ابي مساعدتكم بليييز .. ما عرف شو اسوي..؟؟!!

[وناسه^^]

السلام عليكم ورحمة الله وبركاته..

بناااات انا طالبه مستجده قبلوني في جامعة الأمارات (علوم انسانية واجتماعيه) فحبيت اعرف شو التجهيزات للجامعه لأني انا ما اعرف السيستم مالهم كيف بكون ...
عندي اسئله وااااايده بخصوص الجامعه فبغيت منكم انتوا اللي عندكم خبره فهالجامعه واللي دارسين فيها من قبل تخبروني وان شاء الله ما بتقصرون ويايه..^^
اولا:
1- يستوي انا وثنتين من ربيعاتي نكون فغرفه وحده حتى لو التخصصات غير؟؟...لأني انا ما ابي اقعد مع بنات انا ما اعرفهن..><

2- شو الأغراض والأشياء اللي لازم ايبها وياي للسكن ؟؟ ومتى اييب اغراضي ؟؟ (مثلا اول يوم ولا لا)

3- شو اول شي لازم اسويه يوم اوصل هناك ؟؟ وين اروح على طول؟؟

4- بما اني مختاره علوم انسانيه واجتماعيه حبيت ادخل في مجال الأدب الأنجليزي او الترجمه .
هل هاذي التخصصات مطلوبه في مجال العمل ولا لا وبشو تنصحوني ؟؟

5- وين اقدر اشتغل يوم بخلص دراستي؟؟

6- حبيت اعرف اذا الجامعه يطلعون رحلات هالسوالف (ترفيهيه وعلميه)؟

7-بخصوص البيزات جم لازم اشل وياي اسبوعيا ؟

8- وهل السكن مريح ولا لا ، لأني واااايد سمعت انه السكن مبنى جديم ما يفتح النفس وانه غرفها وااايد صغيره والحمامات وصخه وجي ..>_< صح هالكلام ولا لا؟؟؟

9- هل التلفونات واللاب توبات بوكيمرا ممنوعه ولا لا؟

وبس

اتمنى انكم تفيدوني بخبراتكم السابقه وادري انكم ما بتقصرون ويايه

المزيد من آخر المواضيع من نفس القسم:

• استفسار عن جامعه
• استفسار عن جامعات رخيصة
• كلية الأفق جامعية ؟ شو رايكم فيها
• طردوني من كليات تقنية سؤال في مجال أرجع؟
• الجامعة الامريكية في دبي
• علوم البيئة أو التصميم الداخلي (((جامعة...
• بنات جامعة زايد وجامعة الشارقة استفسار
• طالبة وبتخرج .. استفسار ضروري
• Syria
• قبول الاجانب في معهد ابوظبي للتدريب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت الإمارات~]

- يستوي انا وثنتين من ربيعاتي نكون فغرفه وحده حتى لو التخصصات غير؟؟...لأني انا ما ابي اقعد مع بنات انا ما اعرفهن..><

يستوي حبوبه بس مب من أول اسبوع لانكم بتكونو موزعين على حسب التخصص .. انتي رمسي المدام مالتكم وقولي لها ..

2- شو الأغراض والأشياء اللي لازم ايبها وياي للسكن ؟؟ ومتى اييب اغراضي ؟؟ (مثلا اول يوم ولا لا)
كل شي حبوبه اللي تستخدمينه فبيتكم .. بتستخدمينه هناك واكثر .. اعتبريه بيتج الثاني
وعن الأغراض الثانيه حاولي اتقسمينهم .. مب كل هم من اول يوم ..

3- شو اول شي لازم اسويه يوم اوصل هناك ؟؟ وين اروح على طول؟؟

طبعا اول ماتوصلن هناكي بتييكم مشرفه وبتخبركم وبتتلعوزن شوي لين ماتحصلن غرفه وجي يعني .. لا تخافين هم بيدلونج ..

4- بما اني مختاره علوم انسانيه واجتماعيه حبيت ادخل في مجال الأدب الأنجليزي او الترجمه .
هل هاذي التخصصات مطلوبه في مجال العمل ولا لا وبشو تنصحوني ؟؟

لا باس فيه .. اوكي حلو

5- وين اقدر اشتغل يوم بخلص دراستي؟؟

والله ما عندي خلفيه بهالتخصص انشالله الأعضاء الثانيين يساعدونج..

