ساعدوني من خبرتكم ياصاحبات الحياه المنظمه :)

**Om 7aMda** · 2009-07-26, 01:47

السلام عليكم والرحمه ....

خواتي ..
انا من عرست ما اقدر ارتب حياتي ولا اقدر اهتم فعمري.. فبشرتي؟؟ في جسمي
اهملت عمري اهملت بمعنى الكلمه ...

متنت وما اهتميت .. تغير كل شي فيه
احس مرات اني عايشه بدون احساس
ومرات اقول انا ليش جي ...!
شو اللي وصلني لهدرجه !

كيف صرت جي .. وليش؟

تغيرت الاحاسيس الاوليه ..
حتى لو قمت اغير واسير مكان احس نفسيتي ماتتغير ..

ابا ارتب حياتي واعطي كل حد حقه ..

ابا اهتم فعمري واسويلي جدول واهتم فجسمي المسكين
كله عشان زوجي العزيز ...........

طبعا يوم اقوله .. يقولي لا جي حلو وبتم احبج وماباخذ غيرج
اقوله خريييييييط خخخخخخ

لازم اهتم فعمري وانسى الله راح ..

فالشاطره اللي مسويه جدول لحياتها ونشاطاتها واسلوب معيشتها ,,,, تعطيني شوي من خبرتها ومن جدولها ...

المزيد من آخر المواضيع من نفس القسم:

**أم سيف ~..** · 2009-07-26, 02:07

بالتوفيق

**فرح777** · 2009-07-26, 02:21

في البدايه قرري ان يوم معين بكل شهر تروحين الصالون تحفين جسمج - حمام مغربي - بداكير مانكير بعد ما ترجعين البيت المعنويه بتكون 100% تحطين مجموعه من الكريمات المرطبه بروايح مختلفه بتحصلينها في بدي شوب للترطيب بعد ما تسوين شاور استخدمي كل يوم مرطب للتجديد فقط 2--روحي باريس غالري خذي مجموعه كريمات طبيه تناسب بشرتج من ميلك تونك تستخدمينه كل يوم مقشر وماسك مرتين في الشهر المكياج لا تبالغين فيه كوني مثل ما يحب ريلج واهم شي تشربين ماي وايد وتسوين رياضه خذيها تصيحه من اخت

**احبه حيل** · 2009-07-26, 02:23

الله يوفقج
لـــــــــــرفع

**كول بيبي** · 2009-07-26, 02:45

شوووووفي بما ان الوحده مالها بارض شوفي شو تسوين !! الوصفه السحريه (( الاستيكرات ))

حطي لوشناتج في الحمام وحطي عليها ستيكر صغير كتبي عليهم ((حطي من اللوشن والا ريلج بيطفش ما يكسر خاطرج)) وبهالجمله يوم بتقرينها بتتشجعين تحطين منه سوي لج اشتراك في الصالون ادفعي فلووووس عشان تعرفين انج خسرتي سوي حمام زيييييت وبدكير ومنكير كل يوم الصبح اول ماتنشين سوي رياضهـ شويه واكلج خليه محدد لاتكثرين وااااااايد ستايلج غيريه بين فتره والثانيه حطي مكياج شوي (( حطي على المكياج استكر وكتبي عليهـ لازم بو الشباب يشوفني كاشخهـ لو شوي )) ثيابج كل مره لبسي شي مره كندوره مخوره مره جلابية بيت مره بجامه يعني غيري وشعرج سوي في ستايل يعني غيري لون الصبغه قصيه مره رفعيه مره خليه مفتووووووووح لبسي اكسسوارات يعني لاتقصرين على عمرج اسبوعيا سوي لج سكراااااب (( حطي عليه استكر وكتبي عليه لازم انظف عمري عددل حق بو الشباب))

يعني كل شي حطي عليه استكر وشجعي عمرررررج وان شاء الله تهتمين في عمرج وتكونين أحلى وحده في نظر ريلج سوووووري على الرسمه احسها مب مرتبه

^_^

دعواتكم بالتوفيق و الزووووووووووووووج الصالح

**Lipsy** · 2009-07-26, 02:50

اهم شي نشت الصبح والرياااضه صدق تغير النفسيه ودايمن خلي اشغالج في النهار والمسا تكون طلعات للاهل ولا كشتات ولامع صديقاتج.... بالتوفيييق.....اهم شي اتسوين الشي لنفسج انتي ....

**بـقـايا حـلمـ** · 2009-07-26, 03:23

البنات عنده أفكار حلوووه

**egret** · 2009-07-26, 10:51

ربي يوفقج

للرفع

**بنت الاقصى** · 2009-07-26, 13:04

الله يوفقك وما تخافيي دايما اول الزواج هيك لخبطه بلخبطه .... بس بمرور الوقت بتصيري انت ترتبي حالك وتهتمي وتعطي كل امر حقه

**Om 7aMda** · 2009-07-27, 09:49

مشكورات خواتي ...

اللي عندها جدول ترسلي اياه عشان استفيد اكثر

**أم_سواف** · 2009-07-27, 10:23

أختي ان شاء الله البنات ما يقصرون

بس انا حابه انصح نصيحه ثانيه ..

ابدا لا تقولين سلبياتج لريلج ..ابدا ابدا
يمكن هوه مب منتبهه ..لا تنبهينه ..
خذي النصيحه من أي حد إلا زوجج في هذي السوالف..
لازم تبرزين النقاط الايجابيه بس
و السلبي تخفينه عن عيونه ..
و الله ييسر أمورج ..

