سؤال طرح ببالي وحبيت تشاركوني الجواب

[فلونة]

السلام عليكم خواتيه

اشحالكن؟؟

كنت قاعدة وطرا ع بالي هالسؤال

ليش الوحدة فينا تحب أمها وأبوها بطريقة جنونية..

وتحب هالمخلوقين يكونون لها وبس..

بس ما تغار لو الأب ولا الأم اهتموا باخوانها..

وتستانس لو ياهم ياهل يديد..

لا تقولون لأنه أخوانها ولا من لحمها ودمها..

بقول لكم السبب..

لأنه تكملة السؤال بيكون أحينه..

والحرمة تحب تمتلك زوجها لنفسها وبس..

يعني لو ريلها خذ عليها بنت عمها بتحب بنت عمها؟

أو طلقها وخذ عليها أختها... بتحب أختها وبتسامحها؟؟

فاهمين علي؟

يعني ليش عادي أختج تشاركج أمج وأبوج.. بس لو صار وريلج ودرج عشان ياخذ أختج بتصير بينكم عداوة كبيرة.. مع إنه بيكون حلال اللي سواه..

ليش يا بنات نحب الرياييل يكون لنا وبس؟؟

وهذا سؤال ثاني..

ترضين تكونين زوجة ثانية عشان تسترين على نفسج وتهدمين أسرة؟؟؟

ومثل ما هدمتي أسرة.. ترضين اتي ع راسج وحدة ثانية؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مـــــريم]

شو تحت راااااااااااااااسج ها ؟؟؟؟؟؟ اول جاوبيني بجاوبج..

[فلونة]

مافي شي تحت راسي

بس مستغربة من هالبنات اللي ياخذن واحد معرس عشان يسترن ع عمارهن ولا يهتمون بأنه هالإنسان عنده أسرة ممكن إنها تنهدم..

وليش الزوجة الأولى صعب تتقبل الزوجة الثانية مع إنه الشرع حلل هالشي..

شي كلام وايد بس ما أحب أكتبه هني

[ام فطامي11]

بصراحه كلامج غريب..

[فلونة]

أعرف الكل بيستغرب من كلامي

بس صدق الواحد ينقهر من اللي نشوفه هالأيام

أنا أريد جواب السؤال الثاني أكثر من الأول..

الأول مب هامني..

أريد جواب السؤال الثاني..

تبنين سعادتج على سعادة غيرج؟؟

[مـــــريم]

حبيبتي انا بختصرلج ..
انا وحده ابغي زوجي اروحي وأنا وموصتنه اذا مت قبله مايعرس..
واذا مات قبلي والموت حق علينا بعرس..>>>>> نذله خخخخخخخخخخ

[أم فلاح1]

ليش يا بنات نحب الرياييل يكون لنا وبس؟؟

ريلي لي انا وبس وعيالي واهله ما اسمح حق اي وحده من برع ادمر حياتي انا من النوع اللي ما يتنازل ع حقه بسهوله انا ما بنيت هالاسره سنين ولحظه اتي بنت ادمر كل شي انا بدفاع عن بيتي وحبي لزوجي لاخر لحظه ف علاقتنا اما لو شوفته هوو يباها انا بقعد ف بيتي و بيت عيالي ولا يقرب صوبي


وهذا سؤال ثاني..

ترضين تكونين زوجة ثانية عشان تسترين على نفسج وتهدمين أسرة؟؟؟

لا ما ارضىاللي تفكر ادمر اسره هي ما تحب غير نفسها >> انانيه
وانا اختي زوجه ثانيه انا مش راضيه ع هالشي ولا برضى عليه بس هي تقول انها سعيده و ابوي وهلي يقولون الشرع حلل 4 بس لو كنت انا مكانها ما بموافق ولا بدمر اسره للعلم اختي عمرها 19 وبعدها صغيره والعمر جدامها وحلوه وايد

ومثل ما هدمتي أسرة.. ترضين اتي ع راسج وحدة ثانية؟؟


لالالا ما ارضى بيتي وعيالي وريلي لي انا وبس ما اسمح ولا اسامح اي حد يشاركني فيهم

[أبا وظيفة]

يا ناس ليش الله خلق الغيرة في قلب الحرمه خاصة يوم يبا يعرس ابا افهم هل منه فايدة

[shaikah3]

!!!!!!!!!!!!!!!!!!!

[ahaat_2015]

1- الشرع حلل الزاج المتعدد
2- من شروطه العدل واذا مافي عدل احسنه يتم على زوجته الاولة
3- مو شرط اللي تكون الزوجه الثانيه تخرب على الاوله "يـــــــــــــــــــــــاما ناس متزوجين من ثنتين وثلث واربع ومافي مشاكل " شوفي اذا كانت الثنتين متفاهمات الامور طبيعيه


وانا مو ضدج يمكن صح الزوجه الثانيه تكون بنسبه لزوجه الاوله مشكله وخذت ريلها منها بس على حسب الزوجه الاولى "يمكن ما تيب عيال ،يمكن مريضه او اي شي " بيضطر لانه يتزوج الثانيه


واللي عنده حرمه مستحمله افعاله وتكون صاينتنه وصاينه بيته وحرمه ما عليها كلام ليش ايب على عمره وجع الراس


وبعدين اساس التعدد العدل والحين نادر واحد يكون عادل بين الزوجات فاحسنله ما يتزوج يمكن ما يقدر العدل



فالدليل القرآني قوله تعالى ( وإن خفتم ألا تقسطوا في اليتامى فأنكحوا ما طاب لكم من النساء مثنى وثلاث ورباع فأن خفتم ألا تعدلوا فواحدة أو ما ملكت أيمانكم ذلك أدنى ألا تعولوا ) النساء : 3



اتفلسفت واااايد خخخخخخخخ بس الصراحة انا متزوجه والزوجه الاولى

والله يبعد فكرت الزوجه الثانية عن ريلي

الصراحة ما بتحمل واذا تزوج برضى بالواقع بس الصراحة بيكون تعاملي غييييييييير



اسمحيلي

بس لو ما كنت متزوجه لا ما باخذ زوج متزوج الا اذا في شي من اللي ذكرته فوق



والله يسعد كل متزوجين

[مـــــريم]

....................

