ريلي راد من السفر وابا مساعدتكم

[umm salem]

السلام عليكم

امممم ما اعرف من وين ابدا الزبده ريلي بيي يوم الاثنين ويوم الثلاثاء انا مقرره ارووح الفجيره بنيلس هناك 3 ايام روحنا ومتردده اروح ماريمار ولا روتانا؟ وابا اسوي له مفاجاه بس ما اعرف شوهي؟ وابا شوية حركات بعد ما اعرف شو هي مافي شي ف بالي؟ والمشكله الكبرى ما اعرف كيف اقولها بما انه هو غايب عني شهرين والمفروض اكون مشتاقه لشوفته و ... الخ (مع العلم اني شوي تعبانه ويالسه اتعالج من هالناحيه ) بس احس اني بكون مش مستعده ما ابا ابين له وهو ياي كله شوق ساعدوني ساعدوني بلييييز . بس يليييت تردوون عليه ع الخاص؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[يحـــــ ام يى]

اختي الي يخرب العلاقة الزوجية البرود خلج دائما جدامه نشيطة ومتشوقة لوصوله حتى لو تمثيل اهم شيء ما يصيب علاقتكم شيء من البرود

انصحج تقرأين اكثر عن الحياة الزوجية في منتديات كثيرة


وشوفي هذا الرابط عجبني تصرف الزوجة ربي يوفقها


http://forum.uaewomen.net/showthread.php?t=601710


تقدرين تنوعين بالاجواء بالغرفة

[bellegirl]

إذا هو من محبي الالكترونيات ,, تقدري تيبين له جهاز غكس بكس ( ريلي متخبل عليه هذا بالضبط خخخ) أو بليستين اليديد ,, ولا البليستيشن مال الايد نفس الشي طع واحد يديد وحلو وايد ^^

تقدرين تهدينه جها GPS غذا ما عنده أو مكينة تنظيف السيارة وايد حلوة وعملية بيدعيلج ^^

تقدرين تهديه غذا هو من هاوي المروحيات ,, تهدينه هيليكوبتر أو سيارة مال البترول ( الي تتحكمين فيه عن بعد مب حقيقي خخخ) ,, وايد تعيب الرياييل

تقدرين تهدينه ,, علب شوكولا فخمة مع كارت عليه رسالة وباقة ورود حلوة

تقدرين تهدينه رحلــة في هيليكبتر حقيقية في دبي ^^

ساعة حلوة وماركة تليق بالبعل ^^

وهذي الاشياء كلها اقدر أوفرها حقج إذا تبغين ^^

أو تقدرين تهدينه صدقة جارية

وربي يسخركم لبعض ويسعدكم دنيا وآخرة

[BabY_Sol3eiah]

هلا حبوووبه

اسمحيلي انا برد عليج اهني مب في الخاص ما بقووول شي يتعدى الخطوط الحمرا

بالنسبه للفندق ماعندي فكره عن فنادق الفجيره

و بالنسبه للترتيبات

1- روحي الصالون و غيري اللوك مالج ,, يعني صبغي شعرج او قصيه قصه غير عشان شكلج يتغير ويوم يرجع يشوفج غيييييير و لا تنسين الباديكير و المنيكير

2- اشتري ملابس مختلفه عن اللي تلبسينها ,, اذا متعوده تلبسين قصير اشتري طويل و العكس
او خذي لج شورت جينز و بدي جذاااااب و الوانه فرفووشيه و طبعا لا تنسين قمصان النوم و الاندروير
يعني خلي كل ملااابسج غيييييييير ما اقولج شلي المحل كله بس ع الاقل لبستين او ثلاث

3- و انتي في السوق مري بدي شوب و خذي لج كريم مرطب ريحته حلوه و اهم شي زيت المساج

خلصنا من الشوبنج ( و بس ذكرت الاشياء اللي تناسب كل الميزانيات )

و ما اوصييييييييج كل شي خليه غييييير حتى العطر غيريه

وصلنا للتدريب

1- دشي مواقع و تعلمي حركات الدلع

2- ادخلي ع اليوتيوب و شوفي دروس المساج ( عشان جيه قلت لج اشتري زيت للمساج )
لانج في الفندق اذا خلصت السوااالف و ما عرفتي شو تسوي مااالج الا هالحل
منها تتقربين من ريلج اللي صار له مده مسافر و بعد فرصه و حركه حلوه منج اذا مب متعود انج تسويله مساج و منها بيكووون ريلج ريلااااكس و بتستانسون ,, ولا تنسين تخلينه بعد يسويلج مساج


حبوووبه ما فهمت شو قصدج تعبااانه من شوو و يالسه تتعالجين منه ؟؟

اذا شي يخص علاقتج بريلج في الاوقات الحميمه خبريني ع الخاص و بطرش لج موقع يمكن يساعدج و تتعلمين منه كيف كل طرف يرضي الاخر في هالامور و شو يبا كل طرف من الاخر ..

