التصوير البروفشنل .....

**دمعة الوله** · 2009-10-19, 16:19

السلام عليكم
هلا بنات اشحالكم عساكم بخير
بنات انا ابي اتعلم التصوير البروفشنل انا عندي كاميرا كانون 500 دي بس مالي خبره وايد ف التصوير
فياليت اصحاب الخبره يعلموني وكل من تعلمني له دعوه مني( اي دعوه هيه تبيه)

المزيد من آخر المواضيع من نفس القسم:

**دمعة الوله** · 2009-10-19, 19:31

معقوله ولا رد

**دبي لركي** · 2009-10-19, 19:48

هلا حبيبتي انا لي بالتصوير واستخدم كاميرا كانون 400d
بوريج صوري ان شا الله وشوفيها انا للحين ما وصلت الاحتراف بس ليش لا

انصحج تدخلين منتدى مصوري الامارات فيه دروس تصوير من الالف للياء

مع حبي

يزووووووووووي

**ام ال مكتوم** · 2009-10-20, 00:09

اختي دمعه الوله اول شي انتي حابه تعرفين اشلون التصوير في نظري اول شي تعرفين مميزات الكاميرا وشو كل دقمه تعنيلج وعقب تختارين مكان انتي تشوفينه جميل التقطي الصورة ها المكان اكثر من مرة وشوفي شو احلى صورة ظهرت عندج ما يبالها شي بس مثل ما قلت لج تعلمي مميزات الكاميرا والدقم وحياج الله والله يوفقج

**دمعة الوله** · 2009-10-20, 12:40

مشكورين حبايبي

**هوى الروح** · 2009-10-25, 00:09

تعلمتي عليها ولا بعدح

تعرفين شو معنى الايزو

او حرف ال F

كل صوره في المود المدور شو معناها ؟

هاي كيمرتج من جهت الشاشه

الايزو معناته حساسية الضوء

يعني لو الشمس طالعه تخلين الايزو 100

ولو كنتي داخل البيت و في الليل و الاضاءه مب كافيه و ما تبين الفلاش تخلينه ع اعلى درجه مادري كم عندكم 1600 يمكن

ال F وهي عباره عن فتحت العدسه كل ما كان الرقم كبير كل ما كانت الفتحه صغيره يعني لو قلت ع الرقم 22 يعني الفتحه صغيره و الاضاءه قليله و لو قلت ع 4 يعني الفتحه كبيره و تستقبل اضاءه كبيييره

وحذاله بتشوفين رقم 1\125 هاي سرعة الغالق التصوير

و اي شي تبين عرفينه زياده قولي ^_^

**لهفة الخ ـاطر** · 2009-10-25, 00:42

يسلمو عالشرح ^^

**دمعة الوله** · 2009-10-25, 13:43

يسلمو حبيبتي
علميني كيف اركز ع العصفوره واخلي الخلفيه ضبيانيه

**هوى الروح** · 2009-10-25, 14:04

بالنسبه للخلفيه الضبابيه

يبالج عدسه سيجما 70-300 او اي عدسه ثانيه بس تكون سيجما

والتصوير يكون من بعد مسافه لكن التركيز ع العصفور يكون عليه

اذا كان العصفور وراه شي بعيد عنه بتطلع الخلفيه ضبابيه

واذا كان وراه شي جرييب

وطبعا كمبتداه صعب تصورينه و هو يتحرك او يطير >< يباله عدسات بروفيشنال

**دمعة الوله** · 2009-10-25, 14:27

يعني كيمررتي كانون واخذ عدسه سيجما يعني عدسة الكاميرا نفسها ماتنفع

اوكيه اذا بصور ف الاعراس شو الوضعيه اللي لازم احطيها شو اسوي بالضبط عشان الصور تطلع حلو

**فديت النونو** · 2009-10-25, 14:29

أختي الفاضلة لو سمحتي ,بكم أشتريتي كيمرتج و من وين ؟ فيها دعم للغة العربية ؟ وهي تتوصل بالتلفزيون و الكمبيوتر ؟ السموووووووووووووحة غثيتج بأسألتي

**المولعانيه** · 2009-10-25, 14:58

شوفي حبيبتي انتي تقدرين تتحكمين فالصوره..
مثل ما قالن الخوات لازم اتعرفين كل فص والا كل اشاره شو معناتها..

* تحكم الاضاء بعض الصوره ما تحتاي فلاش وبعضها مطلوب..

* وانتي صورين حطي التصوير على كل الوضعيات وصوري كذا صوره وعقب تختارين شو الاحلى..

* وكل ما كانت الخلفيه ابعد كل ما كانت الصوره احلى.. تعطيج الصورة الخلفيه مضببه .

مثل الا بالصوره الخلفيه عباره عن قطعه فيها الفولك وضاربه عليها اضاءه وبعيده عن العطر وهيك..

وفهالصور كيف الوضوح من قريب

*وانتي تقدرين تختارين الجسم الا تبين الصورينه واضببين الا حواليه..

براويج مثال اسهل شوفي الصور

الصوره الاولى :
الورده واضحه والكيكه مضببه لاني كنت ابا اصور الورده..
والصوره الثانيه:
الكيكه واضحه والورده مضببه لاني كنت ابا اصور الكيكه..

هذي اشياء بسيطه ..وان شاءالله المره اليايه بحط ادروس ونطبقهن..
وان شاءالله اكون وصلت لج المعلومه..
(( مابغي غير دعوه بان الله يرزقني ويرزق كل محرومه بالذريه الصالحه))

**¯`•.شوق_دبي¯`•.** · 2009-10-27, 18:05

عليكم السلام والرحمه
نفس الحاله (دمعة الوله)
امس تعلمت حركة الضاب في الصوره
وابغي اتعلم وايد سوالف وابغي اشتري عدسات portrait و Micro
واخذ دورات
وبالتوفيج ان شاءالله

**¯`•.شوق_دبي¯`•.** · 2009-10-27, 18:11

ماشاءالله عليج المولعانيه
شرحج بسيط ومفهوم
وانا اللي ابغي اتعلمه حاليا هو اخر صوؤتين الكيكه والورده
نتريا دروسج اليايه ان شاءالله
والله يرزقج على قد نيتج وزود يارب

**دمعة الوله** · 2009-10-27, 19:17

ابي اعرف عن سرعة الغالق وشو فايدته وعن الحرف اف

الموضوع: التصوير البروفشنل .....

أدوات الموضوع

عرض

التصوير البروفشنل .....

المزيد من آخر المواضيع من نفس القسم:

المواضيع المتشابهه

التصوير

التصوير

مسابقة التصوير الفوتغرافي.. ترحب بهواة التصوير

التصوير