سرقوا (( 30 الف درهم )) من خالتي في مطار ،، دوسلدورف ،،

**أحبـ M ـك** · 2009-05-15, 22:01

السلام عليكم ،،

شحاااالكم وشخبااااااااركم ،،

اليوم بنبهكم ع شي ،، واللي هي السرقه ,,

بخبركم بسالفه استوت في العام الماضي في شهر 7 /2008 في مطار دوسلدورف في المانيا,,

خالتي وريلها وعيالها كانوا مسافرين الى هولندا بس نزلوا في مطار دوسلدورف (( ع اساس يستأجرون السياره من مطار دوسلدورف ويطلعون الى هولندا )) وهم كانوا صارفين 30 الف درهم ومحولينهم يووروو وباقي 20 الف درهم في الشنطه ما حولوهن ,, يعني المجموع 50 الف درهم

المهم ،، كان يوم السبت الفليل اعتقد المهم نزلوا في مطار دوسلدورف وخلصوا الاجراءات و(( ريل خالتي )) كان واقف عند المكان اللي يأجرون فيه السيارات علشان يستلم السياره وكانت الشنطه اللي فيها الفلوس والجوازات عداله ويكلم الموظفه علشان ياخذ مفتاح السياره فجأه التهى وهو يرمس ولده ولف ما لقا الشنطه قال اكيد حد شلها من عياله المهم وصلوا السياره والمصيبه ان خالتي تقوله (( فلان )) وين الشنطه ابا اتأكد من الجوازات موجووده ولاا لا؟؟ وانتبه ان الشنطه مش موجوده وجلبوا الدنياا يدورون قالوا الفلوس برايها بس الجوازات ,, وع طوول اذكر الموظفه ويوم سار صوبها لقا ان الموظفه محد سارت خلص شغلها ويت وحده بدالها وبلغوا الشرطه ولقوا الشنطه عند الشرطه بس فيها الجوازات كامله والفلوس (( ماااااااااااااااشي )) يعني 30 الف درهم صارفينهم يورو ولا فلس موجود ,,

المهم ما ينفع الندم وبلغوا وطلعوا للسياره متجهين للسكن وطبعا ولا يورو عندهم بس 20 الف درهم في الشنطه بس مش صارفينهم وتعرفون يوم الاحد كل شي مسكر ولا مصرف فاتح ولا اي شي يعني خالتي تقول تمشكلنا في الصغاريه يبون ياكلون ونحن ماعدنا شي يبون يصرفون مالقوا شي فاتح وزين ان السكن والسياره دافعيلهم من قبل والحمدلله عدى يوم الاحد ع خير ,, ويوم الاثنين ساروا صرفوا فلوسهم الــ 20 الف وصرفوهم يورو ،،

وفي اليوم الاخير سار ريل خالتي بيتأكد من الموضوع ورمس الشرطه وقال انا اول مره اشوف مطار مافيه كيمرات ولا شي ،، وقالهم انا شاك في هاذيج الحرمه اللي تشتغل في تاجير السيارات قالوا نحن ما نقدر نظلم اي حد ,,

وبس ،، انا خبرتكم بها القصه علشان تتحذرووووووووون من اي مكان لاتخلون فلوسكم وجوازاتكم الا في ايدكم ،،

المزيد من آخر المواضيع من نفس القسم:

**النقيه** · 2009-05-15, 22:06

يا رب

الله يستر انتبهوا خواتي

**#ام سعيد#** · 2009-05-15, 22:09

حليلها ذكرتيني يوم تخبرنا السالفه حليلها

حشا ماتهنت بسيره

**أثير الصمت** · 2009-05-15, 22:10

الحمدلله على سلامتهم وموب مهم الفلوس بس اختي دوسلدورف في المانيا موب في هولندا يمكن كانوا نازلين من مطار دوسلدورف ورايحين هولندا ؟

**أحبـ M ـك** · 2009-05-15, 22:12

المشاركة الأصلية كتبت بواسطة أثير الصمت

الحمدلله على سلامتهم وموب مهم الفلوس بس اختي دوسلدورف في المانيا موب في هولندا يمكن كانوا نازلين من مطار دوسلدورف ورايحين هولندا ؟

