العلاج في لندن ممكن الخول للافاده

**عيون الحب** · 2009-12-26, 08:02

اخواتي انا ان شاءالله مسافره قريب اول يناير مسافرين لندن علاج لبنتي ادعولها ان الله يشفيها
طبعا نحن مسافرين عن طريق الهيئه بس كنت ابا اعرف واستفيد من خبراتكم من ناحيت السكن والمطاعم وترا انا وريلي مش ذاك الزود في الانقليزي ونخاف نتورط فلي عندها خلفيه عن العلاج في لندن ياريت تفيدنا شو المطاعم وين الاماكن السياحيه الحلوة وافضل المستشفيات طبعا نحن ما بنكوووووون 24 ساعه بالمستشفى اعتقد فحوصات وخلاص لان بنتي عندها صرع وما بتحتاج تنويم اظن فحوصات وخلاص .............ز اتريا ردودكم

المزيد من آخر المواضيع من نفس القسم:

***هابت ريح*** · 2009-12-26, 13:42

الله يشفيها يا رب ويخليها لج

الغالية لا تحاتين وايد على سالفة الأنجليزي خص في المستشفى لانه بيكون هناك مترجمين

وعلى السكن خذولكم شقة تكون قريبة من المستشفى

طبعا السايق إللي بيستقبلكم في المطار أكيد بيكون عنده ليسته بأرقام الأشخاص إللي يأجرون شقق

وعن المطاعم عندج أجوردرود كله مطاعم و بقالات عربية لا تحاتين فديتج

وما وصيج كثري اللبس الثقيل لبنتج... لانه شهر 1 برررد....... داخل الشقة مب إشكالية لأنه الدفايات بتكون شغالة
بس وقت الطلعة لبرى

وترى محلاتهم تسكر على الساعة 6 المغرب يعني إذا بتتحوطون شدو حيلكم في النهار لانه الساعة 4 تكون صلاة المغرب وتظلم الدنيا

وأي استفسار أنا حاضرة

**هنوده** · 2009-12-26, 13:53

لا تحاتين حبيبتي لندن متروس من الجاليات العربيه حتي في المستشفيات بتحصلينهم المترجمات وبتشوفين المستشفى متروس المرضى من الخليج وبتشوفين في الشوارع يعطونج باكيجات للسياحه باللغه العربيه وكلهم اللي يشتغلون في السياحه من العرب موليه غناتي لا تحاتين الله يشفي ضناج انشالله

**بدر0البدور** · 2009-12-26, 14:03

للرفع

**Miss Cavalli** · 2009-12-26, 16:11

الله يعافي بنتج ان شاء الله و يشفيها ..

ان شاء الله بالنسبة للغه ترا لندن متروسه عرب ..

في الادجور رود كله مطاعم عربية ..

**bellegirl** · 2009-12-27, 03:53

الله يشفيها يا رب ويخليها لج

**Um_Raian** · 2009-12-27, 04:52

انا ولدي فيه الصرع الهيئه ودونا تايلاند بس الهيءه مايقصرون بيوصلونكملفندق امن وجريب من المستشفى ويوميا بيوصلونكم وبيرجعونكم وكل اسبوع مره تروحون السفاره تستلمون المصروف لاسبوع وبتتمشون وبتستانسون لا تحاتين بنتج اهتمي فيها وادعيلها واتوكلي على الله وشغليلها سورة البقره كل يوم وخليها ترقد وترتاح التعب يرجع التشنجات والزكام بعد والدوا بروحه يخدر اجسامهم والله يعينها فديتها

**أم مريــوم** · 2009-12-28, 01:59

اول شي الله يشافي ويعافي بنتج ويحفظها لج امين وتروحون وتردون بالسلامة امين

عن لندن اعتقد مستشفى ماري هو المستشفى العالمي وهو بوسط لندن عند محطة القطار اللي هي البادنقتون

وقريب من كل شي من ناحية سكن مطاعم باصات قطارات مناطق سياحيه موقعه جدا استراتيجي وحلو

المستشفى هو قديم من برع بس علاجة اوكي

هذا موقعه على النت http://www.imperial.nhs.uk/stmarys/index.htm

فيه عداله فنادق مناسبة وحلوة وتروحون له مشي بس وعداله مطاعم

فيه الباص اللي يودي للأجورد رود (شارع العرب) رقم الباص 36

ونفسه يودي اكسفورد ستريت

ما انصحج تستخدمون ميترو تحت الأرض بما ان بنتج مريضه

اذا تبين اسماء فنادق عدال المستشفى

شي هيلتون بادنقتون

كواليتي كراون بعد اوكي مرة عدال المستشفى هذا اللينك تبعه

http://www.booking.com/hotel/gb/lond...FYIA4wodeheGHQ

وهناك بتحصلون كل شي موجود حتى ما بتحتاحون تسألون

بالنسبه للتنقل احسن شي الباصات او التكاسي

الباصات تدفعين 13 باوند حق اسبوع كامل للبطاقة الوحده للشخص مفتوحه طول اسبوع وشي بالشهر بعد وشي باليوم

اتمنى اكون افدتج لو بالقليل عزيزتي

والله يشافي بنتج وترودون لأهلكم سالمين

تقبلو تحياتي

الموضوع: العلاج في لندن ممكن الخول للافاده

أدوات الموضوع

عرض

العلاج في لندن ممكن الخول للافاده

المزيد من آخر المواضيع من نفس القسم:

المواضيع المتشابهه

العلاج الهرموني التعويضي ، العلاج بالهرمونات البديلة Hormone Replacement Therapy ( HR

ايتهما افضل في العلاج لندن ولا المانيا

ارجو الخول