عقب الاربعين..

[عذب الاثير]

هلا خواتي

انا عقب اسبوع بخلص الاربعين وبرد بيت ريلي وانا ناويه اشترك ف نادي واسوي رياضه لني متنت شوي انزين وين المشكله

المشكله

اني انا عقب ما ربيت بفتره قصيره خليت حرمه تمسحني وهي قالتلي لا تسوين رياضه الا عقب شهرين لنه الحوض مفتوح عندي وقالتلي انتي بعدج ع الرياضه يعني عقب العيد ابدأ اسوي

وريلي حاشرني يقولي يوم بتردين البيت اباج مثل ما كنتي قبل يعني مثل ما خذتج ويقولي الكرشه مب شي ع الحرمه حلاتها وهي ضعيفه انزين يوم قلته اني انا بشترك ف نادي عقب شهرين قالي لا آخر هالشهر اتسيرين واتسجلين ف نادي الحين انا ماعرف شو اسوي وامي اتقولي لا تسمعين كلامه باجر اذا استوابج شي نحن اللي بنحاتيج عقب سوي رياضه مب وقته الحين


السؤال: عادي عقب الاربعين اسير اسجل ف نادي ولا لازم اصبر شوي واذا صبرت كم المده يعني ؟؟

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[UAEGIRL08]

اول شي : الحمدلله على السلامه ومبروك عليج البيبي

حبيبتي انا ملقوفه ،، بس عندي خبره من اللي اشوفه جدامي اختي وحريم اخواني ،،، مممم ،، اعتقد لو تصبرين شوي يكون احسن لين ما يرد الرحم مكانه والحوض يرد حجمه الطبيعي ،،

وان شاء الله اكون فدتج ،، والسموحه

[Um_Mahrah]

اذا الحوض عندج نازل ومفتوح ما انصحج .. لانه ويا الرياضة بينزل اكثر ومب زين

استمري علىى المساج ... بطرشلج رقم وحدة تسوي مساج تنحيف .. انا عندي 3 بنات .. والحمدالله الكرشة راحت

هاي الله يسلمج وحدة سيلانية اتيج البيت اتسوي مساج تنحيف بس بصراحة وااااااااااااااااااااايد اوكي ... سويه لمدة شهر بس بشرط البسي المشد الاندونيسي ... وبتدعينلي

ما ابا امدح نفسي ... بس انت جربي اللي اقولج عليه .. وحاليا لاتسوين رياضة ...
والحمدالله على سلامتج

[اسيره الليل]

انا بعد ما انصحج اتسوين اذا الحوض عندج نازل اتريي فتره ع الاقل

[cute soul]

ام مهره فديتج بغيت الرقم

[بنوته كفالي]

ماقصرو البنات

بس عندي لج نصيحه احسن شي اسألي دكتورتج او اعرضي عمرج على طبيبة نساء ... خليها تفحصج وتشوف هل وضعج يسمح رياضه او لا .......


دعواتكم

[أم عبوود]

أول شي حمدالله على السلامه وانصحج تمشين بكلام الحرمه لاحقه ع الرياضه


أم مهره فديتج ابا الرقم اذا من ابوظبي والا العين

[عذب الاثير]

بارك الله فيكم خواتي

[Um_Mahrah]

اللي تبا الرقم بطرشلها على الخاص

واللي حابة تعرف عنها .. هيهي سيلانية .. بس مسلمة اسمها ريم .. ساكنة في دبي - مردف .. تمسح ب 130 في اليوم .. واذا بتسير الشارجة تاخذ 150 ... تمسح المرابي وتسوي مساج تنحيف ... بس عندها زيت ريحته خااااااااااااااااااااااااااايسة ... خاص للمساج .. بس انا كنت استخدم الزيت مالي زيت زيتون ..

بس اللي بتسوي عندها لاازم تربط المشد الاندونيسي .. مساج بس ماينفع لازم تربطين بطنج عشان يشد .. وانا عن نفسي استفدت واااااااااايد

[عاشقة العنابي]

اختيه عادي اسوي لاني مربيه بعملية والحين مكملة شهرين بس

[بنت الغول]

[QUOTE=بنوته كفالي;14349908]ماقصرو البنات

بس عندي لج نصيحه احسن شي اسألي دكتورتج او اعرضي عمرج على طبيبة نساء ... خليها تفحصج وتشوف هل وضعج يسمح رياضه او لا .......

[Um_Mahrah]

اختيه عادي اسوي لاني مربيه بعملية والحين مكملة شهرين بس

اذكر انها سوت حق ربيعتي مربية قيصرية ... بعد 3 شهور وضعفت واااااااااااااااااايد

[softqueen]

من وين هالسيلانيه وياريت الرقم

[cute uae]

اذا الحوض عندج نازل ومفتوح ما انصحج .. لانه ويا الرياضة بينزل اكثر ومب زين

استمري علىى المساج ... بطرشلج رقم وحدة تسوي مساج تنحيف .. انا عندي 3 بنات .. والحمدالله الكرشة راحت

هاي الله يسلمج وحدة سيلانية اتيج البيت اتسوي مساج تنحيف بس بصراحة وااااااااااااااااااااايد اوكي ... سويه لمدة شهر بس بشرط البسي المشد الاندونيسي ... وبتدعينلي

ما ابا امدح نفسي ... بس انت جربي اللي اقولج عليه .. وحاليا لاتسوين رياضة ...
والحمدالله على سلامتج

وين مكانها .. بغيت رقمها

[هيل و زعفرانه]

اللي تبا الرقم بطرشلها على الخاص

واللي حابة تعرف عنها .. هيهي سيلانية .. بس مسلمة اسمها ريم .. ساكنة في دبي - مردف .. تمسح ب 130 في اليوم .. واذا بتسير الشارجة تاخذ 150 ... تمسح المرابي وتسوي مساج تنحيف ... بس عندها زيت ريحته خااااااااااااااااااااااااااايسة ... خاص للمساج .. بس انا كنت استخدم الزيت مالي زيت زيتون ..

بس اللي بتسوي عندها لاازم تربط المشد الاندونيسي .. مساج بس ماينفع لازم تربطين بطنج عشان يشد .. وانا عن نفسي استفدت واااااااااايد

أختي كمره لازم تمسح وممكن الرقم