انزين اعرف فديتج بس هم نزلوا مطار دوسلدورف وخذوا السياره واتوجهوا الى هولندااا

**فديتني دلوعه** · 2009-05-15, 22:13

قققققققققققققققققققققهر

**أحبـ M ـك** · 2009-05-15, 22:21

المشاركة الأصلية كتبت بواسطة النقيه

يا رب

الله يستر انتبهوا خواتي

هي والله انتبهوا ,, تسلمين ع المرور

المشاركة الأصلية كتبت بواسطة #ام سعيد#

حليلها ذكرتيني يوم تخبرنا السالفه حليلها

حشا ماتهنت بسيره

هي والله حليلها تمت في حاله بس الحمدلله اهم شي سلامتهم وسلامة عيالهم

ولا الفلوس تراها مال دنيا بس

تسلمين ع المرور

المشاركة الأصلية كتبت بواسطة فديتني دلوعه

قققققققققققققققققققققهر

هي والله قهر ،، شكلها هاي اللي سرقت الفلوس بتفنش خخخخخخخخخخخخ

تسلمين ع المرور

**نواري** · 2009-05-15, 22:38

الحمد لله على سلامتهم ذكرتيني يوم يسرقون شنطتي كلها في باريس كنت معلقتنها في دراجة ولدي مع كاميرا الفيديو شلو الشنطة وخلو الكاميرا أظن ثقيله عليهم
حسبي الله عليهم تميت كم يوم عندي إكتئاب

**شلال محبة** · 2009-05-15, 23:04

مشكووووووووووورة عالتنبيه

ويا في وقته موسم السفرات

**pearlly** · 2009-05-15, 23:15

اهم شي سلامتهم ..

هم اول مره يسافرون ؟؟

المفروض والغلطة الي سواها أنه خلاااا الشنطة تحت !! مفروض الشنطة طول الوقت فإإيـــده ! ومستحيل يهدها !!

بس الحمدلله على كل حال .. والفلوس تتعوض ..

هذا درس يعلمنا ويعلمهم (= ..

**أحبـ M ـك** · 2009-05-15, 23:30

المشاركة الأصلية كتبت بواسطة نواري

الحمد لله على سلامتهم ذكرتيني يوم يسرقون شنطتي كلها في باريس كنت معلقتنها في دراجة ولدي مع كاميرا الفيديو شلو الشنطة وخلو الكاميرا أظن ثقيله عليهم
حسبي الله عليهم تميت كم يوم عندي إكتئاب

اوف اخس شي السرقه في السفر

تسلمين ع المرور

المشاركة الأصلية كتبت بواسطة شلال محبة

مشكووووووووووورة عالتنبيه

ويا في وقته موسم السفرات

العفوو فديتج ,, هي والله في وقته لان موسم سفر // يسلموو ع المرور

المشاركة الأصلية كتبت بواسطة pearlly

اهم شي سلامتهم ..

هم اول مره يسافرون ؟؟

المفروض والغلطة الي سواها أنه خلاااا الشنطة تحت !! مفروض الشنطة طول الوقت فإإيـــده ! ومستحيل يهدها !!

بس الحمدلله على كل حال .. والفلوس تتعوض ..

هذا درس يعلمنا ويعلمهم (= ..

لا فديتج هم كل سنه يسافرون اوروبا (( بس تعرفين الواحد يفكر في عياله ولا في الشنطه ولا في شوو )) عاد الريال كل شي عليه ,, والانسان لازم يغلط ,,
هي والله الفلوس تتعوض اهم شي سلامتهم وان لقوا الجوازات ,,

تسلمين ع المرور

**ضىء هالكون** · 2009-05-16, 00:07

الحمدلله ع سلامتهم ومشكورة ع التنبيه خاصة اني بسير الاسبوع الياي وبنزل في مطار دوسلدورف وبطلع ع هولندا يعني نفس القصة..الله يحفظنا

**أحبـ M ـك** · 2009-05-16, 00:10

المشاركة الأصلية كتبت بواسطة ضىء هالكون

الحمدلله ع سلامتهم ومشكورة ع التنبيه خاصة اني بسير الاسبوع الياي وبنزل في مطار دوسلدورف وبطلع ع هولندا يعني نفس القصة..الله يحفظنا

الله يسلمج من الشر ،،

هي فديتج انتبهي ع اغراضج وع عيالج

والله يحفظكم تسيرون وتردون بالسلامه

**بدر0البدور** · 2009-05-16, 00:33

الحمدلله ع سلامتهم ومشكورة ع التنبيه

**مهايه الشارجه** · 2009-05-16, 00:46

حسبي الله ونعمة الوكيل انتبهوا خواتي

الموضوع: سرقوا (( 30 الف درهم )) من خالتي في مطار ،، دوسلدورف ،،

أدوات الموضوع

عرض

سرقوا (( 30 الف درهم )) من خالتي في مطار ،، دوسلدورف ،،

المزيد من آخر المواضيع من نفس القسم:

المواضيع المتشابهه

سرقوا 340 ألف درهم برشّ الفلفل الأحمر على عينيه

لصوص سرقوا أثاثاً ومجوهرات وتـركوا 500 ألف درهم

انا وخاوتي وبنات خالتي ندور دراعات حلوه للعيد ف حدود 100 درهم

خدامت خالتي جزاء اهمالها لولد خالتي...... تبون تعرفون ادخلو