اختي وحاولي بالحب وبزيين وياه ممكن يطيع ؟؟ او يغير رايه ؟؟

بس دايما شغلي في الغرفة القرآن الكريم وأشغلي نفسج بالعبادة وبعيالج إن شاء الله الامور ببتغير

**دلوعه فزاع** · 2010-02-02, 00:42

فديتج والله الله يعينج وان شاء الله يطلع لكم بيت

**نبضي استغفاري** · 2010-02-02, 00:47

عليج اختي بالدعاء والاستغفار

ربي يحنن قلب ريلج عليج

**الأمل الساطع** · 2010-02-02, 00:49

حبيبتي .. اكشخي حق ريلج ف الغرفه ويوم بتنزلين تحت بعد غيري من لبسج...
غيري الجلابيات والشيل اللي تلبسينهم يعني حتى جدام اهله اكشخي كل مره بشي يديد..

ويوم بيي يرقد رقدي عياالج أول وهيئي له الجو اللي يساعده انه يرقد ..
لان ريلج يبا يرتااااح ويوم ايي ويشوفج .. اولا مب كاشخه وثانيا العيال مسويين حشرررره ..

فهو بيضطر انه يرقد بحجره ثااانيه لانه ياي تعباااااان ويبا يرتاح..
..
يعني بالمختصر المفيييد ...
اكشخي لريلج بالغرفه وجهزي له عصير او اي شي ياكله .. طبعا بعد ماترقدين العيال..
ويوم بتنزلين عن هله بعد غيري جلاااابياتج وغيري الشيل .. لانه بيستانس يوم بشوفج تلبسين وتهتمين بمظهرج حتى جدام هله ..

وبجي بتعود اشوي اشوي انه ما يخليج ويروووح حجره ثااانيه ... وطبعا انتي أدري بالأشيا الباجيه ..

**غلا الورد** · 2010-02-02, 00:51

مشكورات خواتي بس واللة حاولت معها من البداية هو رافض هالشي قولولي شو ممكن يكون السبب

**Roman** · 2010-02-02, 00:55

السلام عليكم

اختي يمكن هو واحد من اللي يملون بسرعة من نفس الموال

اتمنى انج تتزين حقه

تحياتي

**غلا الورد** · 2010-02-02, 01:02

أختي الامل الساطع نحن طابق أرضي حجرنا متقابلة مع حجر الشباب واللة أني أحاول حتي يي يسوي حايتة سوري ع هالكلمه ويسيرر برع يرقد أو والله لونشو الصغارية يرقدهم عدالنا حاولت والله حاولت
والله المستعان

**غلا الورد** · 2010-02-02, 01:08

والله كلكم تقولون تعدلي أهو يقول لاتسوين ميك أب أون طبيعي أحلى بس أنا عارفة عمري لوبدون كحل أحس أني أخرع واللة مع الصغارية من أنش ألين ماأرقد أحس أن مافي وقت حتى الطبخ علي أنا واللة ماأعر ف شو الحل
يارب أرحمني

**ام_ابراهيم** · 2010-02-02, 01:19

عطيه الحل

حل يسوي لج غرفه للعيااااااااال رقديهم اهناك بس حذالج انتي ما ذكرتي اعمارهم ..

وبالنسبه للكشه صح كلامج بس ..
حاولي تغيرين له بالغرفه ......................وتبدلين وسوي له جو حبلول وحركات بين فترة وفترة امم لا تترينه اييج انتي سيري له وعطيه الكلام الحلو ,,,,,,,,,,,,,,,,,,,,, لا تبخلين عليه انتيابداي لا تتريين ه

**غلا الورد** · 2010-02-02, 02:03

أختي أم أبراهيم أنا عندي وحدة عمرها سنة والثانية 7شهور صدقيني حتى لو تكشخت في الحجرة عيالي من النوع اللي ينش لو صوت بسيط في الحجرة واللة حجرتي ضيقة ياللة تشل أغراضنا
وبعدين يالله أرقد هاي تنش هاي حتى هويقولي خلاص أنا تعبان أبى أرقد أو يطلع برع أ>ا مسخوها العيال طيب أنا شو أسوي أرضي منو الحين
الله يخلي أبراهيم لتج ومشكور ة علا الرد

**غلا الورد** · 2010-02-02, 02:04

للرفع

**غلا الورد** · 2010-02-02, 02:04

بليز أبى حل لاحد يطنش لو بدعوة

**بطة كيووت** · 2010-02-02, 02:05

حبيت ارفع موضوعج
و ربي يعينج الغلا ^_^

**غلا الورد** · 2010-02-02, 02:06

مشكورة أختي بطة

الموضوع: دددخيلكم قوللي شوالسالفة

أدوات الموضوع

عرض

دددخيلكم قوللي شوالسالفة

المزيد من آخر المواضيع من نفس القسم:

المواضيع المتشابهه

بنات الجامعة تعالن قوللي . .!

قوللي شو رايكن

كح خاااطري ف كابتشينوو >> تعالي قوللي كيف اسويه !!

الي يالسات يجهزن للسفر ؟؟؟؟؟؟؟؟؟قوللي وين الاقي؟؟؟؟؟؟؟؟

شوالسالفة