التصوير الثلاثي الأبعاد

**رنج ابيض** · 2009-07-17, 17:13

هلا كروشات طبعا مثل ماقريتوا من العنوان

حابه أعرف منو سوت هالتصوير؟

وفي أي شهر بين جنس البيبي ؟

وكم مرة سوته وهل من تجربتها سبب اثار ؟

يعني اللي مجربه تذكر تجربتها وشو رأيها فيه ؟

المزيد من آخر المواضيع من نفس القسم:

**buss-girl** · 2009-07-17, 17:22

وانا وياج رنجوه اتريا رد البنات

**رنج ابيض** · 2009-07-17, 17:25

فيه دكتور أردني مشهور شفت في الموقع. ماله صور تجنن وأعضاء البيبي واضحه
وهالشي خبلني وخلاني أبا عرف منو مجربه

**๔ـيون السواهي** · 2009-07-17, 17:48

.................up
up

**رنج ابيض** · 2009-07-17, 17:52

عيون السؤاهي

ثانكس على الرفع حبوبه

**kity** · 2009-07-17, 17:57

للرفع

**ميروووه** · 2009-07-17, 18:05

انا بعد ابا اعرف وين ايسون هالتصوير دخيلكن خواتي لي اتعرف اتخبرنا ...

ميرووووه

**دانة العين** · 2009-07-17, 19:17

الغاليه رنج ابيض دامج من العين روحي عند الدكتوره رخاء الكيلاني عندها هالجهاز.. انا جربته بولدي الثاني... التصوير خباااااال.. كأنج تدخلين داخل بطنج خخخخخ.. حلوه هاي.. يعني اتراويج الياهل كامل و تطبع لج صور اذا طلبتي .. انا طبعت لي صورة الويه وبعد كان نايم بطريقه حاط ريل على ريل و طبعت لي ياها.. المهم عطتني صور حلوه الصراحه وانا امووووت فهالسوالف وللحين محتفظه فيهم و الله اتعرفين كيف بيطلع شكل ولدج قبل لا اتربين.. ونااااسه

بس كل ما كبر الحمل كل ما كانت الصور اوضح.. اذكر مره رحتلها وكان ويه الياهل عدال المشيمه و ما قدرت تاخذله صوره حلوه اتبين ملامحه.. المهم انصحكم اتجربونه وانشالله اول ما ارجع البلاد سيده بروح عندها عشان اتأكد من جنس البيبي و اطبع لي كم صوره و بالنسبه لهالنوع من التصوير اظني تدفعين 300 او 400 درهم لأن عيادتها مب مع الضمان..

صح نسيت بالنسبه للآثار تراه تصوير عادي ما ياثر ولا شي.. و بالنسبه لجنس الجنين المفروض ايبين من الاسبوع 12 بس مرات حسب و ضعية الياهل انا رحت هني عند دكتوره فرنسيه و انا حالياً ف الاسبوع الـ 14 و قالت مب واضح عندها.. بس رخا وااايد شاطره فهالسوالف ماشالله عليها..

**هنوده1** · 2009-07-17, 19:23

حابه أعرف منو سوت هالتصوير؟

سويته عند الدكتوره نهى شومان فدبي

وفي أي شهر بين جنس البيبي ؟

فالأسبوع 18 على ما أذكر وينصح فيه فالأسبوع العشرين على ما أعتقد لأنه البيبي بعده ما ماخذ كل حجم الرحم وواضح بس المشكله أن البيبي يكون جلد على عظم يعني خسف خخخ فا أدري أحس أحسن فنهاية الشهر السابع تقريبا وأسألي الدكتوره أحسن
وكم مرة سوته وهل من تجربتها سبب اثار ؟

سويته مرتين وما أعتقد له آثار جانبية ولا جان ما سووووه

يعني اللي مجربه تذكر تجربتها وشو رأيها فيه

تجربه حلوه بس لو يكون البيبي كبير شوي بيكون أحسن بعد ما توضح ملامحه ويبدأ يخزن الدهون فجسمه وويهه بيكون أحلى وأوضح

**الأمورة الحلوة** · 2009-07-17, 19:46

روحي أي عيادة خاصة بس المهم تكون عيادة معروفة
أنا أسير عند دكتوري أشرف معوض في مستشفى انجاب بالشارقة وعنده هالتصوير وايد أوكي

**رنوووووي** · 2009-07-17, 20:24

فكره حلوه يزاكن الله الف خير

**عروس الليل** · 2009-07-17, 21:20

اختي الغاليه انا قالت لي الدكتوره يفضل بعد الشهر السادس لانه في احتمال بسيط جدا لاثار جانبيه على النونو
علشان جه انا ما سويته بس الحين انا في السابع بس ما اعرف عند منو في راس الخيمه سويه

**رنج ابيض** · 2009-07-17, 21:20

دانه العين

هنودة

الأمورة الحلوة

مشكورات حبيباتي على مشاركتكم لي تجربتكم الحلوة
أنا الاسبوع الياي بدخل الرابع
وان شإلله بروح أسوي
شجعتوني على الفكرة الحلوة
تسلمون

***متميزة*** · 2009-07-18, 01:16

للرفع

**سجايا المنى** · 2009-07-18, 01:25

هلا الغاليه في عيادة متخصصة في مدينة دبي الطبية اسمها عيادة علم أمراض الأجنه ، للدكتور الألماني من أصل ايراني بول ميرزا بصراحه ارقى عيادة تصوير بنظام الثري دي بس هالعياده عادة يراجعونها الحريم اللي كانت عندهن حالات تشوه للجنين سابقاً الله يحفظ أجنتكم من كل مكروه وبصراحه دكتووووووووووووووووور بول شاطر وخبير وأسعاره غاليه شوي ، طبعاً ممكن تروحين مع ريلج ويفصص الكم البيبي طبعا جهازه موصول بشاشة عرض ويسالكم اذا تبغون تعرفون جنس الجنين واذا كنتوا حابين هالشي يراويج الاجهزه التناسليه عشان تتأكدين ويعطيج سي دي فيه الشرح كامل

الموضوع: التصوير الثلاثي الأبعاد

أدوات الموضوع

عرض