مشكلتي في كسب الاصدقاء

[●●ندى الروح●●]

السلام عليكم خواتي

شحالكن؟

خواتي انا عندي مشكله يمكن البعض فيكن يعتبرها عاديه او تافهه لكن والله بالنسبه لي كبيره وايد
وتعقدت منها..ومشكلتي مثل ما هي مكتوبه فالعنوان وهي الصداقه

بداية المشكله و اول شي انا يوم كنت فالمرحله الاعداديه كانت عندي شله عووده تقريبا كنا 16 بنيه وكنا كلنا فنفس الصف وكنت واايد اجتماعيه ما استحي ومواضيعي طفوليه عن الانمي وما كنت اهتم بسوالف الكبار وكانت عندي ربيعات وااايدات من الزين والحلا..


وطافت السنوات وكنا دووم مع بعض لين استوا عمري 14 سنه وكنت ثالث اعدادي و اعز ربيعاتي
كانت في يوم عدوتي لين صارت مشكله بيني وبين شلتي فرقتني عنهم ..

كانت المشكله تافهه بس واايد اثرت فيني ولين الحين ماثره فيني وتعقدت من الصداقه وصرت ما
اعرف اكسب ربيعات واحس عمري كل ما سولفت ويا حد احس انهم يعتبروني تافهه لان مواضيعي
سطحيه او فيها شوية فلسفه ..وانا مشكلتي موول ما اعرف اضحك وانكت البنات..
والي يجوفني ع باله انا كله جد ف جد ياما حاولت اكسب ربيعاتي وفشلت..
فقدت القدره على اني اتفاعل وياهم واكون اجتماعيه.. واذا حصلت ربيعه تلقوني بعد جمن يوم
مستويه ظرابه امبينا وما يرمسوني ..

والحين انا ثانويه عامه وبصف يديد وربيعتي الي اعتبرها اقرب وحده لي حطوها بعيد عني
ومب عارفه كيف اتفاعل يوا بنات صفي..

ماعندي حد يشجعني ..كل حد ف عالمه..ولو عبرت عن مشاعري يطنشوني وما يسوون سالفه..
والله خاااطري فربيعه تكون عزيزه عليي..

صرت متعقده من الصداقه وماعرف كيف اكون صداقات ويا البنات..وبحكم اني حساسه ما اقدر
اتحمل سوالف البنات الماصخه وتعليقاتهم ..مع اني ماجربت قبل..

اتمنى منكم انكم ادلوني على طريقه اقدر اكسب فيها صداقات فالمدرسه..

لاني انا اخر سنه واتمنى من كل قلبي انها تكون ذكرى حلوه حقي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم كشه،،]

فدييتج الغاليه..
لاتخلين أي شي يستويلج ف حيااتج يعقدج..من أي شي..
عيشي حيااتج طنش تنتعش>>>اشرب رد بول بيصير لك جوااانح>>>>لوووووووووول

حبيبتي..
خلج كوول يوم بتيلسين وي ربعج لاتيلسين مستمعه فقط..
بالعكس خليهم هم المستمعين وإنتي إلي ترمسين ..\عاااد مب ادفشين وتسكتين هاي وذييك لامحد يرمس بس أنا..
لا خلي حواارج وياهم بإحترام وبكل ثقة..
أهم شي إنج تكونيين وااااثقه بنفسج وخلج>>> ياجبل مايهزك ريييح..

وربي يحفظج ياارب..
وخلج فرفوووووشه ..

وبعد في شي الإبتساامه لها دوور كبير وااايد بعد..

[اذكروا الله]

بالعكس تعلمي تكونين على طبيعتج في اي مكان تكونين فيه

لأن فالنهاية انتي لج شخصيتج وغيرج لهم شخصيتهم وماتقدرين تكونين مثل ما الناس يبون

وكل انسان له اللي يميزه عن غيره..^^

شفتي ثنين لهم نفس ( البصمة ) << مستحيل

وثاني شي ...

لتخلين هالسالفة تأثر على دراستج لانج مثل ما تقولين انتي في ثنوية عامة

صح المفروض تسوين ذكرى حلوة وتحسين ان حد وياج في السنة الأخيرة فالمدرسة

تحرري من الموقف اللي صار ويا شلتج ، لان هالموقف قلل ثقج في الناس وفي نفسج

فهالشي خلاج تحطين حواجز بينج وبين الناس ، صدقيني الناس كلهم جد تأذوا من بعض وتشوفينهم يحطون الحواجز

بس فالنهاية نحن بشر نحتاج بعض ومع الوقت هالحواجز تذوب بالنضج والنسيان

بالتوفيق ^^

[قطوه متوحشه]

((*__*))

[الحياه صعبه]

لا تتريين البنات يتقربون منج؟؟ إنتي بعد حاولي تتقربين منهم شوي شوي