LONDON ..... بعض الأشيا المهمه وممكن تفيدكم

**ms.goldy** · 2009-05-16, 19:59

السلام عليكم ،،

انا اليوم حبيت افيدكم بما أنه بيبدا موسم السفر

والكل يجهز ويحجز التذاكر

انا حبيت افيدكم بكمن شي ممكن تستخدمونه في لندن ويوفر عليكم وااااايد

عشان ما يقصووون عليكم العرب الي هناك مثل دكاكين العراقين لانه كان بيقص عليه بس الله ستر

المكالمات

اشتروا بطاقة التلفون من المطار تحصلونها على 10 باوند

وانا خذت vodafone وقوم اميه عقب جربوا شركة ثانيه بس قالوا الأرسال وااايد ضعيف عندهم
وكنت تقريبا احط يوميا 15- 20 باوند رصيد لانه كنت في اول الصيف هناك وربعي كلهم فالبلاد وكله نتواصل بالمسجات

عقب خبرونا عن بطاقة الـ

international call

تكوون بواااااااااااااااااااااااااايد اشكال وانووواع واسعار وخذوا البطاقة مال الشرق الأوسط

مثلا 5 باوند حق 59 دقيقه وعلى حسب شي شركه ثانيه كانت اتم 99 دقيقه
وشي 10 باوند وشي 15

بس يعني لازم يكون عندج رصيد قبل لا تتصلين لانه يسحبونه شويه منه بس تووفريـن وااايد واذا عندج تلفووون في الشقه او شي قوليلهم ابغي خط عشان اتصل من البطاقه بيعطونكم ابلاش

الأنترنت
بتحصلون محل او شركة اسمها 3
وهذا شعارها اتحصلون عندهم مال الأنترنت على شكل USB
شي اشكال منه ابيض واسود وحد قالي خذي الأبيض احسن بس احس ماشي فرق لاني سألته

الجهاز كلفني يمكن 50 باوند او اقل وهذا سعره في المحل والعراقي قالي بعطيج اياه على اساس اجار وادفعيلي تأمين عليه 150 باوند حق الشهر وفي هذيج الفتره كنا مكملين اسبوعين وقلت ماشي باجي غير اسبوعين بس عقب أجلنا سفرنا لين قبل رمضان بأربعة ايام

وتحطين فيه رصيد 10 او 15 او 20 باوند وبتقولكم يتم بتحدود 20 لشهر وانا خلص عندي في أسبوع فأكتشفت انه

اذا تنزلين اي شي من الأنترنت بسرعه يخصم من الرصيد لانه يعتبر dail up عادي يعني جنج مركبه في فيشة التلفون نفس الأيام الخوالي عدنا فقالت لا تنزلين اي شي ولا تستقبلين اي شي عشان يتملج الرصيد مثل الصور من المسنجر يعني صور الأهل

قالت المسنجر وصفحات الأنترنت ما تخسرج وااااايد فكانت يتم بحدود 10 ايام عندي

واتحطين الرصيد من الموقع طبعا هو اذا خلص بس تقدرين تفتحين موقعهم عشان تحطين رقم البطاقة https://my3.three.co.uk/mylogin//log...unt%2Findex.do

ولا تفرين البوكس فيه رقم بطاقة الأنترنت عشان بتحطينها في هذا الموقع كل ما بيخلص عنج

وتقدرين تشترين الرصيد من اي محل او سوبرماركت قوليلهم ابغي رصيد لشركة 3

التنقل

1 - تاكسي:
متوفر في كل مكان وهذي صورته

وهذا من داخل

هو وسيله مريحه الصراحه وما اترينه بس مب كل حد يعتبره الوسيله المثاليه لانه اغلى بالنسبه لباجي المواصلات ،، احنا كنا نستخدم التاكسي والباص لانه ما نحب المترو

2- الباص،،
طبعا الكل يعرفه الباص الأحمر

انواع التذاكر:
على كل دخله 2 باوند
او يوم كامل 4 باوند لو دخلتي كمن مره في نفس اليوم
اسبوع كامل تكون 13 باوند
وما اذكر مال شهر بكمل

3 - الميترو ،،
وبعد نفس الشي بس الأسعار تختلف اذا مال مره وحده او يوم او اسبوع

والأسعار تختلف من موسم لموسم

يعني كنا شهر 6 ما يحسبون تحت 14 سنه والشواب وشهر سبعه يحسبوون من فوق 7 سنين

4- تأجير السياره ،،
هذا شي نااااااااااااااااادر جداً ،، لان شوارعهم عكس شوارعنا والسياره سكان يمين فنادر تحصلين وايد يسوق سيايرهم الا اذا يايب سيارتهم من البلاد

الهايد بارك :

- عندهم في الويكند ،،
يوم مثل حرية الراي كل واحد ياخذ شي ويوقف عليه وايلس يبدي رايه والي يشتم وكل حد تحصلينه متيمع يسمع وحد يضحك حتى اذكر شفنا يهدوي ما ادري على شو محتشر وشي ناس ضد محل هارودز اونه عشان جلد الحيوانات طبعا هذيلا دوم مكانهم عند بوابات محل الهارودز

وعندهم نوعين من الكراسي ،، الي تكون ابلاش والعاديات الموجوادت في كل حديقه
وهذيلا الكراسي الي في الصوره تدفعين عليهم

