ويلكــير ولا الأمريــكي

**أحلى الفساتين** · 2009-12-28, 09:20

السلام عليكم

شحالكم؟؟ ان شاء الله بخير وسهاله..

شفت موضوع الاخت (Helm_Art) بخصوص الولادة في مستشفى دبي ولا ولكير..
والصراحة ما شاء الله عليكم ماقصرتوا وياها.. الله يعطيكم العافية..

فقلت ليش ما ستفيد انا بعد من خبراتكم.. مدام اني محتارة

وين تنصحوني أربي في (ويلكــير) ولا (الأمريــكي)

تعبت من كثر ما افكر..

اللي مجربه ولا سامعة اي شي تخبرني؟؟؟ من ناحية الدكاترة والاهتمام والخدمات والغرف والاسعار

دخيلكم لا طنشوني...

واللي ما عندها فكرة بس اتمنى منها ترفعلي الموضوع...

(((الله يسهل علي وعلى كل حامل ويرزق كل محرومة ان شاء الله... آآآآآمين)))

المزيد من آخر المواضيع من نفس القسم:

**أحلى الفساتين** · 2009-12-28, 10:48

where are u......???

**جنح الليل0** · 2009-12-28, 10:59

صباح الخير ^^

انا الحمدلله الحين اراجع في الامريكي عند الدكتورة هبة محتسب ( لبنانية ) ووايد واايد ارتحتلها وتعاملها وايد راقي ومحترم عكس د.جوان مراد اللي كله تحاتي الفلوس وماهمها وضعج ولا صحتج والحمدلله اني غيرت عنها ,,

انا رحتلها يمكن 3 مرات وو سويت عند الدكتور جورج سونار والصراحة اهتمامهم لا يعلى عليه ,,

شخصيا .. ارتحت الهم وان شالله ولادتي بتكون فيه ,

وانا ماخترته الا بعد ماقريت تجارب البنات في النت عن الدكتورة هبة محتسب ( معنه محد من حريم أهليه ولد عندها )واول مره رحتلها عسب اشوف ارتحالها ولا لاء ,,, سبحان الله ماتخيلين كيف ارتحت ^_^

ربيع ريلي حرمته والده عندها 3 مرات ماشالله وهذا اللي طمني انه ريلي مصر عليه اني اربي عندها ^^

ان شالله بعد ولادتي ببلغج بكل شي صارلي عندهم ^^

وربي يحفظلج البيبي ^_^

**أحلى الفساتين** · 2009-12-28, 11:13

الله يسهل عليج ان شاء الله وتربين بالسلامة..

يلا نتريا خبرات الباقي..؟؟؟

**شهدات** · 2009-12-28, 11:19

انا عن نفسي باجر اول مراجعه لي في ولكير عند دكتوره عراقيه وان شاء الله خير وتكون اوكي وارتاحلها بس المستشفي الكل مدحه لي

**@um-7oor@** · 2009-12-28, 12:05

للرررررررررررفع

**الام عائشة** · 2009-12-28, 14:04

اختي انا سمعت عن مستشفي ويلكيير وايد زين لاني اعرف وحده كانت مريضه من قبل ما اتعرس وعقب ما عرست قالوا لها لزم عمليه قيصريه لو حملتي والله راد له وحملت وسارت الامريكي والوصل وكم عياده بعد وكلهم مصرين علي العمليه لان حياه بتكون بخطر وفي اخر شهر سبحان الله سارت ويلكير وطمنونها والحمد الله ولدت طبيعي كل شي بيد الله والله قادر علي كل شي

**أحلى الفساتين** · 2009-12-29, 07:26

أصبحنا وأصبح الملك لله

**Helm_Art** · 2009-12-29, 07:52

هلا الغاليه : انا تراني اراجع ف ولكير والله معاملتهم واااااايد حلوه والحين انا بستخير ع دبي ولا ولكير وان شاء الله خير - وان شاء الله تحصلين الاجابات الي اتفرحج يارب - والله يسهل عليج وعلي ان شاء الله وعلى جميع الحوامل

**أحلى الفساتين** · 2009-12-29, 11:05

up up up

**ام هدويه** · 2010-01-11, 18:53

للرفع

**أم سعيد 15** · 2010-01-11, 19:03

الحمدلله مراجعتي عند دكتوره هبة في الامريكي إن شاء الله لو حملت إن شاء الله بربي عندهم بإذن الله

انا شخصيا ارتحت لدكتورة هبة محتسب وايد طيبة وما تألف وتخوفج وتطمنج

الموضوع: ويلكــير ولا الأمريــكي

أدوات الموضوع

عرض

ويلكــير ولا الأمريــكي

المزيد من آخر المواضيع من نفس القسم: