خبيرات تركيا!!! كيف بكون الجو بشهر 2؟؟ آخذ بنتي و لا لأ؟؟

[فديت المها]

مرحبااااااااااا...
بناتات انا ناوية ان شاءالله اذا الله راد.. اسافر تركيا على 17 - 2 -2010
6 أيام بس... اول شي.. خبروني كيف بكون الجو؟؟ باااااااااارد وااااايد؟؟ لدرجة اني مابقدر اتحمله ومابقدر اطلع؟ ولا وسط؟ بكون فيه ثلج؟ و لا لا؟
انا محتاره بعد بشي... آخذ بنوتي معاي؟؟عمرها سنتين و نص!!! ما اصبر عنها ابد!!!
ولا بتمرض و بتتبهدل من الجو؟؟؟؟؟ شوروا علي بلييييييييييز
و وين اسير هناك؟ احلى الاماكن ب 6 أيام؟؟ و من وين احجز الباكج ؟ وين جربتوا و طلع اوكي؟ اي مكتب؟ و على اي طيران؟؟

المزيد من آخر المواضيع من نفس القسم:

• اهم المعلومات عن وسائل المواصلات والتنقل في...
• ألينتيخو البرتغالية اجمل الوجهات السياحية...
• جزيرة بالاوان اجمل الجزر الطبيعية في الفلبين...
• كانازي قرية إيطالية خيالية بأجواء لامثيل لها...
• اجمل الأماكن السياحية في كوتور
• جولة سياحية لاجمل المعالم في ألبانيا
• بولندا تفتتح أعمق مسبح في العالم
• اجمل اماكن سياحية من العصور الوسطى في كوينكا
• طيران الإمارات و«فلاي دبي» تستعيدان 70 و50%...
• لقطات مثيرة من جودبور المدينة الهندية...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فديت المها]

للرفعع

[shamsih-212]

ياريت حد ايجاوبنا

[bellegirl]

ربي يوفقج ^^

[بدر0البدور]

للرفع

[أم المُرشْح]

السلااااام عليييكم والرحمة والبركة

أختي تركيا في هذا الوقت بتكون باااااااارده وااااااااايد وااااااااايد

ونعم فيها ثلوووج خاصة في بورصة وأنطاليا وترابزون يعني

في المرتفعات فوووق وممكن يكون الثلج وصل أسطنبول بعد

أنتوا توكلوا على الله وسيروا وودوا البيبي فديتها بس حطي في

بالج تاخذين الثياااب الغليظه الدافيه هذا إذا تبين أتشوفين الثلج

في أسطنبول سيروا متحف الرسول صلى الله عليه وسلم والمسجد الأزرق

وفي مدينة الأميرات هذه يبالها نص يوم أظني بس بسيريلها في باخره

هذا كلشي عندي وإن شاء الله أكون أفدتج الغاليه والسموحه منكم

على فكرة نحن ناوين نسيرلها في الربيع إن شاااء الله

[إمارتيه]

هلا الغاليه توكلى على الله وروحى تركيا - اسطنبول
وان شاء الله راح تستانسون واااايد
حتى لو الجو بارد .. بس خذوا ملابس ثقيله الكم وللبنوته ..
وما عليه شر ان شاء الله

واهم الاماكن في اسطنبول هي ,,
1- شارع الاستقلال في منطقة تقسيم (شارع للمشاه كله محلات تجارية ومطاعم)
2- السوق المسقوف او الجراند بازار كما هو معروف عند الاتراك (اكبر سوق مسقوف في العالم)
3- متحف دولما بهجه (اذا تحبين المتاحف)
4- مسجد أيا صوفيا والمسجد الازرق (يمكنك مشاهدتهم من الخارج فقط)
5- حديقه تل العرائس ( جدا حلوه للتمشية ولمشاهده اسطنبول من الاعلى وفيها مطعم )
6- حديقة اولوس بارك فيها قعده تجنن ( كوفى شوب مطل على اسطنبول بشكل خيالي ورومانسي)
7- منطقة اورتكوي- لاتفوتج- داخل اسطنبول (مطاعم - كشكات لبيع البطاطا والكستناء - محلات لبيع التذكاريات - منظر رائع على بحر مرمره والجسر المعلق)
8- زيارة قصر نور ومهند (اذا تابعتى المسلسل) وهذا تقرير عنه
http://forum.uaewomen.net/showthread.php?t=339776

وشوفي موضوعي عن السكن في اسطنبول يمكن يعجبك السويت مالي ,,
http://forum.uaewomen.net/showthread.php?t=341064


واذا حابه ممكن اعطيج رقم سائق تركي أمين هناك .. جدا ريال محترم ويتكلم العربية بطلاقه ..
اخوه يشتغل في سفارة الامارات .. يعنى ما منه خوف .. وانا ممكن اسوي لج بكج حلو ..
اذا اتريدين راسلينى على الخاص وفالج طيب

[شوكليت]

الغاليه اكيييييييييييد بيكون الجو بااااااااااااااارد انا سايره شهر 10 وكان الجو برد برد

[مزيوونة بوظبي]

مرحبا حبيبتي رحلة سعيدة إنشاء الله, انا توني يايه من تركيا أجنن والله, بالنسبة لشهر2 اكيد الجو بيكون بارد واااايد بس أذا هذي فرصتج في سفر لا تفوتين,

[Miss Cavalli]

بالنسبة للجو ما تعرفين لنه هالسنه يايه موجة برد بزياده لأوروبا .. فما تعرفين يمكن يكون وايد وايد برد ..بس هو بالعاده هالوقت عندهم ثلوج

و عن الاماكن السياحية سيري اسطنبول عندج متاحف و اسواق حلوة...

بالنسبة للمكتب السياحه يفضل انج تسوين بكج بما انج اول مره تسيرين .. لنه يبالج شوي ترتيب و مواصلات و جي ..

و بالنسبة للبنوته احس عادي شليها لا تخلينها .. و لبسيها لبس ثجيل عادي اليهال اذا دفيتيهم و حطيتيهم في العربانه يرقدون هههههه