الدكتوره كاميليا

**ام ميار** · 2009-06-08, 18:53

مرحبا خواتي
بالنسبه لدكتوره كاميليا كيف علاجها للتكيس اوكي او لا
وين عنوانها بالضبط وتعالج على بطاقه ثقه ؟؟؟
وكيف اسعارها وعندها زحمه نفس اوراس او لا ؟

اسفه وايد اسأل .هههههههه

المزيد من آخر المواضيع من نفس القسم:

**حبيته بجنون** · 2009-06-08, 19:43

الدكتوره كاميليا فنانه في العلاج وماتخليج تخافين وماتهول الامور مثل باجي الدكتورات
مكانها في الشارجه بجانب فندق فندق الملينيوم بـ 3 بنايات (برج الشراع) الدور التاسع-مركز الامير الطبي
وانا حاليا اتعالج عندها وكل اموري صارت تمااام التمام والحمدلله وعندي موعد معاها باذان الله يوم الخميس الياي علشان تشوف عندي حجم البويضات....
بالنسبه لثقه...هي ماتعالج بثقه واسعارها عاديه ومعقوله واي شي تراها بتسويه لج يستاهل اللي بتدفعينه لانه شغلها نظيف وصريحه لابعد الحدود وماتخوف المريضه عندها وتطمنج على كل شارده ووارده..وفوق كل ها التصوير عندها ملون وتشوفين كل شي بوضوح تام بدون اي وشوشه ^^
انا يوم اروح لها ماحصل زحمه على طول ادخل واخذ راحتي بالاسئله معاها عشان اتطمن اكثر واكثر...

ان شاء الله اكون افدتج

**ام ميار** · 2009-06-08, 19:52

مشكورررررره اختي وماقصرتي كفيتي وفيتي ان شاءالله اسير لها وانا حامل هالشهر يارب العالمين واشوفج عندها .

**حبيته بجنون** · 2009-06-08, 20:37

آمين يااااارب والله يرزقني ويرزقج ويرزق كل محرومه ياااااارب

**الروزة الحمرا** · 2009-06-10, 11:40

يا الغاليه حبيت اسأل انتي كان عندك تكيس وتعالجتي عندها وكم ليج تتعالجين وشو طريقة العلاج

**ام ميار** · 2009-06-10, 14:10

مرحبا اختي الروزة
انا ماسرت عندها بعدي بس كنت اسأل عنها الخوات في المنتدى ...

**حبيته بجنون** · 2009-06-10, 22:55

المشاركة الأصلية كتبت بواسطة الروزة الحمرا

يا الغاليه حبيت اسأل انتي كان عندك تكيس وتعالجتي عندها وكم ليج تتعالجين وشو طريقة العلاج

انا كان عندي تكيس بس الحمدلله طمنتني انه التكيس مب شي خطير مثل ما احنا متصورات
قالت لي الطب تقدم ومشيئة الله وفق كل شي...
وحده قلبها كله طيبه وحنيه وماتخوفج ولا تهول الامور
شو تبين اكثر من جيه؟؟

نصيحتي لج روحي لها وعسى ربي يقدم اللي فيه الخير لج

وانا موعدي باجر عندها وعسى خير يااارب

**bnt uae** · 2009-06-11, 04:00

شو اسم العياااااااااااااااااااااااده وين مكااانهااا بظبط ف الشااااااااارجه

**بنت الزيودي** · 2009-06-11, 15:27

الخوات فادوج انا انصحج تروحي عندها

**UM_RSHOODEE** · 2009-06-12, 00:29

انا عن تجربة كل قريباتي وياها ما انصحج تروحين عندها وقبل هالمرة تكلمت عنها في موضوع ثاني

**رووررريت** · 2009-06-12, 01:27

تسلمين ع المعلومات الكافيه اللهم ارزقني الذريه الصالحه" "ربي لاتذرني فردا" وانت خير الوارثين"

**أم اليمامة** · 2009-06-12, 15:50

ربي لا تذرني فردا وانت خير الوارثين

**أنا مسلمه** · 2009-06-13, 03:57

عزيزتي عن تجربه لو فيج تكيس سوي حجامه وبتشفين منه تماما ...

الحمدلله سويت الحجامه وماشاء الله شفيت منه تماما وكثير من بنات المنتدى بفضل الله

**طالبةالعلم** · 2009-08-09, 22:14

ما شاء الله
بالتوفيق الغالية
وربي يرزقج كل الخير

**دمـعے العيونے** · 2009-08-09, 23:02

ربي لا تذرني فردا وانت خير الوارثين

الموضوع: الدكتوره كاميليا

أدوات الموضوع

عرض