أول موعد فالوصل

**مالـ مثيل ـها** · 2009-10-16, 16:44

السلام عليكم ورحمة الله وبركاته

اشحالكن حبيباتي عساكن بخير

اللهم أعيذ ما في رحمي بكلماتك التامة ومن كل شيطان وهامة ومن كل عين لامه
اللهم أسألك أن تحفظه وتجعله معافى كامل الخلقة دون زيادة أو نقصان
اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك الصالحين

ربي يتمم على كل حامل حملها.......وربي يرزق كل متزوجه ومحرومه بالذرية الصالحه... آآآآآآآآآآآآآآآآآآآآآآآآآآآآآآآمين

اليوم بقولكن عن موضوع أول زيارة لي فالوصل اللي خير شر ما دشيته قبل فحياتي

موعدي كان بتاريخ 15 أكتوبر يعني مبارحه الساعه 10:45 الصبح
طبعا انا خذت اجازة من الدوام ونشيت الصبح وتسبحت وتريقت......... وعالساعه 10 تذكرت اني ما اتصلتبهم عسب أسألهم اذا عيادة رعاية الحوامل فالمستتشفى نفسه ولا في منطقة ثانية!!!!!!!!!

لأن عندنا فالشارجه اللي بتربي فالقاسمي، عيادتهم في منطقة ثانية بعيده عن مستشفى القاسمي وأظني اسمها عيادة القاسمي للأمومه والطفوله

المهم اتصلت وقالولي الحمدالله في نفس المستشفى وبما ان هذي أول زيارة لي لازم آخذ معاي صورة الجنسية وصورة جوازي وصورة جواز ريلي............عندي صور الجواز، بس الجنسية ما عندي

وتوهقت...... قلتلها لازم الجنسية؟؟؟ ريلي فالدوام
جان تقول عيل عقد الزوج، جان أقول اوكي عندي صور من أيام الملجه خخخخخخخخخخخخخخخخخخخخ عن المواقف اللي كنت أسمعها تصير

أونه وحده مع ريلها توهم معرسين وظهروا يتحوطون جان الدورية اتزخهم عبالهم مواعدين.........عاد المعاريس اختربت طلعتهم وردوا البيت ويابوا عقد الزواج عسب يثبتون كلامهم للشرطه...............سوالف تحصل الصراحه، وانا كنت مأمنه كل شي معاي فالسيارة

ولليوم حتى بطايق العرس فالسدة فالسيارة ههههههههههههههههههههههههههههههههههههههههه

المهم نرجع لمحور حديثنا
قالولي آخذ هالأوراق واكون عندهم قبل موعدي بنص ساعه عسب اجراءات التسجيل.......وانا متصله فيهم الساعه 10 بالضبط يعني ما بلحق
ووصلت لهم الساعه 11 بالضبط يعني حتى موعدي تاخرت عليه خخخخخخخخخخخخخخخخخخخخخخ كسوووووووووووووووووله وما ظهرت لهم إلا عقب ما تريقت طبعا

سرت قسم التسجيل وملفي جهز والحمدلله وعطتني ورقه وقالتلي سيري الانتظار رقم 3 ودلتني المكان يحليلها

تااااااااااااااااااااااااااااااااااااااااااااااااا ااااااااااااااااااااااابع

المزيد من آخر المواضيع من نفس القسم:

**مالـ مثيل ـها** · 2009-10-16, 16:45

عاد هني المصخرة اللي صارت تميت قافطة

....اللي صار إني دشيت وقعدت فالانتظار وتميت أقرا ورقتي وعقب ما خلصت استغربت ليش هالورقة بس عندي أنا

!!! والحريم ليش ما عندهن!!!! جان أبرر أونه يمكن هذيلا كلهم مب شراتي أول حمل

......وتميت تقريبا 10 دقايق وعقب خذت بروشور عن انفلونزا الخنازير وتميت اقرا

اونه اقطع وقت الانتظار بالقراءه خخخخخخخخخخخخخخخخخخخخخخخخخخخخخخخخخخخ
وعقب ربع ساعه وحده دشت وقعدت ويانا............شافتني وقالت لي لو سمحتي هالورقه

عطي هالحرمة عالريسبشن عسب يزقرونج وانا ويهي استوا جذي

والحريم يشوفوني
قلت فخاطري عافانا الله ليش الحريم اللي قاعدين ما خبروني

؟؟؟مع ان اول ما دشيت لما قعدت حسيت بنظراتهن علي

حتى شكيت فعمري قلت يمكن لابسه العباه ولا الشيله بالمجلوب خخخخخخخخخخخخخخخخخخخخخخخخخخخخخخخخخخخ
المهم عطيتهم الورقه وقالتلي ايبي تكرمون البول وعطيهم لما ينادونج...... قلتلهم اوكي عبالي لما ينادوني أسير الحمام وانتوا بكرامه وجااااااااااااااااااااان أرد وقعدت عالكرسي...........جان نفس الحرمه قالتلي الحين ايبي البول وخليه عندج لما ينادونج.............. حسيت بقفطة من الخاااااااااااااااااااااطر والكل يطالعني

المهم وعقب ما نادوني شافوا الوزن والطول والضغط............عاد انا لما شفت وزني استااااااااااااااااااااااااااااااااانست من الخاطر

لدرجه كنت باخذ تليفوني وبصور الرقم اللي ظهر عالميزان من الوناسه
وعقب طرشوني لغرفه فيها حريم ودكتورة ترمس عن الرضاعه الطبيعية وصحة الياهل أول ما يولد وووووالخ
وعقب طرشوني عند دكتورة تشوف نبض الياهل وسألتني كمن سؤال وعطتني موعد بالاثنين الياي للألترا ساوند في عيادة الخوانيج
وعقب 4 أسابيع أرد لهم مرة ثانية عسب أسوي فحص السكر
وأول ما ظهرت من عندهم على طووووووووووووووووووووووووووووووووووووول

