صالون ماي ستايل بليز ردو عليه بليز

**رورو الامارات** · 2010-01-28, 02:12

السلام عليكم ورحمة الله وبركاته

شحاالكم وعساكم مرتاحين

شو رايكم في مكياج وتسريحة ماي ستايل

بليز خبروني بليز لان باجر ملجتها بليز اللله يخليكم

المزيد من آخر المواضيع من نفس القسم:

**رورو الامارات** · 2010-01-28, 02:44

وينكم بنات

**ام شوق وعزوز** · 2010-01-28, 03:06

للرفع

**um easa** · 2010-01-28, 03:16

فووووووووووووووووق

**Anwaar** · 2010-01-28, 09:50

المكياج.. اذا بتسيرين دبي مول (اللي مقابل دبي ستي سنتر) عندهم مادونا خوري.. شفت مكياجها في الالبوم حسيته دفش وما عيبني ابد.. ووحده من ربيعاتي سوت عندها المكياج في عرسها كان حلو بس مب مميز جدا..
وسوت الشعر عند ايمي الفرنسيه يتها الفندق
الشعر في نفس الفرع (ديره) ماحد طرالي شي سبشال

فرعهم اللي في جميرا.. عندهم وحده اسمها امل.. تحط مكياج ناعم.. بس انا احط احلى عنه بوايد لنفسي!! والشعر التسريحه روعه سوتلي اياها وحده ضعيفه صغيرونه اسمها غريب فيه حرف الشين .. لكن للاسف انفكت التسريحه وتبهدلت وتوني واصله العرس (عرس بنت عمي الخميس الماضي).. يمدحون جمانه وايد في التسريحات بس ما جربتها كانت مشغوله مع زبونات

نصيحتي.. الصالون اللي ما جربتي شغله قبل لا تسوين عنده لمناسبه مهمه جدا.. خاصه اذا انتي العروس او ملجتج!! يعني نجمة الحفل.. لا تخاطرين ابد!

انا انصحج بهستي .. او دوللا في بوظبي.. او مورا.. باتشي اي لوتشي يحلفون انهم غيروا الستاف كامل والحين شي مميز على حد زعمهم! لاني جربتهم من سنتين وشغلهم كان تعيس..

**علوه** · 2010-01-28, 10:17

الغاليه اختي سوت عندهم في ملجتها انا الصراحه شفت شغلهم على عروس في الملجه (ربيعتي) ووايد عجبني الشغل الشعر روووعه ما شفت حد يسوي جيه الشعر رهييييييب اما المكياج الصراحه مدونا غنيه عن التعريف وايد شغلها مضبوط وقبل ما تخبص المكياج على الويه تسوي لج ماسكات عشان يعدل البشره وما يتعبها بالذات لو كنتي عروس انا لما يات علي كانت بشرتي جافه قعدت تحط عليها مية لوشن وكريمات وتسوي لها مساج لين ما تحسنت وبعدين حطت المكياج وصدق كان خباااااال سوت لي ستايل لبناني بس حلو مو هالليناني الي كأنج مهرج دمجت لي لونين التركواز والذهبي ورسمه العين عندها صدق فنانه مو نفس ناس يرسمون لج نفس الرسمه لكل العيون ...
وايه ترا هي ما تصور وما اعرف ليش ما عندها صور حق مكياجها احنا اول مرة يوم رحنا عشان نسوي البروفه الصراحه تشجعنا لما شفنا الصالوان شقى رااقي ونظيف تحسين روحج في منتجع وقسم المكياج مفصول عن الشعر ... لكن لما شفنا صور الكاتالوج مال المكياج كلش زغنا وابد ما تشجعنا حتى هي ضحكت قالت ترا ما عليكم من الكاتالوج لانه قديييييم وكله مسوية فضي واسود المكياج وطبعا اختي سوت البروفه وعجبها وتوكلت على الله ...
ربيعتي الي سوت عندها بالملجه سوت عندها بالعرس وسوت لها ستايل كلش مختلف عن العرس والملجه حتى استغربنا قلنا صدق ما شالله عليها خبيره تجميل بمعنى الكلمه يعني ما لها استايل واحد تسوي اكثر عن ستايل ...
يعني شو بقول اكثر عن جيه ... احنا ندمنا ليش ما سوينا بالعرس عندها بعد قالت اختي تبي تغير وطحنا على الي ما تسمى ... الله يعين بس
توكلي على الله روحي لها سوي البروفه وان شالله يعجبج
انا الشعر ما عليه كلام مثل ما قلت شعري كان قصير وعبووه لي من غير وصلات وكل الي هناك شطار مو بس جمانه اختي سوت لها وحده غير لانه جمانه كانت مسافره وطلعت خبااااااال وايدهم خفيفه على الشعر وما يسوون فير ولا سشوار ياخذون وقتهم مع كل زبونه صدق صدق انصح بهالصالون لانه درجه اولى انتي روحي وشوفي كيف وصدقيني بتتشجعين
وطبعا بعد ما عدى العرس على خير الكل قال مكياج الملجه وايد احلى عن العرس حتى الخدامه لاحظت واذكر بالملجه او تعليق احصل عليه من اي حد يشوفني الله المكياج رووووعه من وين .....
هذا رايي ومن تجربتنا
نصيحتي توكلي على الله على الاقل يستاهلون البيزات الي بتعطيهم

**ديــايــه** · 2010-01-28, 10:23

الغاليه ماي ستايل جمانه هي الشاطره الصراحه ..

والحين انتقلت فرع جميرا ..

يعني لو بتسير تسير جميرا ..

بس ماظنتي عندهم مكياج ..

لانهم يوم كانوا ف الفرع اللي مجابل الستي كان الصالون اللي حذالهم يسوي المكياج اللي هي مدونا خوري ..

وسلامتج ..

الموضوع: صالون ماي ستايل بليز ردو عليه بليز

أدوات الموضوع

عرض

صالون ماي ستايل بليز ردو عليه بليز

المزيد من آخر المواضيع من نفس القسم:

المواضيع المتشابهه

صبايا العين بغيت صالون حناهم حلو بمعنا الكلمه دلوني عليه بليز

بليز بليز بليز ردوو عليه ضرووووري

صالون ماي ستايل شو رايكم فيه بليز ضرووووووووووووووري

مرحبا خواتي عندي سؤال بليز ردو عليه بليز ...؟؟؟؟

بنات بليز الي بترد عليه والله بدعيلها (صالون يمنى)