علاقتي مع ريلي

**lo0ola27** · 2009-07-09, 02:18

السلام عليكم خوااااااااتي

الحمدالله عرست وعدى العرس على خير .. وملجتنا كانت قبل العرس بيووم

بس للأسف ماكنت اعرفه عدل ولا اعرف كيف طبايعه .. الصراحة وايد تفاجئت بطبايعه بعد العرس ماتوقعت انه راح يكوون جي .. ريلي طلع انسان معقد وعصبي لدرجة فظيعه .. انا قالولي انه عصبي بس ما توقعت لهدرجة .. كلهم يقولون لي اصبري وان شاء الله بتغير بس يا ناس محد يعرف شو اللي يستوي بين الريال وحرمته غيرهم هم بس ..

بعدني ما كلمت شهرين ريلي يهددني بالطلاق .. يدور علي سبب بس عشان يتضارب وياي .. واحسه متغايظ ومنقهر عشان مب محصل سبب يضاربني فيه فعشان جي يضاربني على اتفه الاسباب ..

بقولكم موقف سخيف تافه ..

مرة ريلي كان ويا ربعه يتمشون وريل اختي كان وياهم
رد البيت متأخر تقريبا ع الساعه 5 الفير ...

من كثر ما كنت احاتيه .. ارتحت يوم شفته وصل بالسلامة وما قلت شي بس سألته ليش اتأخرت لين هالوقت قالي كان شي حادث في الدرب وتمينا نطلع الريال من الحادث وجي

وثاني يوم ما قلت له شي

لين بعد يومين اختيه اتصلت فيني وقالت لي اسألي ريلج شخبار الريال اللي طلعتو من الحادث والسالفه ومافيها انه ريلي طلع جذاب .. جذب علي بسالفة الحادث وانا ما قلت له شي وانا واختي كنا عادي نسولف ونضحك عليهم ... بس يوم خبرته اختيه تسألك شخبار الريال اللي طلعتو من الحادث .. قام وعصب وضاربني ليش اختج جي اتقول هاي تبي تخرب من بينا وتبي تسوي مشاكل مع اني ما اتنازعت ولا قلت له شي .. تنازع وسبني وما خله كلمة ما قالها عني واتصل لاختي وتنازع وياهاا وسبني جدامهاا وقالي بطلقج جدامهاا حتى قالي روحي البسي عباتج بوديج بيت اهلج وورقة الطلاق بتوصلج اهناك ..

وانا طول الوقت مصدومة منه .. ابي اعرف الحين شو صار
لا انا اتنزاعت معاه ولا اختي سبته ..
بس جي قام يحتشر وبتنازع .. وعلى فكرة هذا مواقف من وايد مواقف استوت معاي

مع ذالك صابرة ومتحملتنه ومتحملة طبايعه لانه هذا واجبي كزوجة بس هو مب مستعد يتحمل طبايعي
يباني اغير كل شي فيني .. حتى شكلي مب عايبنه .. دوم ينتقدني .. يدور علي زلة وسبب .. حتى ريحتي ما عايبتنه .. اونه انتي ما تتنظفين عدل مع اني دوم اهتم بهالسوالف واهلي يعرفوني كيف ..
واهله مستانسين علي واايد ويمحدون في اخلاقي جدامه بس والله هالشي ما يبين في عينه .. حتى ابوه الشيبه مستانس ومرتاح وياي .. ومع ذالك ما يبين في عينه

من كثر ما اسمع كلمة الطلاق على لسانه .. خلاص عفته .. بس قد ما اقدر ما احط في خاطري عشان اقدر اعيش وياااه .. اطنشه قد ما اقدر واعامله باحسن ما هو يعاملني

كيف اقدر اعيش مع انسان مستعد يتخلى عني في اي لحظة ولاتفه الاسباب .. قولولي كيف ؟؟

بتقولون اصبري وهذا نصيبج

الحمدالله صابرة وشاكرة ربي وراضيه بنصيبي ..
والله مب عارفة شو اقوول اكثر .. عندي واااايد كلام ووايد مواقف بس هاا اللي طلع مني

والسموحة ..

بس ابي رايكم لا اكثر ودعواتكم ربي لا خلاني منكم

وداعة الله .. !

المزيد من آخر المواضيع من نفس القسم:

**MISS_STYLE** · 2009-07-09, 02:24

فديتج والله ... شو بتسوين بعد ، ماكنتي تعرفين ان اهو جيه ..
عورني قلبي يوم شفت توقيعج .. المفروض تكون هاي أحلى أيام حياتج >.<

عليج بالصبر ، وحاولي تفهمينه وتحتوينه ... هم جيه الرياييل ألغااااااز ..
بيتغير مع الوقت صدقيني ..

الله يعينج..

**دلوعتهـ^.^** · 2009-07-09, 02:27

اختي انا ابا اعرف شي انا اشوف توقيعج ها الشي من شهر يعني انتي معرسه من شهر .. ؟ ؟

**ام رشوودي** · 2009-07-09, 02:30

اكثري من الاستغفار

**دلوعتهـ^.^** · 2009-07-09, 02:32

اختي حبيبتي انتي ف بداايه عرسج ..
ماعليه اصبري وحاولي تغيرينه يعني بعد مب ممعقوله تبين تنفصلين وتوج شهر .. ؟ ؟
يمكن هو يبا يعودج على اسلوب معين ..
وايد رياييل جي ع بالهم انه لو كانو جافين ومب رومنسين مع الحرمه انههم بيتحمون فيها وبتخاف منهم والخ
بس موضوع انه ينتقدج ردي رمسيه فيه بهدواه ..
قوليله فلان عالاقل خل تفاهم بيينا اتفاهمووو رمسيه قوليله انج تنجرحين من هالرمسه
قولي كل الي فخاطرج عشان يعرف ..
والله يسعدج يا ربي

**ms calm** · 2009-07-09, 02:32

المفروض كلمة طلاق ما تنقال ابدا بين الزوجين !

