ماي الجنين قليل؟؟؟؟ شو اسوي؟؟؟ انا خايفة؟؟ ساعدوني!

**Amani82** · 2010-02-01, 18:16

بسم الله الرحمن الرحيم

السلام عليكم ورحمة الله وبركاته

انا اريد مساعدتكم وياريت محد يبخل علي

انا امس سرت افتح ملف في المستشفي وانا في آخر اسبوع في الثامن "ادري متأخرة واايد"

وطول حملي والحمد لله انا بخير وكل شي اوكي

بس امس الدكتوره وهي تشيك علي قالتلي الماي قليل ولازم ارتاح وطيح على يمب ومد ريولي

انا قلتلها والمشي انا احيد من تدخل الوحده التاسع لازم تمشي واذا بجر من نص الثامن

قالتلي امش نص ساعة في اليوم

ومن ساعتها وانا في ولوال شو يعني ماي قليل وشو يسوي وفيه خظوره على البيبي ولا لاء

ارجوكم ساعدوني؟؟؟

انا روحي زايغه علي الدنيه لان النونو من السابع عاطني طاف ولاف ويه الصوب الثاني "فديته والله"

ولا شفت ملامحه من ذاك اليوم،

المهم ارجوووووووووووووووووووووووووووووووكم ساعدوني

اذا في شي يزيد الماي او هذا شي طبيعي ولا شو السالفه

اختكم في حاله

المزيد من آخر المواضيع من نفس القسم:

**ياقوته** · 2010-02-01, 18:24

ماعندي فكره

بس حبيت ارفع لج الموضوع

وعسى البنات يفيدونج
وربي يطمنج وتولدين بالسلامه يارب

**لقاء** · 2010-02-01, 18:29

اختي أهم شي ترتاحين وترقدين على ينمب مثل ما قالت الدكتورة
ادعي وااااايد واقري ع بطنج والله يتمم حملج على خير
أنا بصراحه كنت اشرب ماي زمزم وادعي وانتي تعرفين ماء زمزم لما شرب له والحمدلله زاد ماي الجنين
أهم شي الراحه والدعاء ..

**Amani82** · 2010-02-01, 18:38

المشاركة الأصلية كتبت بواسطة ياقوته

ماعندي فكره

بس حبيت ارفع لج الموضوع

وعسى البنات يفيدونج
وربي يطمنج وتولدين بالسلامه يارب

مشكوره الغاليه على المرور والاهتمام

**Amani82** · 2010-02-01, 18:40

المشاركة الأصلية كتبت بواسطة لقاء

اختي أهم شي ترتاحين وترقدين على ينمب مثل ما قالت الدكتورة
ادعي وااااايد واقري ع بطنج والله يتمم حملج على خير
أنا بصراحه كنت اشرب ماي زمزم وادعي وانتي تعرفين ماء زمزم لما شرب له والحمدلله زاد ماي الجنين
أهم شي الراحه والدعاء ..

مشكوره الغاليه على المرور والاهتمام

افهم من ردج انج كنتي مثل مشكلتي، الحمدلله على سلامتج

ممكن اعرف اذا في اي ادعيه معينه لهذي الحاله

يعني انتي شو كنتي تدعين

سوري بتعبج وياي

**عواشي11** · 2010-02-01, 18:43

ماعندي فكره

بس حبيت ارفع لج الموضوع

**شوق الأمارات** · 2010-02-01, 18:58

انا احيد يوم بنتي اللي قبل قالولي الماي شوي بس حمدلله قالتلي الدكتورة عادي ورحت عند دكتورة ثانيه بعد قالتلي عادي وكملت حمالي لين اخر التاسع
وهو عادة يقل من التعب يمكن انتي تجهدين عمرج
حاولي ترتاحين مثل ماقالولج واهم شي راقبي حركة الجنين اذا اقل من 5 مرات في اليوم علطول روحي الطواري
لانه اذا ناقص وايد مب زين يمكن يولدونج
بس ان شاءالله كل شي يمر على خير ولاتنسين تستغفرين على طول عشان تتسهل امورج

**مناااي** · 2010-02-01, 19:05

انا كنت شراتج و الحمدلله بنتي بخير و ربيت طبيعي بس كنت مريحه نفسي و كنت آكل تمر وايد هالشي سويته من نفسي يعني محد قالي كلي تمر وكنت استغفر واااااااااايد بنية انه الله يحفظلي بنتي و بعد كل صلاه ادعي و الحمدلله انا و بنتي بخير
لا تحاتين بس توكلي على الله و سوي مثل ما قالتلج الدكتوره

**حبوبةالطايفة** · 2010-02-01, 19:11

ما متأكدة من المعلومة هذي بس سمعت ان ماي زمزم يزيد ماي الجنين ،لان سبحانه نفس التركيبة او تشبه ماي الجنين
والله اعلم .حبيت اساعدج أختي والله يسهل عليج .

**اسعد تعيسه** · 2010-02-01, 19:13

انا من الشهر الخامس انا اعاني من زايده الماء

من دخلت التاسع..دكتوره قالتلي الماء ناقص هه

بس قالتلي اشربي ماء وايد...لازم اراقب حركه البيبي اذا اقل من 10 حركات في اليوم اروح طواري

الله يسهل عليج ان شاء انتي اتبعي نصايح دكتوره ان شاء الله في مراجعه الثانيه يكون مرتفع

**Amani82** · 2010-02-01, 19:24

ربي يخليكم لي ويزاكم ربي خير

والله انكم طمنتوني

ولله صدق واااحد يتوكل على رب العالمين هو في ايده كل شي

**om hessa** · 2010-02-01, 19:44

انااااااااااااا مرتين صادفتني المشكله بحملي الثاني والثالث بس للاسف ماكان شي ماي نهائيا من بداية الشهر السابع ومافي مجال يتريون اكثر من جيه ف قيصروني على طول في السابع لانه الرحم خالي من الماي الامينوسي تخيلوااااا
المهم الحمل لي بعده من دخات السابع وتكررت نفس المشكله و ربيت في الثامن
ومافي شي يزيد الماي حاولي تحافظين على كمية الماي الموجوده ولا تتحركين وايد تحملي والله يسهل عليج يارب

**الأمل المشرق** · 2010-02-01, 20:22

انا قريت معلومة ان ماي زمزم يزيد ماي الجنين وانا شربته لما اتبطل عندي الماي والنفس ما كانت مفتوحة

**العنابية** · 2010-02-01, 20:31

انا اعاني من نفس المشكلة وانا بنص السابع الله يعين ويتمم حملي وحملج ع خييييييييييييير

**أم الأوصاف** · 2010-02-01, 20:32

الله يسهل عليج حملج وولادتتج اختي ياااااااااارب

الموضوع: ماي الجنين قليل؟؟؟؟ شو اسوي؟؟؟ انا خايفة؟؟ ساعدوني!

أدوات الموضوع

عرض

ماي الجنين قليل؟؟؟؟ شو اسوي؟؟؟ انا خايفة؟؟ ساعدوني!

المزيد من آخر المواضيع من نفس القسم:

المواضيع المتشابهه

احواتي ساعدوني ماء الجنين ناقص شو اسوي

ماء الجنين قليل سااااعدوني

ماء الجنين قليل .. منو بتفيدني ؟؟؟

خايفة اسوي مباركة.... ساعدوني

ماء الجنين قليل !!!