تجـــربتــي ورحلـــتي و موضـــوعي البسيط...عن إيـران...^.^...!!

[خاآتون]

السلاآم عليكم ورحمة الله وبركاتـه


اليـــوم بكــتب لكـــم تـجـربتـي البسيـطه عن بعـض مـدن الإيـران ... انا سافرت لها قبـل 3 سنـوات او أكـثر تقريـبا ... واللي اذكـره راآح اكـتب و ان شاء الله مـا بقصـر معـاكم ... بس للأسف صـور اللي كنت مصوره مـو مـوجودين ...


ف البدايـه خـذنا تذاكر حـق جـزيرة القـشم اللي كل اهاليها اخلاآق و ذووق و اسلوب ... والتذاكر كانت للشخص ب 450 درهم فقط ... و تمينا كم يوم ف الجـزيره ...

جـزيرة القـــشم الجـو شراآتنا تقريبا ... يكون حــار و اهاليها سنن ... و تبعد نص سـاعه بالطياره عن امارات ... و موجـود فيها مجمعـات تجـاريه ...>>1-بازار ستـاره...2-خليج فارس...3- برديـس مول ...4-فردوسي سنتـر ... و امكان سياحيه ثانيه ...شراآت 1-غار خربس...2-جنغل حرا...3-سينما دريا ...4-بارك زيتوون... و غيـره
و من هناآك روحـنا بندر عباس رقمنـا سيارتنـا و خلصـنا اجراءات السيـاره ...لانه كنا بنروح بسيارتنا ...

مع خاآلي روحنا اللي اكثر من مره مساآفر ورايح هناك...ماشاءالله يدل كل مكان و يعرف عنهم زيين مازيين ...

و من بندر عباس رحنا يزد ... يزد مدينه معروفه حق العلاآج اذا سامعين عنها ... و سكنا فندق جميييييييييييل مره ... (ياريت لو كان عندي الصور ) ... المهم رحنا مدن كثـيره ... بقولكم عن احلاها اللي شفت...

يـزد مافيها شي ترى ... عاآدي و نفس ما قتلكم عيادات ومستشفيات اللي بتحصلين انواع الجنسيات هناك ...

والحـين بقولـكم عن اصفـهان ... وماادراكم ما هي الاصفهان ... ع قولتـهم >>>>

اصفهــــــــــان نـصــــــــــف جـــــــــــهـآن...^.^....!!....(جهان يعني االعالم..))

واللاهي الاصفهان حـــــــــــلوه مــــــــــــــره ...عن جد كشخه ... فيها اماكن سياحيه وااايد و احلى شي انه تحصلين كل انواع الجنسيات هنااك ... تخيلووا روحنا المتحف شفنـا اجانب ... انصدمت ....ولا بعد مستانسين و شادين حيلـهم مع كاميراتهم ... و شنطهم ... رحنا سكنا ف فندق ... الصبح لما نشينا رحنا مطعم الفندق نتـريـق جاآن انحصل.......................؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟!!!!!!!!!!!!!!!!!...؟... شباآااااااااااااااااااااب uae.... ويا لهوؤي... وتخيلـووا طلع واآحد منـهم ريـل بنت عمتي ...عاآد هاآي صدمـــه قويــــه ... تموا الاهل يسلمون عليهم و ها وين رحتوا و وين رايحين و شو شو و......

المهم تـريقنـا و طلعنا يلسنا ف الممر نتريا الباقي... ولا اشوف وحده اجنبيه يالسه مع بنتها ... يا الله شو حلوه بنتها ...واآحد سألـها انتي من وين .... تقول انا من فرنسـا... يااعيني شو يابج من فرنسا هني ... المهم تريقنا وكل شي و جهزنا و طلعنا ع الطبيعتهم و الجو الحلووو اماكنهم الحلوه ...بحط لكم صور من منتديات ثانيه و النت لاني ماعندي صور...المهم و نحن فالليل رادين اشوف وحده و واحد ايدينهم ببعض و ضحك و سوالف ...

