لو خسرتك ماخسرت العمر ***

[دمعة الفراق]

لو خسرتك ماخسرت العمر ..والدنيا متاع..
وأدري إني لو خسرتك ماخسرت إلا القليل..

بس فكر زين!! ..تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..

وين تلقى مثل شخصي شخص..وطباعي طباع..
ووين تلقى مثل "قلبي قلب..أو مثلي خليل.."

البشر واحد..نعم..لكن فرق الإنطباع..
يجعلك يمي تميل ..ويم غيري ماتميل..

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..

بيض الله وجهك اللي ساتره تحت القناع..
ورايتك بيضا معاي وياعسى عمرك طويل..


يعني أعطيك الثقه وتردها بـ<لوي الذراع..
يأخي ما شاء الله عليك أبدعت في رد الجميل..


مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..


كم وأنا عييت أصدق فيك قدر المستطاع..
من غبائي!! كنت أسكت وأعذرك وأثر الحصيل؟..


جرح قلب.. ميزته.. في كل يوم الإتساع..
ودمع عين ينهمر من ضيقتي..في كل ليل..

و الله إني "كنت" أحبك حب.. وأتبعك إتباع..
كنت لجل أرضي غرورك بس أسوي المستحيل..

كنت أعمى فيك..لالا كنت ميت للنخاع..
كنت مدري كيف؟ لكن كنت "صادق معك حيل.."

كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..

إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..

صدمتي فيك إنت..خلتني أفكر بإقتناع..
""إن قتل النفس راحه لو أنا كنت القتيل..""


إنفجر راسي من التفكير..وإزداد الصداع..
كيف أنا بفتك من جرحك؟؟ودوشة<<قالٍ وقيل..

صرت سيره في حلوق الناس وتالي هالضياع..
أنتحر!!معقول؟؟ يالله وش هذا الغليل؟؟..

رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..:

لاغدى <مستقبلي والماضي> أطراف النزاع..
وصفحة الماضي سواد وشيء من هذا القبيل..

فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..

وطالما إن الهجوم أفضل وسيله للدفاع..
مستحيل أرضخ لو إن الحمل ياربعي ثقيل..

والبخيل اللي نساني وإشترى فيني.. وباع..
يـذلف الله لايرده.. والله بجرحي كفيل..

وإن سأل عني..وجاكم بعد فترة إنقطاع..
علموه إني نسيته بس ..أنا ماني بخيل..


طالما كان السبب في قوتي.. قبل الوداع..
بلغوهـ أقل شيء,, بخالص الشكر الجزيل

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غرنـوقـة دبـي]

صح لسانج غلايه ..
إحساس وعزة نفس هذا أروع ما يكووووووووون الله عليييييييييييييييج ..

[ام راشد وسالم]

مشكوره ع قصيده ...

الله يعطيج العافيه ...

ما قصرتي رايتج بيضه ...

[سوسو_]

صح لسانج... روعة!!!!

[دمعة شقى]

صح لساااانج

[اخت بوحميد]

صح لسانج الشاعره اشكر فنج

[بنوتة80]

روووعة القصيدة

بس فيها من العامية والفصحى

[إخت شجون]

والله أنه عجيييييب شاعر ولا أروع والقصيده أروع حبيتها وااايد

[دمعة الفراق]

مشكـــــورات حبيباتـــي على الردود الحلوه وتواجدكن في صفحتـــي أسعدنـــي .. تقبلوا منـــي أرق التحيات وأعـــذبهـــــا ..

[$شما أحمد$]

الله الله الله على نبل المشاعر والاحساس والصبر عالجرح حتى أقصى الحدود
فعلا شمووووخ الحب يبدأ يكبر كلما تعرضنا لطعنات الغدر.....!
ولنعلم أننا استطعنا بقلوبنا الطاهره أن نحتوي حبا صادقا نرويه من اخلاصنا
وتفانينا في صبرنا حتى نصل الى نقطة مسدوده تماما فنخرج من هذا الحب
بعزة وكرامة ويبقى الفشل حليف من كنا نعتقد أنا نحبه ... !
فيخرج هو ذليلا مكسورا يعاني من قبح صفاته وكثرة زلاته وقلة حيلته .. !!!
دمعة فراااااااااااااااااااااق شامخة
تسطر لنا أعذب الكلام ونحن من وحي كلماتها نستمد الثقة في أنفسنا ونفخر بها
أننا أقوى دائما في الحب ....!!!

[دمعة الفراق]

مشكــــورة يالغلا شمـــا أحمـــد على كلماتك الحلوه وهـــي بمثابة تشجيع لـــي .. تقبلـــي منــي أرق التحيــــات