الحين التنفييييييييذ

1- اتصلي الفندق الي بتحجزين فيه و قوليله انج حاجزه ل Honey moon و هم بيرتبون لج الغرفه و بيحطولج شموع و من هالسوالف

2- حسسي نفسج ان اليوم اللي بيرجع فيه ريلج بيكون كأنه اول يوم من زواجج .. خلي الابتسامه ما تفارقج
خليه يحس انه اول مره يشوفج كييييييييف ( بالابتسامه الساحره ,, النظره الجريئه ,, اللمسه و الحظن الدافي ,, و في نفس الوقت شوي عمرج مستحيه ,, يعني عطيه من هاذيك النظره الجريئه و عقب نزلي راسج اونج استحيتي صدقيني هالحركه لها مفعول قوي )

3- خلي العسل يقطر من شفايفج بالكلاام الحلو .. حتى لو شاله في خاطرج منه انسي كل شي

4- خلي زوجج يحس كيف انتي مهتمه في نفسج .. في الفندق يوم بتكونين وياه حطي ع جسمج و جداااامه الكريم المرطب او حطي جلوس ع شفايفج لييييييش ؟ لانج لازم تخلينه يحس و يشوف بعينه ان غيابه ما أثر فيج من ناحية اهتمامج في نفسج و هالشي يخلي الريال يتعلق في مرته اكثر لانه يشوووف الانوثه فيها و خلي الباقي عليه

4- الكلام الحلو و الدلع اللي بتتعلمينه لا تقولينه او تسوينه كله مره وحده ههههه لانه بيكون مصطنع
يعني كل ساعه او ساعتين سوي حركه غير او قوليله كلمه حلوه

و على فكره هذا كله بيخلي ريلج يحس انج مشتااااقه له

و اذا ع الحركات اللي تسوينها اممممم مثلا يوم بتسويله مساج لا تقوليله يالله تعال بسويلج مساج لااااا

سوي عمرج اونه وحده تشتغل في spa
و انه ريلج ربح مساج مجانا .. و تقدرين تسويله بطاااقه تحطين فيها اسمه و تكتبين انه ربح جلسة مساج في المحل الفلاني ,, عاد انتي اخترعي اي اسم للمحل من مخج

او مثلا قولي له انه ربح حمام مغربي مجانا و انتي سويله اياه

إلعبو مع بعض ,,

يعني باختصاااااار اي شي ما كنتي تسوينه معاه ,, سويه الحين

اوووه صح نسيت بعد

اطلبي كيكه من الفندق و خليهم اييبونها غرفتكم سوبراااايز و يكتبون عليها ( اشتقت لك او تولهت عليك او الحمدالله على السلامه او نورت البلاد بوجودك )

اشتري له هديه ,, اختاري الشي اللي يحتاجه اكثر سواء قلم او عطر او او او

و اذا كان ريلج مب موجود حطيها ع السرير عشان يوم يدخل الغرفه يشوفها

او من باب التغيييييير حطي له ورقه على السرير اكتبي فيها ( شوف في الثلاجه ) و يوم يفتح الثلاجه يحصل ورقه ثانيه ( روح الحمام ) و يشوف ورقه ثالثه و هكذاا ليييييين يوصل للهديه

والله وايد اشياء في راسي بس ايدي عوتني و انا اكتب

و ان شاء الله يوصل ريلج بالسلامه
و ربي يهنيج و يجعل ايامكم كلها افراح

[بنت المرحوم]

هلا حبوووبه

اسمحيلي انا برد عليج اهني مب في الخاص ما بقووول شي يتعدى الخطوط الحمرا

بالنسبه للفندق ماعندي فكره عن فنادق الفجيره

و بالنسبه للترتيبات

1- روحي الصالون و غيري اللوك مالج ,, يعني صبغي شعرج او قصيه قصه غير عشان شكلج يتغير ويوم يرجع يشوفج غيييييير و لا تنسين الباديكير و المنيكير

2- اشتري ملابس مختلفه عن اللي تلبسينها ,, اذا متعوده تلبسين قصير اشتري طويل و العكس
او خذي لج شورت جينز و بدي جذاااااب و الوانه فرفووشيه و طبعا لا تنسين قمصان النوم و الاندروير
يعني خلي كل ملااابسج غيييييييير ما اقولج شلي المحل كله بس ع الاقل لبستين او ثلاث

3- و انتي في السوق مري بدي شوب و خذي لج كريم مرطب ريحته حلوه و اهم شي زيت المساج

خلصنا من الشوبنج ( و بس ذكرت الاشياء اللي تناسب كل الميزانيات )

