هدايا الولاده

**وفاء 2006** · 2009-07-17, 21:41

مساء الخير على كل الحوامل والوالدات
شفت ها الموضوع في واحد من المنتديات وعجبني صراحه حبيت أنا نسولف فيه
طبعا الكل يعرف ان الهدية للمولود شي متعارف عليه من زمان من أيام جداتنا حتى يعني مو شي جديد
بس طبعا أختلفت من ذاك الزمن لهذا الزمن في النوعيه والكمية وطريقة التقديم وقتها
يعني من زمان كانوا مثلا يهدوا الوالده : غرشة سمن / ساعات دجاجه / ماعز على حسب
طبعا في حد يهدي ملابس / ذهب / فلوس / بعضهم يهديها بعد الولاده بأسبوع / في ناس يهدون بعد الأربعين( في الطلوع يعني وطبعا كانت هناك تغيرات من سنه لسنه على حسب الماديه وتوفر الأشياء ومدي القرب
تعالوا خلونا ندردش في الهدايا :
1 أغلى هديه وصلتش في ولاده ؟ طبعا لا أقصد الناحيه الماديه
2هديه ما عجبتش ؟ أو ما ستفدتي منها ؟
3 هديه نرفزتش خلتش تقولي لو ما يات كان أبرك ؟ ( وفي 2،3 ) لاتذكري اللي يابها اوصلته بك
4 من ذكريات الأولين في عيلتكم شوحصلوا هدايا
وببتدي بنفسي
1- أغلى هديه وصلتني من جاره من جنسيه عربيه على قد حالها في وحده من بناتي عباره عن اسوارتيين ذهب بس اللي غلاها في قلبي زيارتها لي قبل كل اقاربي اللي ما زاروني الا بعد شهر
وبعضهم ما زارني علشان ما يتعوبوني أما هي كانت تطبخ في بيتها وتأكلني الله يطريها بألف خير
2- الهدايا الجاهزه في المحلات وكانت في فتره من الفترات هي الموضه أو ألعاب وكراسي للأطفال
فكانت عبأ تخذ مكان وانا في عاده ما حب أهدي الا شي خفيف كذهب أو مبلغ أسهل للحمل وافيد
بس ساعات كنت احمل معي من هذي الهدايا بعد ما أعيد تغليفها
3 علبة شكولاته منتهية الصلاحية وتكررت مرتين من نفس الشخص
4- امي تقول أبرك هديه وصلتهنا يوم كانت والده في غنمه صغيره ربتها وولدت لها قطيع أغنام
ماشاء الله / وكانت من أخت جدتي / نفس الهديه جات لإبني من جدتي بس لما صار عمره ثلاث سنوات
وماشاء الله كانت بركه علينا

يا الله يا حلوات ابي تفاعل حلو

المزيد من آخر المواضيع من نفس القسم:

**رنج ابيض** · 2009-07-17, 23:34

هلا

ممممم انا اكثر الهدايا تكون مفيده يعني الملابس - عربه الياهل

اعتقد الهدايا اللي تنفع هي اللي اقدر استهلكها مده طويله

احب الهدايا العملية مثل عربه الياهل - اليلاسة -منز صغير

وطبعا كل الهدايا حلوة بس فيه هدايا اذكر كانت تييني بس ما استخدمها وانساها والياهل يكبر بسرعه خخخخخخ

مثل الملابس ما بلحق البسه كل الملابس خاصه اني في اول بنوته يتني هدايا من ربع ريلي خخخخ واااايد

وكانت ملابس والقياسات خبصه حخخخخخ حليلهم مايعرفون

وحتى اخت ريلي يابتلي ملابس من البحرين بس حرام كلهم لبست البيبي مرة او مرتين بس

**منـــاة الروح** · 2009-07-18, 10:31

للرفع

**قوافي** · 2009-07-18, 10:52

ان شاء الله يوم بربي بالسلامه بخبركم شو الهدايا الي عيبتني أكثر وإستفدت منها

**وفاء 2006** · 2009-07-18, 18:02

المشاركة الأصلية كتبت بواسطة رنج ابيض

هلا

ممممم انا اكثر الهدايا تكون مفيده يعني الملابس - عربه الياهل

اعتقد الهدايا اللي تنفع هي اللي اقدر استهلكها مده طويله

احب الهدايا العملية مثل عربه الياهل - اليلاسة -منز صغير

وطبعا كل الهدايا حلوة بس فيه هدايا اذكر كانت تييني بس ما استخدمها وانساها والياهل يكبر بسرعه خخخخخخ

مثل الملابس ما بلحق البسه كل الملابس خاصه اني في اول بنوته يتني هدايا من ربع ريلي خخخخ واااايد

وكانت ملابس والقياسات خبصه حخخخخخ حليلهم مايعرفون

وحتى اخت ريلي يابتلي ملابس من البحرين بس حرام كلهم لبست البيبي مرة او مرتين بس

مشكوره على التفاعل

**وفاء 2006** · 2009-07-18, 18:03

المشاركة الأصلية كتبت بواسطة قوافي

ان شاء الله يوم بربي بالسلامه بخبركم شو الهدايا الي عيبتني أكثر وإستفدت منها

أن شاء الله تقومي بالسلامه

الموضوع: هدايا الولاده

أدوات الموضوع

عرض

هدايا الولاده

المزيد من آخر المواضيع من نفس القسم:

المواضيع المتشابهه

هدايا هدايا هدايا ...... المجموعة الخامسة

هدايا للأزواج . . . هدايا منوعه و مميزه . . . هدايا المواليد مع أم فجر

%%%% المجموعة الثانية من هدايا % هدايا % هدايا لأغلى الناس بعد اختفاء الصور

%%%% المجموعة الثانية من هدايا % هدايا % هدايا لأغلى الناس %%%

& هدايا & هدايا &هدايا & لاغلى الناس&