×× قصـــة ولادتــي بعواشـي بنتـــي ×× مثل ماوعدتــكم ××

**حرم الحارثي** · 2009-05-17, 18:52

مثـــل ماوعدتكم ..
اليوم بكتــب لكم قصة ولادتــــــي بعاشيــــنا بنتي

ولادتــي للأسف ماكانت طبيــعيه كانت قيصرية والدكاتره حددولي موعد العملية بتاريخ 30-4 قبل ما أكمل التاسع بإسبوعين .. والسبب أنه راس عواشـي كان فووق وماطاع ينزل ..

طبعــا شليت قشـي من العين ورحت بيت أمايه فدبي عشاني بربي فدبــي فمستشفى الوصل .. وقبــل موعد العمليــة بيوم رقدونـي فالمستشفـى ..

يوم الخميــــــــــــــــ 30-4 ـــــــــــــــــس .. الساعه 9 ونص الصبح .. موعد عمليتـــــــــــي..
طبعــــــــــــا مارقدت الليلة اللي طافت من التفكيــر والوسوسه .. الخوووف كاان مسيـــطر علي لدرجة المووت والرجفه .. هذي أول مره أدخل فيها المستشفى لأي سبب كان .. ما قد اترقدت فالمستشفى من قبـل ..

المهم فيــــوم العملية الفجــر نشيــت أصلي وتميت أدعي وأدعي

.. وأمي كانت حولي ويــدوه واخت ريلي وخالة ريـلي وحرمة خالي .. وطبعــا ( ريلي )

.. ماشالله كانوا جيش ويايه وانا فيني مغص من الخـــوف ..

قبل العملية بنص ساعه دخلوا النيــرسات ويايبين وياهم شبريه ثانيه عشان ينقلوني لغرفة العمليــات .. وغيرت الشبريه وانا ريلي ترتقــل من الخووووف والرووعه

وبعديــن دزووني بالشبرية والأهل كلهم ورااايه أمايه من صووب وريـلي من صوووب وكلهم وااقفين عراسي يهدووني يقولولي لاتخااافين ادعي الله بيسهلها ومن هالكلام .. ووصلنا مقر العمليـات .. الأهل فحجرة الانتظار وأنا اصييييييح ودمووعي أربـ 4 ـــع أربــــ 4 ــــع من الخوف وريلي يمسح دموووعي

المهم دخلونـــي حجرة التخديــر .. طبعا أنا طالبة بنــج نصفي .. حسب ماعرفت إنـه إيجابياته أكثـر ويمدحونه أكثر .. المهم يااني دكتــور التخديــــر هو أجنبي بس شوو أخلاق عليه يحسسني انه العملية مجرد شي بسيـــط ويهديني ويسولف وياي هالكثـــر عشان ما أخاف وأهدا ويسألني ريلج مابيدش ويااااج أقــوله لا يسألني ليش؟ أقــوله يخااااف يشووفني أتويــع وجيه..

خذ ايدي وقالي بعطيييج ابرتين فإيديج عسب يحطلي المضااد وكم من دوااا .. وقلتله دكتور إبرة الظهر اتعور قالي مابقص عليج اتعور بس مب واايد الابرتين اللي بيظربني اياهن فإيدي بيعوروني أكثــر .. وضربني وانا اتويع لانه صدق يعوووور .. وبعد الإبـــره حسيت بهلوسه يعني راسي يفتر مع اني وااعيه ..

نقلــوني حجرة العمليات يا الدكتور مال التخدير وضربني ابره فظهـــري

حسيت فيها بس اتحملت وفجأة حسيت بريلي نملت .. وعقب اشوي ما حسيت فيها مووول رقدووني عالشبريه وقالولي بنركبلج البيب مال البول الحين وغطــوا عني بطني بقمااش ازرق عسب ما أشوووف اللي يسوونه فيني .. وانا مب دااريه باللي حوولي مهلوووسه واايد بس أشوف يعني وكان فيني رقاااد بس مافيني ماعرف كييف ودكتوور البنج وااقف عراسي و3 دكاتره والاستشاريه فاايزه كانوا صووب بطني .. وفجأة استوا شي ما اتوقعـــــــــــــــــــــته اسمع دكتوور البنج يقوول في دكتور يديـــد بيدخل اسمه الدكتــور ( ... ) إشوي إلا أشوف ريلــي عند رااااااسي

استاااانست واااايد .. قلتله ليش دخلت .. قالي واايد خفت عليـــــــج مارمت أتحمــل جان أدخل .. الوقت يمر وأنا مب حااسه موول .. أتحراهم بعدهم مابدوا .. أسأل ريلي متى بيبدوون يقولي الحين بيطلعون البيبي وانتي تسألين متى بيبدوون ؟؟ ههههه ماعندي خبر بالوقت ولا بالدنيا ماعرف كيييف والله .. قالولي يوم بيسحب البيبي بتحسيـن بضغط وسحبوا عواشي فديتــها وحسيت بضرابه فبطني مب بس ضغط ههههه وعقب لفوها وعطووني احطها على صدري وأحبها بس ماسمعت صوووت صياحها الا بعديــن وريلي مستانس يقولي تسمعين صوتها يالسه اتصيـح اقوله هيه

وصحت من الفرحــه وعقب ردوا يابوها عندي وحبيتها وريلي شلها وتمت يأذن فإذنها ويحبها ودكتور التخدير يقوول .. good huzbn >> يقوله تم حق العملية اليايه هههههه

