بنتي و الشغالة ساعدوووووني

[alward1240]

خواتي .. يا أمهات..أنا أحتاج مساعدتكن..

أنا عندي ولد و توأم بنات ربي يحفظلي اياهم يجننوون فديتهم ...ولديه فديته لاصق فيني و في أبوه يعني عادي ما عندي مشكله معاه.. البنات لانهن توأم كل وحده لها شخصيتها هن عسل و محلاهن يوم يلعبن.. المشكلة اللي أعانيها إن وحده من البنات واااااااااايد متعلقة في شغالتها لدرجة اذا قلت جدامها:" جانيت سافرت فلبين" اللي هي الخدامة....بنتي تبدأ تصييييييييح و ما تسكت إلا اذا يبتلها حلاوة أو غيرت الموضوع .. حاولت أخليها دايما معايا و اذا طلعت اشلها معايا..اريد طريقة أو نصيحة كيف أخليها تنساها أو تبعد عنها.. ؟؟؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لـيديUAE]

لا تكبرين الموضوع
كل اليهال يحبون الناني
ويوم اتسافر يزعلون شوي
وينسون
الام هي اللى اتم معزتها دوم

[تويينز]

الله يحفظهم فدييييتهم
الخير عندنا وعندج
انا بعد عندي بنتين توم وولد
بس المشكله الولد متعلق بالخدامه وعمره سنه ونص فديته
بس البنات ماشالله 7 سينين الحمد لله فاهمات

[عسولة حبيبها]

ما شاء الله عليهم الله يخليهم لج ويطرح فيهم لبركه والخير ان شاء الله

انا بعدني ما تزوجت بس ولد اختي كان نفس الشئ متعلق بالخدامه بشكل فضيع نفس الشئ لو حد قاله الخدامه سافرت يصيح يعني نفس حالت بنتج بالضبط وبعد ما سافرت قعد اسبوع كل يوم يصيح ويدورها بس مع الوقت نساها الحين عمره 3 سنين وحتى ما صار ايب طاريها ورجع يتعلق بامه مع انه عنده شغاله ثانيه يعني انتي باسلوبج تقدرين تخلينها تستغنى عنها وتنسينها اياها
الله يهديهم لج ويحفظهم

[جورى1977]

حبيبتي هم اليهال جذه اتعرفين حتى لو سافرت الخدامة بتصيح فترة وبتنسى انا بنت اختي كانت نفس بنتج بس بعدين عادي تنسى الله يعينج
قبل فترة سافرت خدامتهم وكانت الخدامة اتصيح جدامهم تمت بنت اختي تصيح كل يوم سالتها امها ليش اتصيحين قالت اتذكر الخدامة يوم كانت اتصيح غمضتني
ربي لا تذرني فردا وانت خير الوارثين رببي لا تحرمني من نعمة العيال وسماع كلمة {ماما} اللهم آآآآآآآمين

[أم فزاع]

انا اغار الصراحه..
ولا بخلي الخدامه تلمسهم .. ما اتخيل..

انا بيتوتيه لدرجه فضيعه بس يبت الخدامه لاني حامل ومحتاجتها تنظف البيت وتكوي.. تخسي تلمس العيال وهي تموت في العيال.. بس ما اثق في الخدم ابدا حتى لو تصلي مئة صلاه في اليوم.. سامحوني عالكلام..

[بنوته18]

الله يعييييييييييينج

[ms calm]

انا اغار الصراحه..
ولا بخلي الخدامه تلمسهم .. ما اتخيل..

انا بيتوتيه لدرجه فضيعه بس يبت الخدامه لاني حامل ومحتاجتها تنظف البيت وتكوي.. تخسي تلمس العيال وهي تموت في العيال.. بس ما اثق في الخدم ابدا حتى لو تصلي مئة صلاه في اليوم.. سامحوني عالكلام..

صدقج !
الولد ما يتعلق فالخدامه الا اذا كنتي دايما مخلتنه عندها !
مع احترامي .. الام هي اللي المفروض تكون مع عيالها .. البشكاره للتنظيف و الكوي و الاكل .. ما عليه تخلينها تشرف ع عيالج و هم يلعبون او تراقبهم .. لكن اني اعق عيالي ع البشكاره تاكلهم و تشربهم و ترقدهم كيف ما بيتعلقون فيها ؟؟؟

[بنت العلالي]

انا بعد بنتي بو السنه والنص كانت وايد متعلقه بالخدامه بس يوم سافرت تقريبا من اسبوع نستها

[ام احمدوه]

حبيبتي عادي لا تحاتين
انا بنتي كانت متعلقه في الشغاله مع انه انا اربع وعشرين ساعه وياها بس علشان توديها الدكان وتيسلس وياهم في الالعاب
بس من سافرت ولا سألو عنها ولا سوو لها سالفه