خلاص قررت اني اسوي ابرة تخدير الظهر للولادة...واللي جربت الأبرة تشارك هني

**صبح وليل** · 2007-04-25, 14:20

أنا قررت أني هالمرة اسويها...أبرة الظهر اللي تسمى علميا (تخدير الام تحت الجافية) لأن ولاتي اشوف الموت...
وألم الولادة احس بها قبل لا اولد ب اسبوع...هذا غير أني ما اطيعهم لا في قيصري ولا في طلق
صناعي:1 (59): ...عيوز ودي في كل شي طبيعي...والله لها بارض ذيج الساعة:1 (3):

وهالأبرة خير شر ما تحسسج بالولادة اتخدر الجزء السفلي منج كله بس ايتم البيب
مال الأبرة معلق تحت ظهرج واتكونين تحت اشراف دكتورة...فديتني ما خليت كتاب ما قريت عنه:1 (8):

اللي جربت هالأبرة اتخبرنا كل شي عنها...شو شعورها أول ما حقنوها...
وكيف ولدت...وكيف حست بعد الولادة يعني بعد ما شالوا الواير...
قريت انه يسبب صداع مزمن بعد الولادة هل هذا صحيح..

وفي انتظار الكروشات والمجربات...

المزيد من آخر المواضيع من نفس القسم:

**في قلب زوجي** · 2007-04-25, 14:23

الصراحه ماادري شو اقولج اختي لاني ماجربت بس سمعت انها مب زينه ولها اضرار بس اللي كاتب لج يالغلا واتقومين بسلامه
ماحبيت ادخل واطلع

**المـــها** · 2007-04-25, 14:26

الله يقومج بالسلامة وان شاء الله اللي مجربات يخبرنج ..انا كل ولاداتي الثلاث طبيعي ....
واذا فكرت احمل مره ثانيه ..حاطه في بالي التخدير فوق الجافية ...

**اموووره** · 2007-04-25, 14:28

انا بصراحه سمعت عنها بس لازم اللي بتظرب لج الابرة اتكون خبيييييييييرة .....لان غلطة بسيطة اتسبب شلل لا سمح الله!!!!!!!!!!!!!!!!!!!!

**ام ميرا** · 2007-04-25, 14:31

توكلي على الله وسويها انا مسويتها مرتين لا وعمليه قيصريه هي نفس التخدير للولاده الطبيعيه والحمدلله مافي اي ضرر

**oOإماراتيةOo** · 2007-04-25, 14:31

السلام عليكم

حبيبتي انا مجربه الابره هاي

كنت وايد مترووووعه منها لانه حجمها كبير يزيغ المهم هو قبل ليدخلون
الابره يبنج لج المنطقه شوي عشان ما تحسين بالمها
ما حسيت غير بوخزه خفيفه ما تالم واااايد
وبس

عقب ما ربيت وخلصت شلوها على طوووول خلال 15دقيقه يرجع الاحساس
بس بتحسين ببروووده وحلجج يتم يصك فبعضه (كان شكلي يضحك ) تقريبا ساعه
يقووولون تاثير الابره بس عااادي لاتحاتين يرووووح
وعلى اليوم الثاني شلو عني القسطره وخلوني امشي
وسلامتج

اذا عندج اي سؤال انا حاضره

والسموووحه

**ام ميرا** · 2007-04-25, 14:33

المشاركة الأصلية كتبت بواسطة اموووره

انا بصراحه سمعت عنها بس لازم اللي بتظرب لج الابرة اتكون خبيييييييييرة .....لان غلطة بسيطة اتسبب شلل لا سمح الله!!!!!!!!!!!!!!!!!!!!

اصلا اخصائي تخدير بس هو الي يضرب الابره وتوكلي على الله ولاتحاتين

**LuLeTa** · 2007-04-25, 14:35

انا مجربتها بولدي وماتعور ولا شي واول مايغزونج اياها تحسين فحراره بكل جسم
ودفى وبعدين ماتحسين بولا شي وهم مرت اخوي جربتها وقت الولاده وهم ماحست ابد
بشي =) ربي يرزقج الولاده السهله يارب

**ام وليد22** · 2007-04-25, 14:35

تربين بالسلامه يارب ....
فديتج انا جربت الابره وكانت ولادتي بالبجر(البنت الكبيره ) في امريكا....وما كنت عارفه شو السالفه حزتها ....وقالولي عن الابره ...لان الرحم كان مفتوح عندي 3 س من اسبوع وكل يومين اروح للدكتوره وتتصلبي وتسألني واقولها مافيني ويع...تستغرب وتقول شو سالفتج ما عندج احساس...خخخخخخ
انزين مافيني ويع شو اسوي ...والله حاله...انزين عاد وصل وصل درو الويع بعد اسبوع...ورحنا المستشفى وجهزو العده...خخخخخ وبعدها الاااااااااااااااااااااااااااااااااااااااااااااااا اااااااااااااااالم الفظيع...شو يصبرني ...مني مناك....وصلت الدكتوره وشافت حالتي قالت خلاص ...بعطيها الابره المخدره ...عاد انا رديت قلت يلا ابره ...مخدر...عمليه...خياطه...اي شي المهم اربي وخلاص ...مستعيله...خخخخخخ
عطتني الابره وماحسيت بشي الا بعد نص ساعه تقريبا ...بدا راس الياهل يطلع...استغربت كيف ؟؟؟؟ما فيني ويع...خخخخخخ
بس ماحطولي واير ولا شي مجرد انها ابره ف العمود الفقري وخلاص ....
والله انها مريييييييييييييييييييييحه...واااااااااايد
وسلامتكم...خخخخخخ

**ماماة الامارات** · 2007-04-25, 14:44

السلام عليكم
انا بعدني ما ربيت ... يعني ما اعرف الم الولادة ... شكله وااااااااااايد لأنه يخليكم تفكرون في هاي الابرة الخطيرة ... انا عني اشوفها خطيرة وتخوف .... يعني احتمالية الشلل هذا شي يخوف ... وبعد يقولون انه يتم جسمج يعورج وعظامج تعورج كم شهر بعد الولادة ,,,,,
عالعموم لا تنسين الاستخارة .... انتي قريتي عن الموضوع وايد واستشرتي المجربات ... لا تنسين تسخيرين ربج ( عالم الغيب ) سبحانه

الله يقومج بالسلامه عزيزتي

**أنستازيا** · 2007-04-25, 15:10

الصراحه ماادري شو اقولج اختي لاني ماجربت بس سمعت انها مب زينه ولها اضرار بس اللي كاتب لج يالغلا واتقومين بسلامه
ماحبيت ادخل واطلع

**bettouta** · 2007-04-25, 21:02

السلام عليكم ورحمة الله و تعالى وبركاته

الله يسهل ولادتج ولادة كل حاول امين يارب العالمين

لي طلب منكم انتم الحوالم الله يسهل عليكن , ان تدعو لي بالذريه الصالحه المعافه عاجلا غير آجلا اثناء الطلق الله يسهل عليكن امين يارب العالمين

**لمسة_الشوق** · 2007-04-26, 01:12

انا بصراحه سمعت عنها بس لازم اللي بتظرب لج الابرة اتكون خبيييييييييرة .....لان غلطة بسيطة اتسبب شلل لا سمح الله!!!!!!!!!!!!!!!!!!!!

**ملاك_022** · 2007-04-26, 02:18

انا هذا اول حمل لي وانا وااايد خايفه ماحب احس بعوار اي شي فقلت بجرب الابرة هاذي بس مرة سمعت حرمه كانت تقول ان الي تحس بعوار الولاده تنمسح كل ذنوبها باذن الله وينغفر لها كل خطاها جنها حاجه بيت ربها!!فهل هذالكلام صج ولا ....؟؟؟!

**أم شمـه** · 2007-04-26, 02:20

المشاركة الأصلية كتبت بواسطة ملاك_022

انا هذا اول حمل لي وانا وااايد خايفه ماحب احس بعوار اي شي فقلت بجرب الابرة هاذي بس مرة سمعت حرمه كانت تقول ان الي تحس بعوار الولاده تنمسح كل ذنوبها باذن الله وينغفر لها كل خطاها جنها حاجه بيت ربها!!فهل هذالكلام صج ولا ....؟؟؟!

هي هالكلام صح 100%

الموضوع: خلاص قررت اني اسوي ابرة تخدير الظهر للولادة...واللي جربت الأبرة تشارك هني

أدوات الموضوع

عرض

خلاص قررت اني اسوي ابرة تخدير الظهر للولادة...واللي جربت الأبرة تشارك هني

المزيد من آخر المواضيع من نفس القسم:

المواضيع المتشابهه

ابرة الظهر للولادة ايبيدورال فوائدها وأضرارها

ابرة الظهر للولادة

منو جربت ابرة الظهر ف مستشفى دبي ؟؟؟

شوروا على مستشفى القاسمى او الزهراء للولادة ...ابا ابرة الظهر

:: مستشفى المفرق عندهم ابرة الظهر للولادة؟؟ ::