و ياااا ويلــي كويتـيه مع ريلـها ... ياآيين شهر العسل ... واكانوا ساكنين نفس الفندق... تمينا يمكن 3 ايام و عقب روحنا ...تحركنا ... كنا بنروح كردستان و انشوف جمال كردستان ... اهاليها سنن و حتى يكرهون الشيعه بعد...طبعا يمكن ليلتن او ثلاث فالدرب ...روحنـا ياسوج و تمينا هناك ليله و عقبها روحنا سنندج ...ياالله شو رووووعه ...عن جد كشـخه ... في مكان ف سنندج اسمه آبيـدر ...تروحين فوق الجبااال و من فوق لما اتشوفين كشخه ... تحصلين العاب بنص الجبل ...يعني و انتي تصعدين فوق ماتشوفين من فوق تشوفين ...كانه لغـز ماعرفنا كيف انروح له و في مسجد بعد بنص ...و قدرنا نوصل عند المسيـد و خيمـنا هناك ..الجوو باااارد و فوق الجبال و بين الخضار ... والحمدلله كلهم سنن ... كل أمن ... و الصبح تنش و اتشوف الطبيعه ...ما شاء الله شي يجنن ...طبعا كردستان تقع ف شمال غرب ايران ... و تحركنا و الظهر وصلنا مكان ...(الحين نحن ف كردستان) وصلنا مكان و يلسنا و جان يسوون الغدى ...تحت ذاك الاشجار الفواكه ... التوت والعنب وال مشمش و التفاح و..........

جهـز الغدى وتغدينا و شوي قلنا بنرتااح ....كنا يالسين جاهي و قهوه و لا شفنا سياره وصلت و وقفت ...نزلت وحده وامها و بنتها الصغيره... و جاان ايييون و يسألون منو نحن و من وين و شو عندنا و كذه وكذه
ماشاءالله شو حلواات ... ماشاءالله ... اكثر شي عيـبني فيها لبسها ... تنوووره وسيـــــــعه و منفوشه و ذات القميص شرات جاكيت صغير فوقه و ذاات الشيله المخرزه و ذات قحفيه الصغيره اللي كلها منثور عليه جامات و فصوص صغاار ...شووو كشخه ... بغيت اشترلي بس ماحصلت ف سوقهم ... يااا خســاآره

كانت تقول نتريا ريلي و من هني بنروح.......( مادري وين قالت)...
وصل ريلها و قبل ماتروح يت وقالت هذا حقكم ... يا كريم وش هذا اللي عطونا ...

اول ما راحوا ع طووول الدفشه (انا) تبا اتشوف شو ف المكان ولا جان انشوف رووب فريش مالت ابقارهم

ونحن بعد تحركنا كنا رايحين لمكان اسمه مريوان ... و وصلنا مريوان و حجزنا فندق رهييب ... و تمينا فيه

ف الفندق كله اشجار خووخ ... يا اااااااااي شو لذيذ... و تمينا كم يوم هناك ... و وقت الـرده روحنا اصفها و بعد تمينا لانه ما كملنا كل شي ..ما رحنا كل اماكنها ... لانها كبيره و حلوه ماشاءالله ...

و يا حبيباتي ف الشوااآرع و نحـن راايحين كردستان ... اتحصلين انواع الفواكه ... قطعي من الاشجار و غسلي بمآاي ثلـوج االلي ع جبال ... والله رووعه خذت لي كم حبة مشمش و اشوف يمين الشارع جبل...جآن اروح واحصل ماآي باااااااااااااارد ...شربنا و غسلنا المشمش و غسلنا ويوهنا و كل شي و تحركنا...ف عز الصيف بعده كان الثلوج فوق اليبال .... شي روووعه ...عن جد كشخه... و يا حلوآت لو اي استفسار او سؤال ان شاء الله اساعدكم... و ان شاء الله الموضوع عيبكم... (اول مـره)هع...^.^..!!