و ما اوصييييييييج كل شي خليه غييييير حتى العطر غيريه

وصلنا للتدريب

1- دشي مواقع و تعلمي حركات الدلع

2- ادخلي ع اليوتيوب و شوفي دروس المساج ( عشان جيه قلت لج اشتري زيت للمساج )
لانج في الفندق اذا خلصت السوااالف و ما عرفتي شو تسوي مااالج الا هالحل
منها تتقربين من ريلج اللي صار له مده مسافر و بعد فرصه و حركه حلوه منج اذا مب متعود انج تسويله مساج و منها بيكووون ريلج ريلااااكس و بتستانسون ,, ولا تنسين تخلينه بعد يسويلج مساج


حبوووبه ما فهمت شو قصدج تعبااانه من شوو و يالسه تتعالجين منه ؟؟

اذا شي يخص علاقتج بريلج في الاوقات الحميمه خبريني ع الخاص و بطرش لج موقع يمكن يساعدج و تتعلمين منه كيف كل طرف يرضي الاخر في هالامور و شو يبا كل طرف من الاخر ..

الحين التنفييييييييذ

1- اتصلي الفندق الي بتحجزين فيه و قوليله انج حاجزه ل Honey moon و هم بيرتبون لج الغرفه و بيحطولج شموع و من هالسوالف

2- حسسي نفسج ان اليوم اللي بيرجع فيه ريلج بيكون كأنه اول يوم من زواجج .. خلي الابتسامه ما تفارقج
خليه يحس انه اول مره يشوفج كييييييييف ( بالابتسامه الساحره ,, النظره الجريئه ,, اللمسه و الحظن الدافي ,, و في نفس الوقت شوي عمرج مستحيه ,, يعني عطيه من هاذيك النظره الجريئه و عقب نزلي راسج اونج استحيتي صدقيني هالحركه لها مفعول قوي )

3- خلي العسل يقطر من شفايفج بالكلاام الحلو .. حتى لو شاله في خاطرج منه انسي كل شي

4- خلي زوجج يحس كيف انتي مهتمه في نفسج .. في الفندق يوم بتكونين وياه حطي ع جسمج و جداااامه الكريم المرطب او حطي جلوس ع شفايفج لييييييش ؟ لانج لازم تخلينه يحس و يشوف بعينه ان غيابه ما أثر فيج من ناحية اهتمامج في نفسج و هالشي يخلي الريال يتعلق في مرته اكثر لانه يشوووف الانوثه فيها و خلي الباقي عليه

4- الكلام الحلو و الدلع اللي بتتعلمينه لا تقولينه او تسوينه كله مره وحده ههههه لانه بيكون مصطنع
يعني كل ساعه او ساعتين سوي حركه غير او قوليله كلمه حلوه

و على فكره هذا كله بيخلي ريلج يحس انج مشتااااقه له

و اذا ع الحركات اللي تسوينها اممممم مثلا يوم بتسويله مساج لا تقوليله يالله تعال بسويلج مساج لااااا

سوي عمرج اونه وحده تشتغل في spa
و انه ريلج ربح مساج مجانا .. و تقدرين تسويله بطاااقه تحطين فيها اسمه و تكتبين انه ربح جلسة مساج في المحل الفلاني ,, عاد انتي اخترعي اي اسم للمحل من مخج

او مثلا قولي له انه ربح حمام مغربي مجانا و انتي سويله اياه

إلعبو مع بعض ,,

يعني باختصاااااار اي شي ما كنتي تسوينه معاه ,, سويه الحين

اوووه صح نسيت بعد

اطلبي كيكه من الفندق و خليهم اييبونها غرفتكم سوبراااايز و يكتبون عليها ( اشتقت لك او تولهت عليك او الحمدالله على السلامه او نورت البلاد بوجودك )

اشتري له هديه ,, اختاري الشي اللي يحتاجه اكثر سواء قلم او عطر او او او

و اذا كان ريلج مب موجود حطيها ع السرير عشان يوم يدخل الغرفه يشوفها

او من باب التغيييييير حطي له ورقه على السرير اكتبي فيها ( شوف في الثلاجه ) و يوم يفتح الثلاجه يحصل ورقه ثانيه ( روح الحمام ) و يشوف ورقه ثالثه و هكذاا ليييييين يوصل للهديه

والله وايد اشياء في راسي بس ايدي عوتني و انا اكتب

و ان شاء الله يوصل ريلج بالسلامه
و ربي يهنيج و يجعل ايامكم كلها افراح

عقب هالكلاااام الحلووو من باااااااااااااجر بخلي ريلي يساااااااااااااااافر هههههههههههههه

[فصودة]

أهم شي النيو لوك والابتسامة اللي ما تفارق شفايفج...
الاخت الصراحة ماقصرت هالكلام ولا بلاش كلامها عسل ....
ربي يسعدكم ويوفقكم يا الغلية..
وعقبال وصول ريلي بالسلامة....

[دمعة غـلا]

انا احس الخوات ما قصرن ويااااج ...
ماعندي شي اقوووله

بس الله يوفقج يسعدج واتمزنى اتسوين الي قااالو عليه وخلج شوي جريئه وسويلها هالحركات

[bntuae1]

الله يوفقكم

فووق للفائده