**ميثه العامري** · 2009-07-09, 02:34

لا حول ولا قوه الا بالله ,, احس بعضهم ما يبين شي في عينهم

ما بقولج غيري اسلوبج للاسوء بعد مب حلوه اهلــه بينقدوون وبيقولون شو غيرهاا بعد ما كانت زينه

تحملي يمكن مع الايام يتغير

كان الله في عونج

**برميتي** · 2009-07-09, 02:38

صلي الإستخاره وتشاوري وياأهلج في الموضوع وشوفي هم شو يقولون ؟؟؟؟؟؟؟؟؟؟
وحطي بالج على نفسج ولا تحاولين تستفزينه

**lo0ola27** · 2009-07-09, 02:46

المشاركة الأصلية كتبت بواسطة MISS_STYLE

فديتج والله ... شو بتسوين بعد ، ماكنتي تعرفين ان اهو جيه ..
عورني قلبي يوم شفت توقيعج .. المفروض تكون هاي أحلى أيام حياتج >.<

عليج بالصبر ، وحاولي تفهمينه وتحتوينه ... هم جيه الرياييل ألغااااااز ..
بيتغير مع الوقت صدقيني ..

الله يعينج..

تسلمين حبيبتي ع المرور ..

الله المستعاان

**lo0ola27** · 2009-07-09, 02:47

المشاركة الأصلية كتبت بواسطة دلوعتهـ^.^

اختي انا ابا اعرف شي انا اشوف توقيعج ها الشي من شهر يعني انتي معرسه من شهر .. ؟ ؟

جريب بكمل الشهرين .. ؟؟

**عشان الحب** · 2009-07-09, 02:51

حبيبتي والله ..
ماتستاهليييين...

الله يهدييييه ..ويخلييييييه يحبببببببج موووووووووووووووت يااااارب...

وربي يسر أموووورج الغاليه....

**lo0ola27** · 2009-07-09, 02:52

المشاركة الأصلية كتبت بواسطة دلوعتهـ^.^

اختي حبيبتي انتي ف بداايه عرسج ..
ماعليه اصبري وحاولي تغيرينه يعني بعد مب ممعقوله تبين تنفصلين وتوج شهر .. ؟ ؟
يمكن هو يبا يعودج على اسلوب معين ..
وايد رياييل جي ع بالهم انه لو كانو جافين ومب رومنسين مع الحرمه انههم بيتحمون فيها وبتخاف منهم والخ
بس موضوع انه ينتقدج ردي رمسيه فيه بهدواه ..
قوليله فلان عالاقل خل تفاهم بيينا اتفاهمووو رمسيه قوليله انج تنجرحين من هالرمسه
قولي كل الي فخاطرج عشان يعرف ..
والله يسعدج يا ربي

قاعدة احاول بطيب معاملتي معااه .. مب مقصرة وياه بمشاعري مع انه يتبخل بمشاعره معاي

والحمدالله ما افكر موول اني انفصل عنه .. افكر في امي وابوي واهله اللي صاروو مني وفيني

المشكلة هو محطي في باله وواثق انه ما راح يتغير .. ومع ذالك ما احط كلامه في بالي

لاني رب العالمين مغير الاحوال

**lo0ola27** · 2009-07-09, 03:00

فعلا غييييير يوم تكونين في بيت اهلج معززة ومكرمة ..واهلج ما يقصرون عليج بشي وواثقين منج في كل خطوة تخطينها في حياتج .. وفجأة تتغير حياتج يوم تعرسين وتعشين حياه عكس اللي عشتيها قبل .. ذل وشك ومعاير وسب

والله ساعات صج يحز بخاطري واذكر ابوي كيف كان يعاملني وما قصر علي بشي حتى اذا سألته شي وما قدر يعطيني اياه بس ثاني ما ينساني على يعطيني اللي ابااه ..

فديت باباتي والله ربي يحفظه ويخليه لنا يارب

اللهم لك الحمد كما ينبغي لجلال وجهك ولعظيم سلطانك

الحمدالله
الحمدالله
الحمدالله على كل حال

**بنت الماجدي** · 2009-07-09, 03:01

الله يعينج فديتج

مع الوقت بيتغير صدقيني

أكثري من الاستغفار والدعاء حبيبتي

**شوق الدار** · 2009-07-09, 03:03

لا حول ولا قوة الا بالله الله يعينج ويصبرج وعسى الله يسخر لج ريلج ويجعله احبلج من نفسج يارب امييين

الموضوع: علاقتي مع ريلي

أدوات الموضوع

عرض

علاقتي مع ريلي

المزيد من آخر المواضيع من نفس القسم:

المواضيع المتشابهه

علاقتي مع ريلي ! أبا نصيحه من المتزوجات =(

علاقتي مع زوجاتي اخي

علاقتي ويا الوالد.......؟؟؟؟شو اسوي......؟؟؟

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش