محتآرة .. و مآ أعرف وين أدرس و شو أدرس .!

**Pheno-m-enon** · 2009-07-17, 22:34

فديتج ليش معقده عمرج؟ ليش يعني؟ كل اللي دشوا التقنية مش شطار..!

موول ما يخصه.. ما شا الله كانوا ويانا بنات دشوا التقنية و جامعة زايد و هم طالعين الأوائل ع الدولة..!

ماحس إنه هذا منطق

و انتي لازم تفكرين و تستخيرين و تشوفين شو اللي تحبينه و اقربلج و يكون له مستقبل

و في التقنية وااايد شي تخصصات حلوة و هم يبون خريجات التقنية لانها الانجلش مالهم قوي و عندهم امتيازات زينة

فاسالي عن التخصصات اللي في التقنية

عندج اشعة و صيدلة.. و انا الصراحة خريجة صيدلة و شهر 8 ببدا البكالريوس ان شا الله ^___^ و للعلم انا اداوم من شهر 12 ^___^

و عندج التعليم بس انتي ما تبينه.. غير ها عندج بزنس بكل تخصصاته

اختي تخصصت موارد بشريه.. و الحمد الله حصلت شغل بسرعة و راتبها قوي ما شا الله

و كل الاماكن يبون موارد بشريه لانها اساس اي مؤسسة سواء خاصه او حكومية ^__^

و ربي يوفقج يا رب في اي شي بتختارينه

المزيد من آخر المواضيع من نفس القسم:

**سـآرهـ** · 2009-07-17, 22:44

نسبتـج وايد حلوهـ مااشاءالله عقباالنـآ .,,

بالتوفيـــق اختي

انتي دشي مواقع جآمعـآت وشوفي تخصصاتهم ..,

وأحس نسبتج احسن من انج ادشين تقنيـه

خريجـه جامعه غير عن خريجــه تقنيهـ ..,!

**الأماني** · 2009-07-17, 22:54

اول شي مبروك على التخرج و النسبهـ ،،

ثاني شي اختاري أكثر مكان انتي مرتاحه له و عقب صلي استخاره ،،

امم ماعرف وايد عن نظام الجامعات ،، لاني في التقنيه

بس اللي متأكده منه إنه شهاده التقنيه مطلوبه أكثر للشغل

خاصه انج تدربين في فتره دراستج و الانجلش يكون أقوى

و سؤالج عن الموارد البشريه ،، هذا يندرج تحت البزنس

واللي اعرفه انه تخصص مطلوب ،، اعرف بنات و هم يدرسون كانوا يتصلون فيهم حق الشغل

الهندسه تخصص وايد حلوو ،، بس انتي مب مقتنعه
لاني اشوف بنات الهندسه في الكليه وايد يمدحون تخصصهم

ان شاءالله افدتج ،، و القرار لج في النهايه

ربي يوفقج ^^

**&أصاله&** · 2009-07-18, 01:19

مبرووووك النجاح

أختي أنا ادرس بمعهد أبوظبي للتدربي المهني .. وأدرس تخصص اNetworking> .. دراسه المعهد دبلووم وأكثر تخصص ربيعاتي داشينه هو تخصص "الموارد البشريه" وشيء تخصصات كثير وجديد هذي بعضهن :

قانون"محاماه" ,إعــلام ,تصميم أزياء ومجوهرات , ديكور داخلي , سياحه فنادق "هذا كثيــــر مرغوووب" اخوي وهو هالسنه مخلص راح يتخصص فيه بدأية 9..

وبس
واتمنى لج التوفيق بإختيارج واذا حابه اي سؤال او استفسار طرشيلي ع الخاص..

**منطوق قلبها** · 2009-07-18, 01:53

up

up

up

**صغيرونة البيت** · 2009-07-18, 02:07

مممممم هلا اختيه
مابغيت امر على موضوعج وماارد فيه

انا بنت جامعة الامارات.. الجامعه مليانه تخصصات حلووه
بخبرج عن تخصصي
هو لغويات عامه
يعني ندرس اللغه من ناحية المعنى والتشبيه وكيف تاثر في المجتمعات والامراض وندرس مخرجات الصوت بحت
ممم يعني قولي ندرس قواعد اهم اللغات .. اولهم الانجليزي والعربي وبتدرسين عن الهندي والتركي والخ بشكل مبسط جدا وعام

ربي يوفقج حبيبتي ودعواتي لج

**uae334** · 2009-07-18, 04:43

وانا بعد من جاامعه الامارات وبززيد ع كلام اختي ان التخصصااات متووفره بشكل كبير ف كل كليه للجامعه

اكثر عن الجامعات والكلياات وهااشي ايجابي بحيث انج تختاارين اللي تبينه وماتنجبرين شي عسب انه هب متووفر !!

وانا اللي مستغرربه منه انج ماسجلتي ف جامعه الامارات .. يعني نسبتج يبين انج شااطره !!

فنصييحه اختي حااولي تسيرين وتسجليين ف الجاامعه وان شاء الله يقبلوونج وصدقيني مابتندميين

وف الاخييير بتكونين خريجه جامعه الاماارات وهي بحد ذااتهاا شهااده ^^

اي سوال انا حااااااضره ^^

**Pheno-m-enon** · 2009-07-18, 10:26

المشاركة الأصلية كتبت بواسطة فراوله858

همممم .. زين شو سآلفة آلموآرد آلبشرية ؟! .. و تحت أي كلية يندرج ؟! .. ياليت بس لو تعطيني معلومآت أكثر عن هآلتخصص .!

مثل مآ قلت .. مآ عندي حد الجأ له .!

يندرج تحت البزنس و اسمه Human Resources

الصراحة اختي وايد تحب تخصصها و كانت تستمتع فيه.. و تدرسين كل شي.. من الاكاونتنج للتسويق

عسب جيه يبونهم.. يعني يعرفون في كل شي

**Im Here** · 2009-07-18, 14:40

الغالية انا كنت علمي وودخلت جامعة زايد وتخصصي علاقات عامة ودعاية واعلان ووايد حلوو هالمجال وهالتخصص مطلووب وايد في سووق العمل

**حلوه بكيفي** · 2009-07-18, 14:56

up

up

up

**أتعبني غلاهـ** · 2009-07-18, 15:05

مبرووكـ خيتووو ع النجآح والنسبة الحلوة هذي !

حرام عليــج خيتوو إنتي علمي و شطوورة ,,

ليش ما تدخلين تخصص حلو و مطلوب بنفس الوقت لن المجال عندج وااسع ,,

انتي مالج غير الجامعــة و تخصصاتها العلمية ,,

مثل :" الهندسة بفروعها " << لا تقولي مب مال حريم ,, بالعكس بتكونين إنسانة مطلوبة بكل مكان خاصة إن بلادنا بحاجة لكوادر مواطنة و تعاني من نقص شديد في المهندسين !

" الطب " + الــ IT + العلوم بفروعها ^^

فكري بشي انتي تحسي بميل تجاهه و إن شاء الله ترتاحين للشي الي يناسبج ,,

ربي يوفقج و يحفظج ^_^

الموضوع: محتآرة .. و مآ أعرف وين أدرس و شو أدرس .!

أدوات الموضوع

عرض

المزيد من آخر المواضيع من نفس القسم:

المواضيع المتشابهه

أبي أدرس..بس مش لاقيه الأماكن

أدرس ولا لا ؟؟؟؟؟؟؟؟؟؟

أريد أدرس

اريد أدرس والله العظيم أريد أدرس