6- حبيت اعرف اذا الجامعه يطلعون رحلات هالسوالف (ترفيهيه وعلميه)؟

نادرا

7-بخصوص البيزات جم لازم اشل وياي اسبوعيا ؟
بتسدج 200 درهم او 150 على حسب ميزانيتج .. ولا تشلين واايد بيزات وياج . ترا في بنات سراقات ..

8- وهل السكن مريح ولا لا ، لأني واااايد سمعت انه السكن مبنى جديم ما يفتح النفس وانه غرفها وااايد صغيره والحمامات وصخه وجي ..>_< صح هالكلام ولا لا؟؟؟

انتوا بتسكنون ف يسكن توام .. سكن تواااام من أرقى السكنات .. فلا تحااتين فيه ,,. أمى السكنات الثانيه مب شي

9- هل التلفونات واللاب توبات بوكيمرا ممنوعه ولا لا؟

طبعا .. ممنوعه لان فيها طرد



و السموحه ..

[وناسه^^]

16 مشاهده ومشاركه 1
:

[وناسه^^]

الله يسامحكم

[$ظي$]

هلا الغاليه طبعا ماقدرت اظهر بدون ماارد عليج

- يستوي انا وثنتين من ربيعاتي نكون فغرفه وحده حتى لو التخصصات غير؟؟...لأني انا ما ابي اقعد مع بنات انا ما اعرفهن..><

هيه يستوي خبري المدام الي في مبناج وان شاء الله هي بتوافق وبتساعدج وطبعا الحجره تكفي ل3 بنات

2- شو الأغراض والأشياء اللي لازم ايبها وياي للسكن ؟؟ ومتى اييب اغراضي ؟؟ (مثلا اول يوم ولا لا)

اكيد من اول يوم لازم تيبين وياج كل اغراضج الي تستخدمينها في البيت نفس ماقالت الاخت اعتبريه بيتج الثاني
صح يبي وياج لحاف وشراشف يديده وخليه حج السكن ويوم تروحين شليه لبيتكم وغسليه وطبعا اغراض الحمام يبيه وياج كامل واشتري معقم ديتول او منديل حج الحمام يعني يبي كل شي وياج حتى نعال الحمام ومنديل الحمام يبيه وياج خخخخ

3- شو اول شي لازم اسويه يوم اوصل هناك ؟؟ وين اروح على طول؟؟

طبعا اول ماتوصلين بيكون هناك مشرفات وطالبات بيرشدونكم وبيوزعونكم في عدة مباني حسب كليتج هذا الي اذكره

4- بما اني مختاره علوم انسانيه واجتماعيه حبيت ادخل في مجال الأدب الأنجليزي او الترجمه .
هل هاذي التخصصات مطلوبه في مجال العمل ولا لا وبشو تنصحوني ؟؟

سمحيلي ماعرف لان من كلية الادارة والاقتصاد فما عندي فكرة عن تخصص الترجمه والادب الانجليزي

5- وين اقدر اشتغل يوم بخلص دراستي؟؟
ماعرف سمحيلي

6- حبيت اعرف اذا الجامعه يطلعون رحلات هالسوالف (ترفيهيه وعلميه)؟

الاغلب تكون رحلات علميه اكثر عن الترفيهيه

7-بخصوص البيزات جم لازم اشل وياي اسبوعيا ؟

بيكفيج 200 او 250 حسب ميزانيتج

8- وهل السكن مريح ولا لا ، لأني واااايد سمعت انه السكن مبنى جديم ما يفتح النفس وانه غرفها وااايد صغيره والحمامات وصخه وجي ..>_< صح هالكلام ولا لا؟؟؟

بالنسبه لي مب مهم الحجره اذا كانت صغيره ولا كبيره كان اهم شي عندي نظافه الحمام واكون متفقه ويه بنات حجرتي هذا اهم شي .

9- هل التلفونات واللاب توبات بوكيمرا ممنوعه ولا لا؟

اكيد ممنوع وبين فتره وفتره يسون تفتيش حج البنات الي عندهم موبايل بكاميرا واذا حصلوا وحده عندها فبيطردونها .

[~ العاش ~]

مـآعندي فكرهـ .


وما شاء الله البنات ما قصرن .

[missprojects]

السلام عليكم ورحمة الله تعالى وبركاته

للرفع

Upppppppppp

[وناسه^^]

ثانكس وما تقصرن ^^