وعقب العملية ودوني غرفة بعد الولادة .. محد كان هناك غير النيرسات وحطوا عواشي عندي عشان ارضعها .. وعقب طلعووني ولقيت الأهل فغرفة الإنتظار أمايه اتحبني واخت ريلي اتحبني فلم استوااا هههههه .. حسيت اني ماكلة الجووو ههههه ونااااسه

وبــــــــــــــــــــــــــــــــــــــ ث ـــــــ

بس بعد العملية عذاااااااااااب والله .. لا أروم أوخي ولا اييلس ولا حتى أعابل البيبي .. حتى عزكم الله الحمام بالــزور أوصله والنيرسات يساعدووني طبعا ما أروم أبــول والغازات اللي فبطني كان شي فضيــــع كنت أصيــح دم لمدة إسبوع .. الحين الحمدلله أحسن بوااااايد

صدق الولادة الطبيـــــــــــــــعية نعمــه من الله ..

×× لا للعمليـــــــــــة ××

ودمتــــــــــــكم حبيباتـــــــــــي فحفظ الرحمــــــــن

إختكم حـــــــــــ الحارثي ــــــــــــرم ( أم عاشيــنا )

المزيد من آخر المواضيع من نفس القسم:

**متلثمه بشعري** · 2009-05-17, 19:37

الحمد لله على سلامتج وتستاهلون ما ياكم
وما شاء الله على ريلج هذا هو وقتهم

**!!شمعة أمل !!** · 2009-05-17, 19:45

<<دمعت عيوني ربي يوفقج اختي ويبارك في ريلج وبنتج ويفرحج فيهم

<<عقبال ما اربي طبيعي واشوف الي البيبي حقي .,...

دمتي اختي بكل ود ..

**nourlglb** · 2009-05-17, 19:46

تستاهلين السلامة وسلامة عواش

وعقبال ما تشوفينها احلى عروووس

والله يجعلها من الذرية الصالحة

**RaiN** · 2009-05-17, 19:46

الحمدالله على سلامتج الغاليه ومبارك عليكم البنوته ربي يجعلها من حفظة كتابه والعاملين به يارب ...

**@ دلوعة @** · 2009-05-17, 19:50

ألف ألف مبروووووووك والحمد لله على سلامتج وسلامة عواش

وتتربى فعزكم ان شاء الله

**غموووض KSA** · 2009-05-17, 20:13

الحمدلله على السلامه

**tiger girl** · 2009-05-17, 20:24

الحمدالله عالسلااااااااااااااااااااااااااااااااامه^^

اكييييييييييييييييييييد غرتي مني لمااااا كتبت قصتي^^

**ام غريبه** · 2009-05-17, 20:24

الحمدالله عى سلامتج و مبرووك البنوته عقبال ما تربين طبيعي المره اليايه

**حرم الحارثي** · 2009-05-17, 20:38

المشاركة الأصلية كتبت بواسطة متلثمه بشعري

الحمد لله على سلامتج وتستاهلون ما ياكم
وما شاء الله على ريلج هذا هو وقتهم

الله يسلمـــــــــــــــج غناتي .. هي صدقج هذا هو وقت الريل

**حرم الحارثي** · 2009-05-17, 20:41

المشاركة الأصلية كتبت بواسطة !!شمعة أمل !!

<<دمعت عيوني ربي يوفقج اختي ويبارك في ريلج وبنتج ويفرحج فيهم

<<عقبال ما اربي طبيعي واشوف الي البيبي حقي .,...

دمتي اختي بكل ود ..

ههههه .. قلبج واايد رهيف شمووعه

ويااااج حبيبتي .. الله يطرح البركه فهلج انشالله
تسلمين على مشاركتج غناتي

**حرم الحارثي** · 2009-05-17, 20:42

المشاركة الأصلية كتبت بواسطة nourlglb

تستاهلين السلامة وسلامة عواش

وعقبال ما تشوفينها احلى عروووس

والله يجعلها من الذرية الصالحة

الله يسلمج نواااره .. يوم عرسها بتكونين أول المعازيم انشالله

آميــــــــــــــن

**حرم الحارثي** · 2009-05-17, 20:44

المشاركة الأصلية كتبت بواسطة RaiN

الحمدالله على سلامتج الغاليه ومبارك عليكم البنوته ربي يجعلها من حفظة كتابه والعاملين به يارب ...

الله يسلمج حبيبتي والله يبارك فيج .. آمين فديتج .. ومشكوره على مرورج لموضوعي

**حرم الحارثي** · 2009-05-17, 20:45

المشاركة الأصلية كتبت بواسطة @ دلوعة @

ألف ألف مبروووووووك والحمد لله على سلامتج وسلامة عواش

وتتربى فعزكم ان شاء الله

الله يبارك فيج دلوووعه والله يسلمج ويسلم غاليج وثاانكس على مرورج غناتوتو

**حرم الحارثي** · 2009-05-17, 20:46

المشاركة الأصلية كتبت بواسطة غموووض KSA

الحمدلله على السلامه

الله يسلمج

الموضوع: ×× قصـــة ولادتــي بعواشـي بنتـــي ×× مثل ماوعدتــكم ××

أدوات الموضوع

عرض

×× قصـــة ولادتــي بعواشـي بنتـــي ×× مثل ماوعدتــكم ××

المزيد من آخر المواضيع من نفس القسم:

المواضيع المتشابهه

معاناتـــي ويا بنتـــي

قــصــة ولادتــي ^_^

:: بنتـــي عمرها سنـــــهـ ...

بنتـــي والحمام.....

‌•»¨• تمــت»ولادتــي ... والحمد لله¨•¨«•