وهاآي صـور بعض الاماكن في الاصفهان







http://up.al7ot.com/uploads/images/al7ot-6e57994c1e.jpg






http://up.al7ot.com/uploads/images/al7ot-97c2dbf738.jpg


http://up.al7ot.com/uploads/images/al7ot-1691cecf35.jpg


هههههههههههههههههههه يصبغووون الصيصاآن بـعد...^.^...



http://up.al7ot.com/uploads/images/al7ot-5d7a77a926.jpg



http://www.aawsat.com/2007/02/07/ima...vel.405189.jpg



http://www.aawsat.com/2007/02/07/ima...vel.405189.jpg


و هذا النـهر يسمـونه زاينده رود...^.^...


http://photos1.blogger.com/blogger/3.../esfahan02.jpg


وهالمـكان يسمـونه ميدآن نقش جـهان...


http://photos1.blogger.com/blogger/3.../esfahan04.jpg



و في امـــاكـــــــــن كـثيــــــــــــره وحلــــــــــــــــــــوه ... اتمنى يعجبكم موضـوعي البسيــط... واي سوال او استفسار ان شاء الله ماراح اقصر معاكم...^.^....!!

المزيد من آخر المواضيع من نفس القسم:

• اهم المعلومات عن وسائل المواصلات والتنقل في...
• ألينتيخو البرتغالية اجمل الوجهات السياحية...
• جزيرة بالاوان اجمل الجزر الطبيعية في الفلبين...
• كانازي قرية إيطالية خيالية بأجواء لامثيل لها...
• اجمل الأماكن السياحية في كوتور
• جولة سياحية لاجمل المعالم في ألبانيا
• بولندا تفتتح أعمق مسبح في العالم
• اجمل اماكن سياحية من العصور الوسطى في كوينكا
• طيران الإمارات و«فلاي دبي» تستعيدان 70 و50%...
• لقطات مثيرة من جودبور المدينة الهندية...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عالية الغالية]

ايران طبيعتها خلابة


وروووووووووووووووووووووووووووووعة

ما قط سرت لها

مستحيل ريلي يوديني هناك


اونا كيف بسير هناك وودلي اسمه عمر -- كيف بزقره خخخخخخ

المهم

من كم سنة ربيعتي سافرت شمال ايران ويابت الصور بس شورووووووووووووووووووووعة


صدق طبيعة غير

خضرة وماي والوجه الحسن --الايرانيات ---


كلهم اجتمعوا في مكان واحد


سبحان الله

[طيف العين2]

تسلمين............... روعة

[bint_bladey]

انا بعد سرتلهاا اكثر من روووووووووووووووووعه

وخصوصاا الشمآآآآآآآآآآآآآآآل ^_^

يسلمووو حبيبتي

[بدر0البدور]

تسلمين الغالية

[أحبـ M ـك]

نحن سرنا منطقة (( كلاردش )) و طهران

بصراحه واااااااايد استانسنا في كلاردش بس في طهران ابدا ما استانسنا من الزحمه

تسلمين الغاليه ع التقرير الحلوو

[beby kyooot]

ثانكس عالمعلومات

[أم عبيدوحميد]

تسلمين على المعلومات

[أم المر]

خخخخخخخخخخخخخخخخ انا ما صدقت نقيه صخت كمن يوم رديتي انتي يا خاتون لنه فعلا الصور لي منزلتنها الاخت نقيه في قمه الروعه ونا سايره وراده كل يوم اراوي ريلي صور ايران ومدحله اخر شي قالي بس طفرتيبي شوفي كيف الترتيب وجان استانسسسسسس قلت بس وصلت لمبتغايه وتميت كل يوم اسوي بحث عنها يا ريلي وقالي ما قدر اسير ايران لنه اذا سافرنا اوروبا بيجوفون ختم ايران ما بيدخلونا ونا باجي سنه على انه ينتهي جوازي وجان ينكسر خاطري

[النقيه]

بصراحة لو ماشي حصار غربي على ايران والله بتكون من اهم وجهات العالم السياحية وايران اختاروها اجمل 10 دولة في العالم

[3afari80]

خخخخخخخخ ما سرتي لار

[عنود الدلع]

يسلمو عالموضوع والصور

[maha99]

مشكوره

[خاآتون]

الــــــــــــــــعفو............

و يســــــــــــــــلموؤ ع الـردود الحـــــــــــلوه ... وان شاء الله كل اللي بخاطرها ترووح ...الله يحفظكن ...^.^.!.!

[الـغااويـه]

ايرااااان فضييييعه
والله من وصفج .. اتحسين عمرج في رسوم متحركه