معا للرشاقة بعد الولادة

**سوود_الهدب** · 2009-07-17, 15:10

مرحبا بنات..

مثل ما تعرفون الوحده عقب الولاده جسمها يخترب و اذا ما تلاحقت عمرها بتم جي على طول و صعب تنزل وزنها.. عشان جي انا حابه افيد كل الحريم اللي ربن من جريب و يبن يضعفن و بنشجع بعض..

انا البارحه سرت عند دكتورة تغذيه و سوتلي رجيم.. و طبعه هذا الرجيم حق اللي ترضع و قالتلي ما دام انج ترضعين بتنزلين بسرعه.. و ما بيأثر على الحليب ..

في اشياء اساسيه لازم تسوينها كل يوم ..
اول شي لازم تشربين على الاقل 3 ليتر ماي كل يوم
و في اليوم الواحد مسموح بس 2 ملعقه صغيره سكر
و لازم تمشين نص ساعه 5 مرات في الاسبوع
و تاكلين حبتين تمر و ماي عقب كل رضعه... و قالتلي اهم شي تنظمين رضاعتج كل ساعتين او 3 ساعات .. و لازم ما تهملين اي وجبه...
الرجيم هو:
الريوق:
2 توست او خبزه صغيره او صمون واحد مع 2 ملعقة طعام لبنه او 2 قطعة جبنه بيضاء او بيضه مسلوقه( البيض مرتين في الاسبوع بس ) او شريحة جبنه قليلة الدسم مع خضار قد ما تبين .. يعني خيار طمام خس الخ

و بين الريوق و الغداء تاكلين 2 حبة فاكهة حجم وسط + كوب حليب قليل الدسم

الغداء:
ا ملعقة سكب ( ملاس) نشويات او نص خبزه صغيرة + خضار قد ما تبين+ (لحم/دجاج/سمك) مشوي بحجم كف اليد (بدون الاصابع.. يعني راحة اليد)

و بين الغداء و العشاء تاكلين حبتين فواكه حجم وسط

العشاء:
2 توست او 1 خبزه صغيرة
1 كوب لبن او 1 صدر دجاج مشوي او كوب فول او 1 قطعة همبرجر مشوي او 3 شرائح حبش او 2 ملعقة طعام حمص او 3 حبات فلافل او 1 علبة تونا بدون زيت
خضار قد ما تبين

ا كوب حليب قليل الدسم

**************************************
النشويات هي : ارز معكرونه عدس حمص فول ذره بطاطا بازيلا فاصوليا بيضاء شمندر جزر مسلوق

انا بديت الرجيم من اليوم و اللي حاب يبدا ويايه حياه الله ^_^

المزيد من آخر المواضيع من نفس القسم:

**رقيقة** · 2009-07-17, 15:41

الله ايسهل عليج

شدي حيلج الغلا

^_^

وان شاء الله تضعفين

**دلوعة زوجي** · 2009-07-17, 15:56

موووفقه الغااااااااليه

**شـوق الامارات** · 2009-07-17, 17:16

يالله اهم شي المشي^^

**لحظة حزن** · 2009-07-17, 17:25

مشكور عزيزتي انا انشاء الله بحاول امشي على الريجيم

**banota.a7** · 2009-07-17, 22:47

يلا الغلا ..

وياج ..

وربيـ ـ يوفقنا ..

**سوود_الهدب** · 2009-07-23, 15:08

مرحبا بنات .. بغيت اقولكم اني نزلت اربعه كيلو!!!!!! تخيلووو مع اني باديه الرجيم من اسبوع بس.. و دوووم شبعانه!!

بس المشكله هالاسبوع ما مشيت .. ان شاء الله الاسبوع الياي بمشي و بخبركم كم نزلت.. يااااي وايد مستانسه.. ما كنت اتوقع انزل هالكثر
ادعولي اوصل للوزن اللي اباه

**الدانه المنصو** · 2009-07-23, 15:17

ماشااااااااااااااااااااااااااااالله والله اوكي

الصراحه تحمسينا لأنج ملتزمه

ياحااااااااااااااااااااافظ علللللللللللللليج خيتو

يالله انا وراج وراج

وبتابعج أول بأول

**خجوله** · 2009-07-23, 16:07

ماشااااااااااااااااااااااااااااالله والله اوكي

الصراحه تحمسينا لأنج ملتزمه

ياحااااااااااااااااااااافظ علللللللللللللليج خيتو

يالله انا وراج وراج

**بـراءة** · 2009-07-23, 16:15

انا معاج من باجر بنظام ومن اليوم في المشي

ورح ادخل كل يوام
وحااابه اشكرج على الموضوع الي جاااااااااااى في وقته
سلمتي الغاليه
مودتي

**بـراءة** · 2009-07-23, 17:58

رجعت لج
انا وزني 81
وطولي 150 قصيرررررره

لزم لي رجيم والحييييييين بروح امشي
ان شاءالله من باجر ببتدي في رجيم
ياريت تكتبي يومياتك
وتخبريني متى الميزاااااااااااااان

**بـراءة** · 2009-07-23, 18:52

مشيت الحين 20 دقيقه

الحمد الله...,,,,,

**mousy** · 2009-07-23, 21:33

أناااااا بـعد وياكم,,,
أنا مربية من إسبوعين,,,, خلاااااااص باجر ببدأ وياكم

حاليااا وزني 77
وطولي 156

يباااالي شغل ,,, صح

لوووول ^_*

أنا من راااايي كل وحده فينا تكتب كم نزلت كل إسبوع

شووو الراي؟؟؟

دمتم بود

أم سارة

**mousy** · 2009-07-23, 21:46

أووووووه نســــيت

مشـــــكووووووورة ع الموضــــوع الغــــلا

**بـراءة** · 2009-07-24, 11:02

هلا ام ساره

فكرتج حلوه بس لزم نلتزم بلجدول والمشي

ومبروك ماجاااااج

بس بنات بلييييييييييز خلو الموضوع حماس وتشجيع

الموضوع: معا للرشاقة بعد الولادة

أدوات الموضوع

عرض

معا للرشاقة بعد الولادة

المزيد من آخر المواضيع من نفس القسم:

المواضيع المتشابهه

بشو تنصحونى ...استمر على دوامى بعد الولادة او استقيل واجابل عيالى بعد الولادة

مشد أمريكى لما بعد الولادة (طبيعية او قيصرية) توصى به جميع مستشفيات الولادة الامريكية

مرحبا حوامل...ياليت كل وحدة تدخل و تقول شو خطتها للرشاقة بعد الولادة...

الحوامل وحديثات الولادة ادخلو للاستفادة @@ طرق العناية بالطفل حديث الولادة@@

قبل الولادة ... تمارين للرشاقة وتخفيف آلام المخاض