بنتي البكر مريضة وصارت أكبر هم عندي وأدور على الحل ؟؟؟؟

**العفريتة** · 2009-10-13, 08:00

بسم الله الرحمن الرحيم
اشحالكم خواتي الغاليات
عساكم بخير بها الصباح الطيب ....واللي ما يطيب الا بذكر الله

المهم السالفة بنتي .... بنتي طالعة غير عن اخوانها ...اتعرفون كل واحد يزجم وعقب الزجام تصير فيه كحة كلها فترة وتروح....
بنتي من أول ما تزجم وهالكحة تلصق فيها ما تهدها ...لدرجة انها تزيد عليها بالليل واحيانا من كثر ما تكح ترجع ...لأن صدرها متروس بلغم بالرغم انها مالحق البلغم يتجمع ...أنا أحيد ان الواحد فينا عقب ما يخلص من الزجام تستويله كحة بسبب البلغ اللي اتكود
أما بنتي من أول يوم للزجام وتبدي موال الكحة وعادي اطول وياها أكثر من شهر
والله يا جماعة وديتها ما خليت دكتور ما شافها
حد يقول عندها التهاب بالشعب الهوائية ....وحد يقول عندها حساسية في الصدر وحد يقول لأنها صغيرة فما فيه مساحة ما بين اللحمية والبلاعيم وعلشان جيه ينزل المخاط على طول للصدر ويخليها اتكح
وآخر مرة قلت بوديها لدكتور زين ...قال لي لازم تعرضيها على دكتور أطفال متخصص بالجهاز التنفسي على قولته فيه دكتور أطفال متخصص بالباطنية وفيه متخصص بالجهاز التنفسي وفيه وفيه ....هذا من كلامه وما أدري شو الصدق

الحين يا جماعة الخير اللي تعرف دكتور شاطر بهالسوالف في بوظبي تخبرني بوديها حرام احنا من اتيينا الكحة ما نقدر نرقد ونكره حياتنا وهي عايشة عالكحة

المزيد من آخر المواضيع من نفس القسم:

**كول بيبي** · 2009-10-13, 08:23

للرفع

**العفريتة** · 2009-10-13, 08:33

سبحان الله

**أم ود!د** · 2009-10-13, 08:39

الله يشفيها يااااارب

الصراحه العيال شقى ربي يحفظهم

أنزين احسن لها اتزوعه ولا اتولفه في صدرها

بس صدق مشكله

خص كحة طول الليل

الله يشفيها لج يارب

عطيها عسل طبيعي

وشاي زعتر

**ramroum** · 2009-10-13, 08:40

الله يشفيها ويعافيها
د. حسام عناية سوري الجنسية ما اعرف اذا هو الحين في المستشفى الفرنسي الاماراتي اللي على الكورنيش
او في مركز او مستشفى الريف
اسألي البدالة عنه
سلامتها يا رب والله يحميلك اولادك

**لوليانو** · 2009-10-13, 08:43

الله يعافيها يااارب .. هذا يعني عندها حساسية في صدرها ..

في دكتور شاااااااااااااااااااطر في مركز حمرعين إسمه ناصر إستشاري حساسية الصدر وأمراض الصدر والربو ..

**اشواق نونا** · 2009-10-13, 08:48

الله يشفيها ... عطيها عسل دافي مع كركم وحبة سودة ...

**القرموشة** · 2009-10-13, 08:52

الله يشفي بتنج
عطيها عسل طبيعي ويا حبة البركة
او تنقعي حبة البركة بالليل والصبح على الريق عطيها الماي
وبالشفا

**سعادة2008** · 2009-10-13, 09:07

انا اعالج عيالي في مستشفى النور والله يعافي بنتج

**ام شموس الحلوة** · 2009-10-13, 09:13

هلا اختي الله يشفيها ...هذا الموال كان عندي وعند بنتي ...
والشعب الهوائية وااايد انا خذت جهاز الاوكسجين ... وادوية تساعد على فتح الشعب الهوائية ... وطبعا اهم مشكلة البلغم كانت يوم تكح تزوع البلغم ... والاكسجين واااايد يريح ويساعد... طبعا كله هذا مع وصف الدكتور

**أسـومـهـ** · 2009-10-13, 09:29

المشاركة الأصلية كتبت بواسطة لوليانو

الله يعافيها يااارب .. هذا يعني عندها حساسية في صدرها ..

في دكتور شاااااااااااااااااااطر في مركز حمرعين إسمه ناصر إستشاري حساسية الصدر وأمراض الصدر والربو ..

ونا بعد اقولج وديها عند هذا الدكتور وايد شاطر

**الكـــــاذي** · 2009-10-13, 09:58

شربيها زنجبيل طازج عقب ما تفوريه بالماي وأخلطيه مع عسل أصلي..

شربيها في الليل.. والصبح بطلع كل البلغممن صدرهاوبيتنظف.. أحسن لج ميةمره من المضادات الحيويه اللي تهد الحيل..

وسلااااااااااااامات وما تشوف شر بإذن الله

**حمامه سلام** · 2009-10-13, 10:08

الله يشفيها ويعافيها
حبيبتي ما جربتي وياها الاعشاب

**استيرا** · 2009-10-13, 10:33

للرفع

**custard** · 2009-10-13, 10:42

أختي حطيلها كركم في الحليب,, مش الكركم مال الأكل في واحد ثاني عباره عن كركم فرش مطحون,,, للأسف ما أعرف دكتوره فبوظبي,,

الله يشفيها

الموضوع: بنتي البكر مريضة وصارت أكبر هم عندي وأدور على الحل ؟؟؟؟

أدوات الموضوع

عرض

بنتي البكر مريضة وصارت أكبر هم عندي وأدور على الحل ؟؟؟؟

المزيد من آخر المواضيع من نفس القسم:

المواضيع المتشابهه

ساعوني بنتي مريضة

الغاليات أبا مساعدتكن ... بنتي مريضة

بنتي مريضة

بلييييييييييز ...عندي مشكلة وأدور على الحل عندكم