ساعدووووووني

**[ M!ss v!p ]** · 2009-08-28, 21:50

السلام عليكم و رحمة الله وبركاته

شحالكم ؟؟ ان شاء الله بخير؟؟

ماعرفت وين اكتب الموضوع الصراحة بس اتمنى تساعدوني

انا مشكلتي هي الدورة الشهرية و تدرون الحين رمضان و ماعرف بصراحة صيامي الحين مقبول ولا

المهم

انا بقولكم من البداية

انا دورتي كل شهر مرة

وتستمر 5 ايام

و موعدها يختلف مرة تكون نص الشهر و مرة بدايته و مرة نهايته

بس تكون تقريبا كل 25 الى 30 يوم

المهم

يتني الدورة يوم الخميس اللي طاف وكانت خفيفة وااااااااايد وانا مستغربة لان اول مرة يستوي لي جيه
و تدرون رمضان كان يوم السبت ف انا فطرت السبت و الاحد و الاثنين
والمفروض يوم الاثنين اخر يوم يعني الثلاثاء اغتسل , ولا اتفاجىء لين الحين شي دم خفيف
فطرت يوم الثلاثاء
و قمت الاربعاء على اساس انه اخر يوم و شفت لين الحين شي دم و فطرت يوم الاربعاء
و ليلة الخميس وقف الدم اغتسلت وصليت الفجر و نمت

يوم نشيت من الرقاد حصلت قطرات دم خفيفة و جان اروح ادور في النت عن حكمها مكتوب انها استحاضة مو حيض و خصوصا ان الدم كان قطرات بس هاللي فهمته و الله اعلم و كان مكتوب انه لازم اشوف افرازات بيضاء على ما اعتقد و هي تقول انه الدورة انتهت و هاللي شفته

كملت الخميس صمت يوم كامل وما كان في دم الا عقب الفطور نزلت كم من قطرة و عقب وقف

اليوم الجمعة صمت و صليت و عقب اشوف شي دم احمر خفيف مب وايد , سالت اختي ما عرفت , دورت في النت حد يقول هاي دورة ولازم ما اصوم و حد يقول استحاضة و لازم اصوم

المهم كملت صيام و صليت وكل شي و وقف الدم , خذيتها على اساس انها استحاضة

والحين اشوف الدم مرة ثانية قطرات

الحين دورت في النت وقريت كتاب الفتاوى بس بصراحة ما فهمت اعتبرها حيض ولا استحاضة ولا كيف

و شو عن الايام اللي افطرتها في رمضان يوم الثلاثاء والاربعاء؟؟

اتمنى حد يساعدني و يفهمني لاني بصراحة قريت وايد فتاوي في النت و في كتابين للفتاوي ولا فهمت شو الحكم الصحيح؟؟ و ياريت لو تحطون لي رابط او موقع او شي مكتوب فيه الحكم و تفهموني اياه

اتمنى سرعة الرد

ومشكورين مقدما

وتسلمون ويزاها الله خير اللي بتجاوبني

المزيد من آخر المواضيع من نفس القسم:

**ensana** · 2009-08-28, 21:53

للرفع وان شاءالله تلقين وحده تكون متأكده من الفتوى..................السموحه

**وهج الغلا** · 2009-08-28, 21:53

للرفـــــــع أب أب أب

**عنـ؛دي** · 2009-08-28, 21:54

,,, سورى بس ماااا اعرف ... بس عسب ارفع الموضوع ..

**روضه الصياحه** · 2009-08-28, 22:47

والله ما عندي فكره و اول مره اعرف انه في شي اسمه استحاضه

اذا يتج مره ثانيه وكانت جي .. اشربي جرفه عسب اتنزلها وما اطول عندج

**[ M!ss v!p ]** · 2009-08-29, 00:02

مشكورين وما تقصرون على الرد

**شيوخيـه** · 2009-08-29, 00:06

الله أعلم

**مريم الشحي** · 2009-08-29, 00:15

اذا انتي متعودة على انها دوم خفيفة جذا

معناها هاي بعدها الدورة طال عمرج

ودامج متأكدة من ايام دورتج فخلاص خليج عهالدم بالمدة المعهودة (فاهمه علي؟؟؟)

ومن عقبها صومي فباجي الايام بتكون استحاضة

ويوم بتيين اتعوضين ايام فطرج كثري من صيامج

انا اسوي جذا لأنه دورتي مب منتظمة

وفالنهاية انا اقولج شوفي دار الفتوى او رقم اي شيخ واسأليه عن الموضوع بيكون افضل

ومبارك عليج الشهر ^_____^

**غربة مشآعر** · 2009-08-29, 00:21

الغاليه مشكلتج شرات مشكلتي
بس الحمدلله الحين احسها شوي انتظمت
السبب يرجع لزيادة الوزن او خلل بالهرمونات

انتي اتصلي علي الفتوى و شوفي شو يقولولج
لاني اتصلت مره و سئلني المفتي كم سؤال و ان شاء الله خير

بس اللي اعرفه ان في فرق بين الدوره و بين الاستحاضه
الاستحاضه تكون افتح من الدوره اللي لونها يكون لونه اغمق شوي

هاللي اعرفه
شوفي شو يقولولج قوم الفتوي و خير ان شاء الله و انصحج تراجعين طبيب و خبر ان شاء الله

موفقه

**Decaldo** · 2009-08-29, 00:34

سالي مفتي احسن لان هذا امر يخص الدين فلازم تسالين من هو عالم بهل الامور

**lobnania** · 2009-08-29, 00:36

uppppppppp

**شذره** · 2009-08-29, 00:43

حبيبتي الدورة لها سبعة اياااااام يعني لااازم تفطيرين في حاله تعدى السبع ايااااام تكووون استحاضة

مع التحياااااتي : اختج شذره

**غرشوبة2008** · 2009-08-29, 02:32

uppppppppp

**[ M!ss v!p ]** · 2009-08-29, 16:21

مشكورين كلكم على ردودك و يزاكم الله خير

الموضوع: ساعدووووووني

أدوات الموضوع

عرض