مليت

**اسعد اللحظات** · 2009-07-22, 01:16

مرحبا بنات والله اني مليت من جسمي الي ايلوع بالجبد ومليت من تعليقات الناس على جسمي مع اني جميلة تراني ما امدح عمري وهذا راي الناس فيني قبل ما ادخل الجامعة كان وزني63 واتخيلو الحين وزني صار93 وانا من اليوم بادية الرجيم عبارة عن (على فكرة كنت صايمة) قطعة صغنونة كيك مع لبن وساعة12كلت 5تمرات مع لبن والله خاطري اضعف واصير 60 كيلو ادعولي انشاءالله اضعف الان هالشي امسببلي ازمة

المزيد من آخر المواضيع من نفس القسم:

**Miss fat** · 2009-07-22, 01:34

اااااااه ياختي الحال من بعضه

انا مشكلتي اني قصيرة فوزني المثالي بالخمسين
وانا افـ بدايه السبعين يعني يبالي اطيح حوالي 15 كيلوو

الله يعيييييين

**اسعد اللحظات** · 2009-07-22, 01:38

احمدي ربج انتي اهون عني بس يبالنا تشجيع ونوصل الوزن الي نبية يالله بنات تشجيع تشجيع

**التاجرة المتألقة** · 2009-07-22, 01:50

الله يوفقكم ان شاء الله وتنزلون من اوزانكم وتفتكون

**صراخ الصمت** · 2009-07-22, 01:50

موفقه اختي اسعد اللحظات
تصدقين انا شراتج متنت وااايد عقب ما دخلت الجامعه كله من اكل الكافيهات و الفاست فود

عافانا الله حتى الريوق كرواسون كله زبده آآآآآآآآآآآآآآ ه يا قلبي
وما حسيت على عمري الا الحينه عقب ما تخرجت هالكورس
انشاء الله نضعف ونشجع بعض انا باديه رياضه من اسبوع تقريبا بس خايفه اوزن عقب انصدم هههه

مشكلتي شرات اختي miss fat الطوووووووووووووووول انا وايد قصيره

يالله انشاء الله نضعف

**الطرفالذبوحي** · 2009-07-22, 01:58

والله المشكله الاساسيه هي الجامعه

كلنا متنا من دشينا الجامعه

الله يعين والله

**صمتووه** · 2009-07-22, 02:16

خخخ صدق والله هالجامعه خربت حياتنا رغم انا نمشي من السكن للكليه

بس من الرد نزط بهالاكل من التعب

يلا ان شالله تضعفووون بس خلو ارادتكم قويه

فكرو لجدام يوم تضعفون كيف يتغبر شكلنكن وكيف تاخذيت قياسات غير عن الي كنتي تاخذينها

واذا عجبتج بدله ما بتقولي ما بتوز لي لاني دبه بالعكس يوم تضعفين تاخذينها وتكشخين غير عن كل مره

يلا شدي حيلج وانا وياكم وان شالله نضعف كلنااا

**اسعد اللحظات** · 2009-07-22, 04:13

شكرا بنات شجعتوني وايد والله اني اتحمست شورايكم نبدى برجيم البطاطا المشوية يعني تاكلن بس بطاط مشوي وبأي كمية بدون اضافة ملح اواي شيء اخر غير الليمون وروب قليل الدسم وها الرجيم انا سامعة عنة ايضعف كيلو في اليوم وانشاءالله من باجر ببدى بسوي ها الرجيم ملاحظة(ممنوع اكل الخضروات والفواكة وشرب العصائر) فقط الشاي الاخضروالماء او الخلطات الطبيعية

**KFK-GRL** · 2009-07-22, 06:24

الله يوفقج يارب
وان شااء الله
مع الاراده وارياضه
بتوصلنين للوزن المطلووب

بس اهم شي تاكلين اكل صحي

**ميمي الشقية** · 2009-07-22, 07:17

يا رب الله يوفقج و تنزيلين لين 60 بصحه وعافيه

مسيرة الالف ميل تبدا بخطوة

**اسعد اللحظات** · 2009-07-23, 00:41

شكرا بنات على التشجيع

الموضوع: مليت

أدوات الموضوع

عرض

مليت

المزيد من آخر المواضيع من نفس القسم:

المواضيع المتشابهه

تعبت من حياتي مليت والله مليت فوق ما تتصورون

مليت مليت غداانااا . . ابغي شي بديل

مليت مليت غداانااا . . ابغي شي بديل

خلاص مليت مليت مليت... حالتي ميؤوس منها..ادخلن وشورن علي..