حريم الشمالية اللي ساكنين فبوظبي ودبي عطوني رايكم؟....

[المرجان]

مرحبا شحالكم خواتي؟

الله يسلمكم قريبا راح نشد الرحال من ام القيوين وننتقل إما لبوظبي او دبي دعواتكم لنا بالتوفيق..

وحاليا فبالنا فكرة انه نشتري بيت بدل ما نضيع فلوسنا فالايجارات ...

فشو رايكم يا سيدات الامارات؟؟؟؟

مب الأفضل انه نشتري بيت بدل ما نأجر لانه اكيد بنعيش فترة طويلة حالنا حال غيرنا لين ما نشيب ونتقاعد ونرد لأهلنا خخخخ

والله انا متبهدلين واحليلنا!!
حالنا حال الهنود هههههه الحمدلله على كل حال..

المهم نحن قلنا مع مرور الزمن عالأقل بيكون لنا بيت ملك و لعيالنا مستقبلا..
يلسنا ندور وحصلنا فلل الريف العقارية فبوظبي اعتقد فيلا ال 5 غرف ب 2350000
هذا الرابط http://www.alreef-villas.com/ar_d.htm
بس ريلي مب وايد متحمس يقول تصميم البيت ضيق
وشكله من تصاميم بيوت الصين مادري الألمانية التركيب اللي تكلفتهم 500 الف بس مب متأكدين راح نستفسر اكثر،،
وبنفس الوقت وما يناسب مجتمعنا ومتطلبتنا تعرفون العزايم والخرابيط ومثل ما شفت ماشي ميالس
فشو رايكم بالفكرة ؟؟؟؟؟؟؟
تسوى؟؟؟؟
ولا نسكن فايجار لين ما نبني بيت المستقبل في ام القيوين؟؟
مع العلم انا مب محوشين مبلغ محترم هعهع عايشين عالمعاش ومستورة ولله الحمد

اتمنى اسمع رايكم وتسلمون عالمرور..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[×سمحاويه×]

ما عندي فكره الغاليه وبالتوفيق

[المرجان]

عندي استفسار ثاني

من فترة احيد منعو بيع البيوت الشعبية فبوظبي لانه شي ناس تطلع لهم بيوت شعبية فالمناطق البعيدة مثل الباهية والسمحة الخ ويبيعونا على ناس ثانين هل الموضوع مازال ممنوع ولا؟؟؟؟

إن شاء الله القى عندكم الجواب الكافي ويزاكم الله خير...

السموحة

[المرجان]

ما عندي فكره الغاليه وبالتوفيق

تسلمين عالمرور عزيزتي

[سارا الحلوة]

موفقه الغاليه ...

[أم العرسان]

هيه الغاليه ممنوع بيع بيوت الشعبيه وانا افضل اتأجرون شقه اوفيلا مع انه الجارات في بوظبي ناااااااااااااااار وخصوصا انكم بعدكم مب محوشين مباغ عشان تشترون بيت وعلى المواصفات اللي تبينها ميالس وعزايم وبصراحه وماابغي احبطج البيت في بوظبي تبيلج على الاقل مليونييييييييييين واذا كان ريلج في الجيش في بيوت تنعطى الهم طبعا في اماكن معينه
وربي يوفقكم

[ورده*جـوريه]

جربي الشقق

[المرجان]

هيه الغاليه ممنوع بيع بيوت الشعبيه وانا افضل اتأجرون شقه اوفيلا مع انه الجارات في بوظبي ناااااااااااااااار وخصوصا انكم بعدكم مب محوشين مباغ عشان تشترون بيت وعلى المواصفات اللي تبينها ميالس وعزايم وبصراحه وماابغي احبطج البيت في بوظبي تبيلج على الاقل مليونييييييييييين واذا كان ريلج في الجيش في بيوت تنعطى الهم طبعا في اماكن معينه
وربي يوفقكم

يزاج الله خير عالمرور الغالية
بس نحن قلنا إذا كان في مجال ندفع اقساط نخليها لبيت ملك احسن شقه ايجار!
نحن متأملين انه يوم نسير هناك حالتنا المادية تتحسن..
وعقولتهم هالبيوت مسواية لذوي الدخل المتوسط،، يبالنا نستفسر منهم عن طريقة الدفع
والله كريم

[المرجان]

ساره الحلوة
تسلمين عالمرور اختي..

ووردة جورية
تسلمين عالرد الغالية بس الصراحة ما نحب الشقق!!
واحس اسعارها اغلى!!

[*عواش*]

لا مب ممنوع نحن بعنا بيتنا اللي فالرحبه عادي

[المرجان]

لا مب ممنوع نحن بعنا بيتنا اللي فالرحبه عادي

أختي متى بعتوه؟؟؟ هالسنه ولا من فترة طويلة؟؟؟؟

[المرجان]

سبحان الله

[المرجان]

اب اب اب

[روحي تحبـك]

حبووبه شي ناااس تأجر فـ الشامخه أو الفلاح ..
يعني مثلا يكونون عندهم ملحق ولا فالميلاس .. وناااس وايد من الشماليه مأجررة وساكنة
ويبعدون عن بوظبي نص ساعه

[نون القلب]

مستحيل اتحصلين شقه في هاي الفتره,, نحن اندور شقه من سنتين.. و فكرنا في الفلل في شاطىء الراحه و خلاص كنا ناووين.. بس في آخر لحظه طلعتلنا مشكله من شركة التمويل,, و سكت ريلي عن السالفه,.,