مستشفى راس الخيمه - د.أنديرا - ضغط بالشهر التاسع

**فديتني اماراتية** · 2009-10-17, 18:55

السلام عليكم ورحمة الله وبركاتة

خواتي انا اليوم رحت مشتشفى راس الخيمه عند الدكتوره انديرا .. لان جسمي متورم وايد .. فقاسوا لي الضغط وطلع 170 على 90 .. وكل يعرف ان الطبيعي 120 على 80 .. يعني ضغطي مرتفع وعقب سويت تحليل بول اكرمكم ربي وقالت لي ان الزلال زااااايد .. فعطتني يوم مهله اذا الضغط ما نزل باتجر .. بتعطيني تحاميل طلق صناعي .. شو رايكم اتريا شوي ولا اسوي الطلق ؟؟!!
هي قالت الضغط لين الحين مب مأثر ع الجنين بس يمكن يسوي لي مشاكل .. للي عندهم خبره مشورتكم ..

للعلم باقي لي 3 اسابيع عن وعد الولاده ..

المزيد من آخر المواضيع من نفس القسم:

**فديتني اماراتية** · 2009-10-17, 19:46

للرفع

**أم شماني** · 2009-10-17, 19:50

سيري الغاليه اهم شي صحتج وصحت البيبي والله يسهلج ان شاء الله
بس انتي امشي فديتج المشي وايد زين والله يسر الامور

**خيماويه 999** · 2009-10-17, 19:52

والله ياختي دامج دخلتي التاسع
توكلي على الله وخليهم يعطونج الطلق
احسلج عشان ماتطور حالتج لاسمح الله

**شلال محبة** · 2009-10-17, 19:56

الله يهون عليج ويخفف عنج

استخيري الغالية وربي يكتب لج الخير

وتقومين بالسلامه ان شاءالله

**دلوعة ع** · 2009-10-17, 20:00

دامج دخلتي التاسع مافي اي مشكله وخل يسوون لج الطلق عشان سلامتج وسلامة البيبي

**ام رشووووووود** · 2009-10-17, 20:03

الغالية""الضغط ماله امان فجاه يرتفع ويسبب مشاكل لج وللبيبي لا سمح الله ""انتي روحي باجر من الفجر وتوكلي علي الله اصلا الحين البيبي مكتمل ومو ناقصه شي بس كماليات وجماليات خفيفه """بره بتكتمل ""سيري فديتج

**فديتني اماراتية** · 2009-10-17, 20:07

لا المشي قالت لي هب زين .. قالت لي بس ارتاحي واذا ما نزل طلق صناعي .. تسلمون ع الرد

**LoOveNisTa** · 2009-10-17, 21:30

هلا الغاليـــة ..اول شي اشربي عصير بطـــيخ ولاتفكريــن بأي شي ...

ومثــل ماقالتلج الدكتورة سوي لان الضغط يأثر على البيبي والام ...ومادامج دخلتي التاسع توكلــي على الله فديتــج اهم شي سلامتج وسلامت البيبي ...

انا كنت عند انديرا والحمدالله كانت زينه وياي اسمعيلها وتوكلي على الله ..

**مي الاماراتية** · 2009-10-17, 21:56

فووووووووووووووووووووووووووووووووووق

ماوصفت لج حبوب تنزل الضغط؟؟

**فديتني اماراتية** · 2009-10-17, 22:34

المشاركة الأصلية كتبت بواسطة مي الاماراتية

فووووووووووووووووووووووووووووووووووق

ماوصفت لج حبوب تنزل الضغط؟؟

بلى وصفتلي حبوب .. شكرا ع الرد خواتي

**نووول** · 2009-10-17, 22:35

انا انصحج انج تشوفين دكتورة ساروج اللي عند المركز الطبي قبل ماتسويين اي شي وشوفي هيه شوبتقولج
انا جي اراجع عند انديرا واذا فيه شي خايفة منه اسير عند ساروج (تشوفين دكتورتين شاطرات احسن )

**فديتني اماراتية** · 2009-10-18, 13:19

......................شكرا.......................

**فديتني اماراتية** · 2009-10-18, 16:15

للرفع

**شواقة88** · 2009-10-18, 16:29

حبيبتي دامج في التاسع يعني مافي خطر على البيبي الحين..سيري الطلق ولا تاخرين ..ما تتدرين الضغط ومشاكله واخاف اذا اتاخرتي ياثر على الجنين لا سمح الله..اتوكلي على الله وروحي باجر والله يسهل عليج وعلى الجميع يارب

الموضوع: مستشفى راس الخيمه - د.أنديرا - ضغط بالشهر التاسع

أدوات الموضوع

عرض

مستشفى راس الخيمه - د.أنديرا - ضغط بالشهر التاسع

المزيد من آخر المواضيع من نفس القسم:

المواضيع المتشابهه

مستشفى راك و دكتوره أنديرا...

حامل بالشهر التاسع

أنديرا ولا إيفرل ... مستشفى راك

انا بالشهر التاسع

السونار بالشهر التاسع .........؟؟