منو بيروح اجازة العيد الكويت

**حلو حامض** · 2009-11-11, 16:31

شخباركن خواتي
عساكن بخير
بغيت اعرف منو مسافرة الكويت ع طيران العربية بتاريخ 27/11

وبس ......
شو تنصحوني فيها وين اروح انا رايحة قبل 6شهور بس يمكن تيفدواني بااماكن احلى منها
اتريا ردودكن

المزيد من آخر المواضيع من نفس القسم:

**أم سلطان 606** · 2009-11-11, 18:26

كنت داشة بكتب نفس الموضووع عن الكويت..
نحن إحتماال نرووح الكويت .. بس ما أعرف أي طيران تكون أسعاره حلوة..
أبا أعرف أحلى الأماكن فالكويت وخاصة بيكون شوي برااد..

أفيدووني بلييييز.... أحس ريلي ما بيواافق فأبا أقنعه أكثر....

**بدر0البدور** · 2009-11-11, 19:29

سفرة موفقة الغالية

**الغر الحشيم** · 2009-11-11, 19:54

اللي بتسافر الكويت انصحها بطيران الجزيرة أسعارهم ورخيصة ورحلاتهم مريحة لكن طيران اقتصادي يعني ماشي وجبات ومشروبات في الرحلة .. بس عندهم أكل بالطلب يعني يعطونج المنيو وتطلبين اللي تبغينه وتدفعين

قبل فتره مسوين عرض سافر بدون ضرايب وكانت تذكرة الكويت في حدود 300 درهم رايح راجع والوزن 20 كيلو

وبالنسبة للشقق اللي تبغي شقق فندقية فخمة و رااقية 5 ستار انصحها بـ شقق بلازا أثيني في بنيد القار قريب من السالمية .. أسعارهم معقولة بالنسبة للمستوى والفخامة والخدمة لكن طبعاً أغلى عن باقي الشقق

وبعد عندكم شقق بودل في السالمية وايد حلوة ونظيفة ومرتبه وصاحبها واحد سعودي .. أسعارهم في المواسم غرفتين وصالة وحمامين ومطبخ في حدود 800 درهم

وبعد شقق مارينا رويال في السالمية وبالتحديد في شارع سالم المبارك اللي فيه المجمعات والأسواق .. وميزة الشقق انها لاصقه في مجمع مارينا مول وبالنسبة للمستوى نظيفة وعائلية وتمشي الحال لكن مب راقية واسعارهم في المواسم غرفتين وصالة وحمامين ومطبخ في حدود 600 درهم الليلة .. والأيام العادية أرخص في حدود 400 درهم

واللي تبغي تعرف عن المجمعات والأسواق بنسخلكم معلومات خذتها من النت وفيها كل شي بالتفصيل ^_^

**النسمه** · 2009-11-11, 20:55

اب اب اب

**!!مشاعري!!** · 2009-11-12, 01:35

انا بسافر بالسيارة احسن واحلى تاخذين راحتج اهناك بلا تاجير بلا تكاسي
نبا نعرف تجاربكم عن الشقق الفندقية من حيث النظافة وغيره وتكون اسعارها معقولة

**حـــور** · 2009-11-12, 01:40

خاطري اروحها لان احبها من يوم كنت صغيره

رحت البحرين بس ان شاء الله بروحها

رررفـــع

**هنهون** · 2009-11-12, 13:02

انا سكنت فالماريوت خمس نجوم زين وفي بعد الشيراتون هناك ...

سوق السالمية حلو مثل السوق الجديم عندنا بيجامات الصغارية الشتوية رخيصة بدينار ونص و يونيفورمات البشاكير

ومركز افينيوز اشهر مركز عندهم وايد محلات وعندهم لبس للبنات يخبل ....

تغديت في فريج صويلح وكان زحممممممممممممممممة اذا بتسيرونه دوري وقت غير الويكند....

ويمدحون مطعم ميس الغانم (لبناني )...

انا زيارتي كانت يوم واحد فما لحقت افتر وايد ...ورحلة موفقة...

**حلو حامض** · 2009-11-12, 13:09

تسلمن ع ردوكن الغاوية
انا رحت قبل 6 شهور يالسنا ف شقق فندقية دريم ان ف السالمية نظيف ما عليه كلام قريب من الاسوقه

**فينيسياا** · 2009-11-12, 21:21

انا من سنيين رايحة فاكيد في اشيا تغيرت .... ان شالله البنات يفيدونج
.رحلة سعيدة

**kuae** · 2009-11-17, 01:34

اب اب

نبا معلومات عن الكويت

**الغزلان** · 2009-11-18, 13:13

اب اب

**مي الهاجري** · 2009-11-18, 13:39

هلاااا شوفي هالرابط

http://www.sea7h.net/vb/showthread.php?t=9939

**سيده من الاما** · 2009-11-18, 13:50

حافظ على الكويت واهلها ............خاطري ازورها ابا معلومات اكثر كل اللي اعرفه انه مطاعمها جناااااااااان ما عليها كلام وفي كل مكان

**عينـــاويـــه** · 2009-11-18, 15:29

مرحبا

سؤال للي سافروا الكويت

شو فيها الكويت حلو ؟؟

الموضوع: منو بيروح اجازة العيد الكويت

أدوات الموضوع

عرض

منو بيروح اجازة العيد الكويت

المزيد من آخر المواضيع من نفس القسم:

المواضيع المتشابهه

صلاله في شهر سبعه ( فترة الخريف ) وفي اجازة العيد ( ثالث ايام العيد ) شوفوا الفرق

من بيروح مكة في اجازة الفصل الثاني ؟؟؟؟؟

هديه مني :) للاخوات اللي يبون يقضون اجازة العيد في الكويت

منو بيروح اجازة العيد بنكوك على متن طيران الاتحاد

اجازة العيد الاضحى و العيد الوطني