وضعي من سيئ لأسوء بخسر حياتي بسبب العصبية

[شوشو2006]

السلام عليكم حريم

بادخل في الموضوع على طول لان والله نفسيتي موووول تعبانة

انا حامل في شهري الاول وثاني حمل لي

بس هالمرة غييييييير عن قبل وااااايد عصبية

ومب قادرة اتاقلم مع حد حتى ولدي الصغير مايقدر يلمسني

على طول اعصب واضربة وانا في يوم من الايام مستحيل اقولة كلمة او اكدرة

واليوم اربعة وعشرين ساعة ينضرب

اما ريلي المسكين حدث ولا حرج مب قادرة اتحمل اي تصرف منه والغيرة

مرة ضاربه حدها خاصة ان ريلي عنده حرمة ثانية غيري يعني شريجة

وانا يالستله على الصغيرة والكبيرة مع حرمتة

انا صدق غيورة بس ماكانت توصل لهالمرحلة يابنات انا مقهورة من حالي والله

مب عايبني الي يصير وماريد اخسر ريلي او تصير مشكلة بيني وبينه

بس مب قادرة ادنات الدون يضيقبي وما اتذكر الا الاشياء الي مب زينه شوة اسوي

عشان اكون هادية ويطوف حمالي علي خير دخيلكم نصحوني خبروني باي طريقة او اي شي

اسويى بس ارد مثل قبل اكون هادية وحبوبة مثل ماتعود علي قبل

خاصة ان هالحمال مايا بالسهولة واسمحولي اذا اسلوبي ماكان راقي

ويزاكن الله الف خير ...

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[miss amal]

عادي حبيبتي تتعرض الحامل احيانا لضغوطات بسبب اختلال الهرمونات فالجسم .. في فتره الحمل تكون الحامل اكثر عصبيه وحساسيه من الاحوال العاديه .. لكن انتي حاولي تتغلبين على هذا الامر اذكري الله.. ولدج ضناج مسكين شو ذنبه ينضرب بسبب هرموناتج..

من تحسين بعمرج ضايقه اظهري غيري جو سيري عند اهلج .. اشغلي نفسج في الامور المنزليه.. بهوايه معينه مثل الرسم تهدي الاعصاب او الرياضه الخفيفه

والله يكون في عونج الغاليه

[Reem Alnuaimi]

الله يهون عليييج اختي كسرتي خاطري

[روح البدر]

انا انصحج تخبرين ريلج عن وضعج الحالي ... وتخبرينه انه هالعصبية بسبت الحمال بس لازم تنتبهين على عمرج وعلى هالياهل اللي عندج حرااااااااااااااام ينضرب كل ساعة واحين
غيري جو وسيري عند اهلج او صديقاتج وان شاء الله امورج بتكون بخير وتتصلح مع مرور الشهور الاولى

[um sheikha]

عزيزتي هذا الأمر إلي تمرين فيه طبيعي
أنا مثلج .. هذا حملي الثاني بس بعد 11 سنه ويتني هالحاله من بدا عندي الوحام بعد الأسبوع السابع من الحمل
وريلي وبنتي الله يحفظهم إليه أستحملوني لين أخر يوم من الوحام .. وكانوا ياخذون الأمر بروح رياضيه لانهم عارفين هذا هب طبعي معاهم ..والحمدلله رجعت لطبيعتي بعد ما نتهى لوحام .
بالنسبه لولدج خافي الله فيه مسكين هذا صغير وجسمه ما يستحمل الضرب عزيزتي ولا يعرف الحاله إلي تمرين فيها .
الله يهون عليج الغاليه ويتمملج حملج على خير .

[بهلولة]

اولا غمضني ولدج الصغير...لانه ينضرب
ثم غمضني جنينج...لانه بيتضرر من هالعصبية وخاصة انج بالشهور الاولى
ثم غمضتني صحتج...لان العصبية ما بتيبلج غير امراض الحمل مثل الضغط والسكري
واخيرا غمضني ريلج.... (مو وايد غمضني لانه عنده زوجه ثانيه خخخخخ)

فديتج انا بحملي الاولاني كنت واااايد عصبية ..الين ما ياني الضغط وللاسف الضغط استمر معاي حتى بعد الولاده

بالمختصر ما في شي يسوى

[شوشو_24]

كوني ريلاكس عزيزتي كل وحده منا تتنرفز من ابسط شي يوم تكون حاااامل

حتى انا مب طاايقه لانفسي ولاغيري يوم احمل بس شسوي الله كريم

استحملي الغاااليه واضبطي اعصاابج ترى ولدج ماله ذنب ...

