آلام الولادة...........اختفت؟؟؟؟

**غـــزل** · 2009-08-17, 16:20

السلام عليكم

حريم انا كان عندي الام فاسفل البطن والظهر وكملت تقريبا يومين ما اقدر انام فالليل من الويع
ورحت العيادة وكشفت علي الدكتوره وقالت ان فاتح عندي 3 سانتي واني على وشك الولادة على اليومين اللي جايين
ومن ييت من العيادة رااااااااح واختفى كل شي
ولا جنه فيني شي
لا ويع ولا شي
حتى المنان ما اييني !!!!!!!!!!!!!!!!!!!!!
شووووويعني مب موعد الولاده والا شو؟؟؟؟
الحين صار لي 13 يوم داخله التاسع
ابا اربي ملييييييييييييييييييييييت بس عاد
ساعدوني شو اسوي وكيف ارجع الويع وشو سالفته ليش اختفى
للعلم امشي كل يوم واشرب قرفة ولا حيات لمن تنادي

المزيد من آخر المواضيع من نفس القسم:

**دلوعة نونيa** · 2009-08-17, 16:24

وين اهل الخبرة

**غـــزل** · 2009-08-17, 16:56

ويييييييييييييييييييييييين اهل الخبره
انا بعد اترياهم

**Hard2Ctrl** · 2009-08-17, 17:04

للــــــــرفـــــع

**بنت النيل9** · 2009-08-17, 17:12

انتي ليك 13 يوم في التاسع ومستعجله ؟؟؟
انا كملت التاسع ولي يوم في العاشر ومافي اي شئ

**شويييخ** · 2009-08-17, 17:32

انا نفس قصتج والله تعبانه وملانه من الويع و فاتح عندي ثلاثه سانتي

**مياسوه** · 2009-08-17, 17:36

لا تستعيلين يوم الله سبحانه وتعالى يامر بالولاده راح تولدين

وبعدين لاحقه على الصدعه ^^

الله اسهل عليج

**فتاة حالمة** · 2009-08-17, 18:27

أنا داخلة التاسع وتأخرت بعد نفس الشي .. بس فحملي الأولاني ربيت فأول أسبوع في التاسع .. كل حمل يختلف عن التثاني

**شوشو_24** · 2009-08-17, 19:14

الله يقومج بالسلاامه
لاتحااتين حبيبتي

اتوكلي على الله

وداومي ع الادعيه والاستغفااار

**yasmen19** · 2009-08-17, 19:46

السلام عليكم

الدكتورة قالتلي اشرب زيت خروع و سمعت كلامها شربت زيت خروع يوم 4/8 و يالي الوجع ثاني يوم الصبح الساعه 7 و ظل الوجع يزيد طول اليوم لين ماربيت ثاني يوم الصبح الفجر 6/8

جربي و الله يسهل عليج انشاء الله و تربي بالسلامة

**أم خالد .,** · 2009-08-17, 20:01

انـآ كآن فـآتح عنــدي 2 سم فـ الاسبـوؤع الثـآني من الــتآسع .!
وربيــت بعد اســـبوع تقريبـآَ ،،

مـآ انصحج تشـربين شي فديـتج .،
يوم الله بيــكتب لج ان شــآء الله بتربيـن ،،

الله يسهل عليــج حبيبتي ..

**غـــزل** · 2009-08-17, 20:05

مشكورات خواتي
يزاكم الله خير

والله يسهل علينا الولادة

**حبك دمرني** · 2009-08-17, 22:10

هذاالهدووء ما قبل العاصفة وانا اتوقع ما يمر هذا الاسبوع إلا وانتي مربية إن شاء الله

**هنوده1** · 2009-08-17, 22:20

مب لازم تربين الحين

أصبري يالغاليه متى ما بي وقت الولاده ويقرر الجنين أنه يبا يطلع خخخ بيطلع

^_^

والله يسهل عليج إن شاء الله

ترى أختي قبل ما تربي فموعدها اللي عطوها 30 - 7

عطوها حلول وتمت تتويع ومغص وحاله ليييين موعد الولاده وربت

يعني تعبت عالفاضي

**الكاشخــة** · 2009-08-17, 23:40

الله يسهل عليج يارب
كلنا من ندخل التاسع نمل ونبغي نربي بسرعه
لا تستعيلين والله يسهل علينا يارب

الموضوع: آلام الولادة...........اختفت؟؟؟؟

أدوات الموضوع

عرض

آلام الولادة...........اختفت؟؟؟؟

المزيد من آخر المواضيع من نفس القسم:

المواضيع المتشابهه

طرق سهلة لتجنب آلام الولادة

مدة آلام الولادة الطبيعية

استفسار عن آلام الولادة

آلام الولادة

وداعا آلام الولادة