**الماركه شما** · 2009-07-27, 11:49

بالتوفيق

**الماركه شما** · 2009-07-27, 12:04

أهتمي بجسمج يعني الوقت الي تعرفين أنه ريلج ياي قومي قبلها بشوي أتسبحي وحطي من هالكريمات الحلوه واسبريهات الجسم وأتعطري وأتكشخي وألبسي بجايم أو كنادير دلع قصيرة أو طويله ورشي قبل ما يدخل ملطف للحجره ودخني الحجرة...

بالنسبة للبشرة..
سوي ماسلك روب مع كركم وخليه 10 دقايق وعقب حطي مرطب وأستخدمي على طول فازلين للشفايف.. استخدمي مقشر نيتروجينا .. وعقب رطبي البشرة و حطي على بشكل يومي مرطب للبشرة مع واقي للشمس ..لا تخلي ريلج الصبح يشوفيج الا نظيفه فنفسج أمسويه شعرج مب منكوش هههههه وحاطه كريم النهار مع مرطب للشفايف ..

بالنسبة للشعر..

لازم يكون لج على الاقل يوم أو يومين فالاسبوع أتسوين فيهم حمام زيت للشعر عشان يتغذى الشعر ..ويومين فالأسبوع تستشورين كل شعرج .. وباجي الاسبوع بس قصتج عشان ما يتضرر الشعر من الاستشوار.. غيري فتوك الشعر يوم مقبض عادي ويوم شباصه ويوم مقبض حرير يعني غيري ..

بالنسبة للبس..

أنصحج جدام الناس أتكونين على سنقت عشره يعني ألبسي ولا تتكلفي بس خلي عندج عباه للخروج حلوه وعباه للمناسبات غير وعباة السوق غير..مع شنطه ماركه حلوه مع بوك حلو ونعال لسوق غير وللطلعات للأهل غير وجيه.. وللبيت لبس ثاني يا بناطيل أو برمودات ترى فيه للأمتان بعد وكنادير قصيره بحمالات أو نص كلم ألوان فواتح ..
وبالنسبه للنوم مب على طول تلبسين قميص نوم مره جيه ومره بجامه مع شورت أو كندوره صغيره قطعه وحده بدون أندر وير ..

بالنسبه للعطور..

غيري العطور يعني عطر النهار غير وعطر الليل غير ويوم تبين ريلش حطي شي مميز اسبري أو كريم مع عطر ريحته هاديه مره وقويه مره فرنسي مره وعربي مره وعليج بالدخون والحلو انج اتخلين للأيام العاديه دخون ولأيام الاسبوع دخون ثاني عشان يبين التغير ..

وبالتوفيق ان شاء الله ربي يسعدج...

**الماركه شما** · 2009-07-27, 12:07

اتخلين للأيام العاديه دخون ولأيام الاسبوع دخون ثاني عشان يبين التغير ..

أقصد آخر الأسبوع دخون ثاني

**بيت البسكويت** · 2009-07-27, 12:57

المشاركة الأصلية كتبت بواسطة كول بيبي

شوووووفي بما ان الوحده مالها بارض شوفي شو تسوين !! الوصفه السحريه (( الاستيكرات ))

حطي لوشناتج في الحمام وحطي عليها ستيكر صغير كتبي عليهم ((حطي من اللوشن والا ريلج بيطفش ما يكسر خاطرج)) وبهالجمله يوم بتقرينها بتتشجعين تحطين منه سوي لج اشتراك في الصالون ادفعي فلووووس عشان تعرفين انج خسرتي سوي حمام زيييييت وبدكير ومنكير كل يوم الصبح اول ماتنشين سوي رياضهـ شويه واكلج خليه محدد لاتكثرين وااااااايد ستايلج غيريه بين فتره والثانيه حطي مكياج شوي (( حطي على المكياج استكر وكتبي عليهـ لازم بو الشباب يشوفني كاشخهـ لو شوي )) ثيابج كل مره لبسي شي مره كندوره مخوره مره جلابية بيت مره بجامه يعني غيري وشعرج سوي في ستايل يعني غيري لون الصبغه قصيه مره رفعيه مره خليه مفتووووووووح لبسي اكسسوارات يعني لاتقصرين على عمرج اسبوعيا سوي لج سكراااااب (( حطي عليه استكر وكتبي عليه لازم انظف عمري عددل حق بو الشباب))

يعني كل شي حطي عليه استكر وشجعي عمرررررج وان شاء الله تهتمين في عمرج وتكونين أحلى وحده في نظر ريلج سوووووري على الرسمه احسها مب مرتبه

^_^

دعواتكم بالتوفيق و الزووووووووووووووج الصالح

الموضوع: ساعدوني من خبرتكم ياصاحبات الحياه المنظمه :)

أدوات الموضوع

عرض

ساعدوني من خبرتكم ياصاحبات الحياه المنظمه :)

المزيد من آخر المواضيع من نفس القسم:

المواضيع المتشابهه

مشگلتي . . ! ف الحياه اول مره اگتبها لحد ؟ ساعدوني

ساعدوني بنات خبرتكم

ساعدوني أرجوكم من خبرتكم

ساعدوني من خبرتكم

ساعدوني في مجلس الرجال ياصاحبات الذوق