طبعا كنا ساعات نحب نيلس عليهم ونتيمع وتدفعين على الكرسي 2 باوند بس يعني الي ما يعرف ينحرج انه ما يتوقع بيدفع فلوس على كرسي وشباب كانوا يلعوزون الريايل يقولونه ما نفهم انجلش !!! عربي عربي ويروحوون ما يطيعوون يدفعوون
[IMG]http://www2.pictures.gi.zimbio.com/London+Enjoys+Warm+Spring+Weather+h8Q9Qb5b9cHl.jpg[/IMG]

والبحيره :

فيها قوارب الي يحب يجربهم وحلوووين يونسوون الصراااااحه وتغيير وتقدروون تعطووون البط والعصافير اكل او تاخذون وياكم بسكووت وتوقفوون عند الشيره وايوون عندكم السناجب

وعند قصر الملكة تقدرون تشوفون العرض يوم يبدلون الحرس وعلى الخيوول شي حلو الصراحه

هذي الأشيا الي قدرت اذكرها الحينه وحبيت اذكركم فيها

والسموحه

المزيد من آخر المواضيع من نفس القسم:

**ms.goldy** · 2009-05-16, 21:34

مشاهدات من دون ردود !

**بدر0البدور** · 2009-05-16, 21:47

مشكورة اختي على المعلومات المفيدة

**أحبـ M ـك** · 2009-05-16, 22:11

تسلمين الغاليه وما قصرتي

بس نحن ان شاء الله سايرين النمسااا

بس بعد تولهت ع لندن ,,
بس الغاليه ممكن سؤال انا ابا اشتري هاي اللي يحطونها في الاب توب ويشتغل الانترنت ،، عاد تعرفين في النمسا ارياف وماشي نت ،، عاد كل سنه يوم نسير نسكن في مكان يكون ما شي نت

فانا ابا يكون عندي طول الوقت انترنت علشان اتواصل وياكم كيف

اللي تقدر تساعدني اطرش لي ع الخاص

**um salama** · 2009-05-16, 23:59

معلومات قيمه ..أتمنى البنات ينتفعون منها .. جزاك الله خيرا

**مضاوي الكويت** · 2009-05-17, 00:23

مشكورة اختي
بس شريحه الموبايل ليبارا ارخصوايد تكلمين دولي بعشرة بنس الدقييقه
وتلفون الارضي الاي فون همن ارخص
لاني انا الحين بلندن وحسيت بالفرق
ودمتي

**Miss Cavalli** · 2009-05-17, 00:31

يزاج الله خير اختي العزيزة .. و موضوعج وايد مفيد حق الي بيسيرون لندن ..... مع اني احسها وايد سهله و بسيطة .. تدرين ما احب الباصات عندهم لنه تتأخرين وايد في الزحمه ...... المترو صح زحمه وايد بس احسن و سريع وايد ... يوفر عليج الوقت ..

**Miss Cavalli** · 2009-05-17, 00:31

المشاركة الأصلية كتبت بواسطة أحبـ M ـك

تسلمين الغاليه وما قصرتي

بس نحن ان شاء الله سايرين النمسااا

بس بعد تولهت ع لندن ,,
بس الغاليه ممكن سؤال انا ابا اشتري هاي اللي يحطونها في الاب توب ويشتغل الانترنت ،، عاد تعرفين في النمسا ارياف وماشي نت ،، عاد كل سنه يوم نسير نسكن في مكان يكون ما شي نت

فانا ابا يكون عندي طول الوقت انترنت علشان اتواصل وياكم كيف

اللي تقدر تساعدني اطرش لي ع الخاص

لا تفكرين في هالبطاقه .... لنه عادي يوم تردين البلاد تحصلين فاتورتج 40-50 الف درهم ...

**xsaro0onax** · 2009-05-17, 00:38

احسن بطاقة تستخدم في لندن اسمها ليبارا (Sim Card)

سعرها 5 باوند

واااااااااااااااااااااايد زينة حق المكالمات الدولية

**لمعة خرز** · 2009-05-17, 00:42

مشكورة على المعلومة

**غلاتي أنا** · 2009-05-17, 01:36

مشكووورة غنااتي

**alreem24** · 2009-05-17, 02:23

مشكور فديتج انا اعشق لندن فيها سحر هل البلاد ما طبيعي

**سمــ الرياض ـاء** · 2009-05-17, 02:31

سلمت الايـــادي على الطرح المميـــز

وان شاء الله البنات يستفيدون من موضوعك الي رايحين على لنــدن

**لوولووه** · 2009-05-17, 02:56

*__^ ...

**سيده طموحه** · 2009-05-17, 06:42

يزاج الله خير ع هالمعلومات المفيده

الموضوع: LONDON ..... بعض الأشيا المهمه وممكن تفيدكم

أدوات الموضوع

عرض

LONDON ..... بعض الأشيا المهمه وممكن تفيدكم

المزيد من آخر المواضيع من نفس القسم:

المواضيع المتشابهه

بعض المعلومات عن التان تفيدكم قبل كل شي

فكره هامه ممكن تفيدكم وممكن تكون موجوده شو رايكم؟!!

اتمنى ان تفيدكم

معلومة اكيد راح تفيدكم

مواقع تفيدكم بالآيلس ....