اتجهي للاشيا اللي تخليج مستانسه وناسيه العصبيه

الدمووع بعد اتريح انا يوم اصيح ارتاااااااااح والله يصبرنا ياااااااااااااااارب

[شوشو_24]

اولا غمضني ولدج الصغير...لانه ينضرب
ثم غمضني جنينج...لانه بيتضرر من هالعصبية وخاصة انج بالشهور الاولى
ثم غمضتني صحتج...لان العصبية ما بتيبلج غير امراض الحمل مثل الضغط والسكري
واخيرا غمضني ريلج.... (مو وايد غمضني لانه عنده زوجه ثانيه خخخخخ)

فديتج انا بحملي الاولاني كنت واااايد عصبية ..الين ما ياني الضغط وللاسف الضغط استمر معاي حتى بعد الولاده

بالمختصر ما في شي يسوى

صح

انا ارتفع ضغطي من العصبيه بالحمل الاول

وياخوفي يرتفع بعد هالحمل لأني اتنرفز واعصب ساعات

[دلوعة_ابوها]

يالله ذكرتيني بحملي

انا حملت على طول من تزوجت يعني ما كملت شهرين من زواجي إلا و حملت
و تصدقين كنت بتطلق اكثر من مره من عصبيتي و المشاكل اللي كنت اسويها

بس الحمدلله عقب 4 شهور خفيت وااايد و ام ريلي فهمته انه اللي فيني وحام

سرت قعدت عند اهلي و كنت اظهر كل يوم عسب اغير المووووود

[ونة اشعاري]

الغاليه كل ماحسيتي اعصابج تعبانه اذكري الله واستغفري صدقيني اعصابج بتهدأ
هاي كلها من تغيرات الهرمونات في فترة الحمل ..

بس حاولي تغيرين هالشي فيج انتي مب بكيفج بس تقدرين تغيرين .. خبري ريلج ان اللي فيج بسبب الحمل وغيري جو
ودوم اقري قرآن واستغفري ربج .. ودوري الاشياء اللي تفرحج .. غيري من شكلج عشان نفسيج تتغير ..
قصي شعرج مثلاً وتحني ( بس بشرط تكون الحنا طبيعية مافيها مواد كيماويه ) ..
عشان نفسيتج اتكون هاديه .. ترا اي تغير في الجسم يغير من نفسية الانسان

وحطي في بالج شغله .. ابعدي عن الاشياء اللي تزعجج لان عيالج هم المتضررين حراااام
ولدج بيتعقد وبيكره المولود اليديد بعدين .. والجنين بيأثر فيه نفسيتج وااااااااااايد بالذات في الشهور الاولى .. وانتي بيرتفع عندج الضغط مب زيييين

لانج تفرزين له ماده هرمونية نتيجة عصبيتج وهالشي فيه خطوره عليه .. لا سمح الله
نفسية الحاااااااامل اهم شي

وايد استوت نفس هالحالات واخر شي الياهل طلع فيه مرض التوحد ووووغيره بعيد الشر عنه ..

خذي نفس واذكري الله وان شاء الله هي فتررره وتعدي بس محتاج منج شوية صبر وارادة
والله يتمم حملج على خير ..

[صوت المحب]

الله يهون عليييج

[العامرية 1]

أسمعيني ولاتزعلين مني خافي الله في هالياهل لي تضربينه 24ساعة حراام عليج من غيرتج على ريلج تمين تضربين هالمسكين والله أني صحت من القهر والله حرام كيف تقدرين كيف قلبج يطاوعج أقري قرآن خلي قناة القرآن الكريم 24ساعة مفتوحه في البيت سيري عند الطبيبة وخبريها أمسكي ريلج وتفاهمي معاه سوي أي شي بي وقفي من ضرب هالطفل لي ماله ذنب لافيج ولافي ريلج ولافي شريكتج ولافي حملج لاتزعلين مني بس أنا أعرف أنه كل هذا لي أنتي فيه من الغيرة تبغين تلفتين أنتباه ريلج وتمين تضربين الولد صح تذكري أنه ضناج الغالي لي ماحد يسواه وعلى فكرة أنا كنت اعرف وحده نفس الشي كانت وايد تغار على ريلها ومن يطلع من البيت تفسر ضيقتها في ولدها لي عمر مايتعدي 3 سنوات تضربه على أتفه الأسباب وبعدين هدت وتغير الحال والولد كبر بس لين ألحين مانسى دوم يقولها أمي كنت أكرهج يوم كنت صغير لأنج كنتي تضربيني تبغين ولدج يكرهج على سبب أشياء المفروض تكونين تعوديتي عليها

[روح الماضي]

انا في هالحمل جيه واااااااااااااايد كنت اعصب وكل يوم مشاكل ويا ريلي .... بس الله هداني وتميت استغفر وااااااايد الحمدلله الله ريحني واموري تعدلت اللهم لك الحمد...
كثري من الاستغفار حبوبه بنية الراحه والهدوء....

[بنت الزيودي]

فديتج انا كنت شراتج عصبيه وكله اصيح بس اتحكم بعصابي
وفكر بالياهل لانه ماله ذنب

[fashions]

طبيعيييييييييييييي جدا ان الحامل تمر بكل اللي تمر فيه .. انا لأن الدوره تأخرت علي بسبب الهرمونات مش علشاني حامل .. تلاقيني معصبه ومتنرفزه وحالتي حاله .. اشلون لو كنت حامل اتوقع قلبت عليهم البيت
انتي سوي لنفسك ريلكس حطي ولدك عند امك او اهلك او اختك لمدة يومين استرخي فيها .. وريحي اعصابك وخلي كل الاجواء هدوووووووووء حوالينك واحتسبي الاجر ..