[The Miracle]

صراحه فكرت وايد وكل شوي امسح ف النهايه ماعرفت شو اجاوبج ... يعني انا زوجه اولى واكيد برفض زواجه من ال 2 بس يوم افكر ليش الله حلل زواجه من ال 2 اقول يا ربي لو انا مكانها شو بسوي اعيش طول عمري بدون ريال !! ساعات احس اني انانيه لاني مابا السعاده لغيري بس بنفس الوقت اقول مابا اكون انا اللي اضحي عشان غيري يستانس .. ماعرف ..

[المعترضة]

وعليكم السلام ورحمة الله وبركاتة


أولا في بداية كلامي انا ابغي اقول اني انا زوجة ثانية

وانا مو ضدج يمكن صح الزوجه الثانيه تكون بنسبه لزوجه الاوله مشكله وخذت ريلها منها بس على حسب الزوجه الاولى "يمكن ما تيب عيال ،يمكن مريضه او اي شي " بيضطر لانه يتزوج الثانيه

وافقة على هذا الزواج لان في سبب من هالاسباب اللي ذكرتهم
ahaat_2015
ولان هالشاب محترم ملتزم
وخلوق وما ينرفض واي بنت مكآني لو ياها هالشاب
ماراح ترفضه حتى لو كانت رافضة فكرة انها تكون زوجه ثانيه

وكانت اسباب زواجه ان زوجته زوجه عاصيه وخارجه عن طاعته
وفي بيت اهلها من شهور طويلة غير هذا ما تحترم اهله ولا كانت تحترمه
بس في نفس الوقت تحبه وتبغيه لها وبس (اي حب هذا ..هذا يسمونه تملك مب حب )
بس خبروني الريال وقتها بيصبر
وهو كان صابر عليها 4 سنوات من بداية زواجهم؟

الريال يبغي حرمة تحبه تكون وياه ببيت زوجها مو تحبه ويالسه ببيت اهلها
الريال يبغي حرمة تطيعه وتحترمه وتحطه فوق راسها وفي عيونها وتلبي حاجاته
وتطبخ له وتغسل له ملابسه وتتعدل له وتكون كل يوم جدام عيونه عروس
وأهم من هذا كله تكون له زوجه وام تعطيه كل الحب والحنان اللي عندها




جاوبوني انتوا لو وحده مكآني بترفض هالشاب؟

الحمدالله انا الحين وايد مرتاحه وعايشه معاه احلى سعاده
واهله كلهم يحبوني ويحترموني كل اهله وقرايبه محترميني
لدرجة من حبهم لي في وحده تقرب لريلي كتبت فيني شعر



وأنا وايد مقدرة مشاعر زوجته وحاسه والله فيها
بس مو اللي صار كله بسببها وبسبب اهمالها وتصرفاتها؟



اي ريال ما يتزوج من فراغ ... الريال لو كانت حرمته مقصرة واايد بحقه
من حقه يتزوج ... وانا متأكده ان ريلي مستحيل يتزوج علي لاني واثقه من
نفسي ومن معاملتي له ويكفيني انه ذاق طعم الزواج والحب لأول مره في حياته وياي أنا
الحمدالله قدرت اني اعوضه عن كل شي كان يتمناه


والله يحفظه ويخليه لي ويطولي بعمره

- مو شرط اللي تكون الزوجه الثانيه تخرب على الاوله "يـــــــــــــــــــــــاما ناس متزوجين من ثنتين وثلث واربع ومافي مشاكل " شوفي اذا كانت الثنتين متفاهمات الامور طبيعيه

سلامي عليج اختي ahaat_2015

كنت اتمنى نكون متفاهمين انا وهي بس للأسف بدت بداية وياي مب زينة
وأتهمتني بشرفي عند ريلي والله ماراح يوفقها ما تعرف شو يعني قذف المحصنات؟
وما خافت ربها ابد وانا احب ولدها الصغير وايد وادلعه واهتم فيه لما يي بيت اهل ريلي
اللي انا عايشه وياهم وهو ويد يحب يلعب وياي ويحضني ويبوسني
لو انا ما كنت زينة جيه بيسوي وياي ياهل صغير ما تعدى الـ3 سنوات
لو ما كنت زينة اهله وامه راح تحبني وتحترمني ومن حبها لي تحتضني مثل بنت من بناتها




الحين الأسئلة لج يا أختي فلونة ولكل أخواتي العضوات الي ردن ورافضين فكرة الزوجه الثانيه

الريال مو من حقه يتزوج الزووجه الثانيه لو كانت الزوجه الاولى جيه مثل ما ذكرتها انا؟
والزوجه الأولى ما سألت نفسها ليش زوجها تزوج عليها ؟
بشو هي قصرة وياه؟
عمر الكلام الحلو ولا الهدايا هو الشي اللي يبغيه الريال
الريال يبغي حرمة تعينه وتوقف وياه وتحترمة وتثبت وجودها كزوجه صالحه
وياه تحت سقف واحد وفي بيت واحد وتصبر على الحلوة والمرة وهي معاه

[خطيرة الملامح]

خواتي خلو المشاعر بصوب ...

وفكروا ان رب العالمين حلل ها الشي وها كلها أرزاق بيد رب العالمين ....

[البريم]

الله لا تبلانا بعديله