مين عندها خبره في اختار الشغالات

**شعنونه** · 2009-12-29, 13:05

السلام عليكم
عندي كم من الطلبات وابا حد يساعدني محتارة كل مرة اجيب وحدة وتطلع مو زينة بليز ساعدوني طرشولي اميل وبرسل الطلبات لاني ما اعرف انزل صور في الموقع

المزيد من آخر المواضيع من نفس القسم:

**حوره نونا** · 2009-12-29, 13:38

حبوبه قارني بينهم :
كم سنه مشتغله (( لاتاخذين وحده مب مكمله مدة العقد فالبلد إلي مشتغله فيه ))
إذا كانت مزوجه وعندها عيال يكون أحسن
البلد إلي مشتغله فيه
إذا تعرف إنجليزي

وإذا إستقريتي على وحده أول شي إستخيري وشوفي إذا ترتاحين لها ولا لا

إن شاء الله أكون فدتج

**tmyz** · 2009-12-29, 14:06

صح الافضل تصلين استخاره بارك الله فيج

**شعنونه** · 2009-12-29, 14:27

مشكورات غناتي
والله يوفق الجميع

**حلم المسافر** · 2009-12-29, 14:40

بعلمج نحن كيف نتختار سواء انا أو أهلي ..

*العمر : يفضل نهاية العشرين
*الحالة الاجتماعية : أرملة يكون أفضل لانها تبقي تكد على عيالها وماعندها خرابيط (عند خالتي هنتين ارملات يكملن عندها 10 سنوات شغل ماشاء الله تبارك الله ) أو متزوجة
*سنة الخبرة: لازم مكملة المده أو اكثر
*مكان الشغل لو عند وافدين احسن مثل الاردن أو لبنان لانهم معلمينهم اصول الشغل مب دلع مثل عدنا أو السعودية بعد زين ..
*من العاصمة احسن من القرى راقية شوي ..
* والوالدة عندها حكمة ان تكون ضعيفة تقول خفيفة ونشيطة لشغل خخخخخخخخخخخخ ..

وهم شي مكتب الخدم يكون معروف وزين لان ساعات هو سبب الخراب ما يدور عدل ..

وبعد الاختيار صلي استخارة ودعي ان الله يسخرها لج ولبيتج والله يوفق
ولاتنسين تراهم بشر وتختلف طبايعهم عنا ولازم نحن نتغاضى شوي عنهم عسب تمشي الحياة لان محد بتحصلين 100% سنع

وموفقه غلاي
وبالتوفيق

**أمل سالم** · 2009-12-29, 18:03

للرفع

الموضوع: مين عندها خبره في اختار الشغالات

أدوات الموضوع

عرض

مين عندها خبره في اختار الشغالات

المزيد من آخر المواضيع من نفس القسم:

المواضيع المتشابهه

للي عندهم خبره بتنازل الشغالات

منو اللي عندها خبره في الدانتيلات تدخل اهنيه وتعلمني لان ماعرف اختار الدانتيلات

منو اختار عشان اتمكيج عندها