طرت للشارجه
خذت لابتوبي من الدوام وكمن شغله خلصتها واجتمعت مع امي وخواتي مستانسه هني وايد وناسه وضحك الصراحه فخاطري أقعد عندهم ما ابغي اسير دبي

هناك مللللللللللللللللللللللللللللللللللللللل وكله أرقد
وبثثثثثثثثثثثثثثثثثثثثثثثثثثثثثثثثثثثثثثثثثثثثثثثث ثثثثثثثثثثثثثثثث ادري انتي طولت بس حبيت أكتب موضوع طويل وما عرفت كيف خخخخخخخخخخخخخخخخخخخخخخخخخخخخخخخخخخخخخخخخخخ

أسووووووووووووووووولف

**ام محمد.3** · 2009-10-16, 16:51

السلام عليكم
بغيت اسال اختيه انا من الشارجه وابا افتح ملف عندهم بس سمعت انه ما يفتحون الا حق اهل دبي صح هذا الكلام ولا لا واذا لا كيف اتصل واخذ موعد وكم الرقم

**مالـ مثيل ـها** · 2009-10-16, 16:56

هلا أم محمد وعليج السلام والرحمه أشكرج عالمرور فديتج

هيه انا بعد بنات خالاتي حاولن يفتحن ملف الولاده فدبي مع انهن فالشارجه بس قالولهم لازم من سكان دبي واذا لأ.... لازم يسوون شي ما أذكر شو بالضبط......بس شغلانه عسب جذي بنات خالتي ربن فالشارجه فرمضان والحين بخير وسلامه والحمدالله

**مالـ مثيل ـها** · 2009-10-17, 14:32

معقووووووووووووووووووووووووووووووووووله

55 زيارة......ولا مشاركه عالموضوع؟؟؟؟

عالعموم مشكورين عالمرور الصامت

**ام ميثاني..** · 2009-10-17, 14:55

والله انج سواااااااااالف صدق .... لازم اول مره جيه

**زلال2008** · 2009-10-17, 15:01

ماااحبيت اطلع بدون رد مع اني اسويها مرات بس غمضتيني لانج ذكرتيني بعمري
تعرفين اول مره طمم وحليلنا بس انا كنت اسال بصرااحه مااحب الانتظار ..
بس سالفه البول بصرااحه بروحها سالفه تحسين الحريم كلهن يطالعنج جنه شي غريب !!
بس انا ها المره ماادري بلاني ماااباا افتح ملف الا فالقاااسمي مع انه المره اللي طافت
يوم ربيت بولدي طروا لي المشيمه

**ho0ope** · 2009-10-17, 15:13

الله يقومج بالسلامة حبوبة

**ام محمد.3** · 2009-10-17, 15:35

مشكوره على الرد اختيه

**مالـ مثيل ـها** · 2009-10-17, 15:49

مشكورين عالمرور حبيباتي ^__^

**رووووح دبي** · 2009-10-17, 16:38

ههههههههههه انا كنت بعد موجوده فنفس اليوم و كان اول موعد و اظني عرفتج لنه نفس الموقف صار جدامي .... هههههههههههههه بس ما كنت منتبهه انج ميوده ورقة الموعد << راااااقدة ههههههه
في اي تيم انتي ؟؟؟؟ تيم الدكتورة نادية ؟؟؟؟؟

**مالـ مثيل ـها** · 2009-10-17, 17:23

خخخخخخخخخخخخخخخخخخخخخخخخخخخخخخخخ صج والله؟؟؟

والله ما اعرف عند اي دكتورة!!!!!!!!!!! بس كنت في انتظار رقم3

**أم حمـد .** · 2009-10-17, 18:21

لووووووووول
صدق قفطات عجيبة
حتى انا اول مراجعة احس ماكنت اعرف شي

بس عدت ع خييير

**منوه الحلوه** · 2009-10-17, 18:46

المشاركة الأصلية كتبت بواسطة مالـ مثيل ـها

هلا أم محمد وعليج السلام والرحمه أشكرج عالمرور فديتج

هيه انا بعد بنات خالاتي حاولن يفتحن ملف الولاده فدبي مع انهن فالشارجه بس قالولهم لازم من سكان دبي واذا لأ.... لازم يسوون شي ما أذكر شو بالضبط......بس شغلانه عسب جذي بنات خالتي ربن فالشارجه فرمضان والحين بخير وسلامه والحمدالله

اأختي منو قال أنا بعيالي 3 ربيت في دبي ومع اني من العين والله عادي وكنت اتمنى برابع اربي عندهم بس الله ماكتب

**مالـ مثيل ـها** · 2009-10-17, 21:01

ما ادري والله بس هذا حسب كلام بنات خالاتي

أونه ما قبلوهم لأن جوازهم صادر الشارجه

وقالولهم يسوون شي بس ما أذكر شو بالضبط...........وعقب بنات خالتي هونوا لأنهم تعايزوا يسوون هالشي

الموضوع: أول موعد فالوصل

أدوات الموضوع

عرض

أول موعد فالوصل

المزيد من آخر المواضيع من نفس القسم:

المواضيع المتشابهه

غرف الـ vip فالوصل

فتح ملف الولاده فالوصل؟؟

ابي اربي فالوصل ؟؟؟؟؟؟؟؟؟؟؟؟؟

شقايل حجز ال VIP فالوصل؟؟؟؟؟

احسن دكتوره فالوصل؟؟؟