خواتي الاعضاء انا محتاجه لكم لا تهملون رسالتي ؟؟

**سيدات الامارات** · 2007-03-07, 20:57

السلام عليكم صغيركم وكبيركم :

لحقووووني يا خواتي العضوات:

بغيت رايكم وشوركم .... عيد ميلاد بنت ربيعتي باجر يوم الخميس 8/3/2007 وهي مكمله سنه وما اعرف شو اشتريلها .. وفي نفس اليوم عيد ميلاد ربيعتي واللي هي ام البنت اللي مكمله سنه وبعد هي ما ارف شو اشتريلها .. خواتي ممكن تلحقوني بأرائكم الحلوه بليزززززززززز خواتي لا اطبون رسالتي لانها مهمه ؟؟

واذا حد من الاعضاء يسوي هدايه حلوه لعيد الميلاد سواء للاطفال اللي مكملين سنه .... او للام فلا تبخلي عليه واطرشه على الخاص ؟؟؟؟؟؟؟؟؟؟

ارجو عدم اهمال رسلتي

المزيد من آخر المواضيع من نفس القسم:

**Miss Cavalli** · 2007-03-07, 21:04

شرايج تاخذين للبيبي بدله من بربريز .. و الام اشتريلها شي من نفس الماركه .. مثلا شنطه او ساعه او جوتي... ^_____^ طقم يعني ...

و ممممم ترومين تاخذين ذهب .. مثلا سلسله و تعليقه كتكوته حق البيبي و تعليقه اكبر حق الام ..

**عالية المعالي** · 2007-03-07, 21:04

مرحبااالغلااا

سيري عند بيبي شوووب وخذ لبسات لابنت ربيعتج

بالاضاااافه للعبه

وسيري لايف ستايل وخذ لربيعتج كريمات وصابوون معطر

ومري على سبلاش وخذيلها بيجامه او قمص نوم

ها كله بالامارات مول

والمحلات عدال بعض ^_*

واخر شي خذي من لايف ستايل بوكسات ورتبيهن فيها

وترا كل ها المحلات اسعارهم وااايد حلوه

وغير مبالغ فيها ^_*

والسموحه منج الغلا

**سيدات الامارات** · 2007-03-07, 21:21

مرحبااااااااا والله بكل خواتي العضوات . ومشكورين على اقتراحاتكم الحلوه

وممكن تزيدوني بعد ... وخواتي ابا اعرف حد من العضوات تسوي هدايا لعيد الميلاد سواء للام او للطفله ؟؟؟؟؟؟

وربي يعطيكم الف عافيه

**Alnajla** · 2007-03-07, 21:32

شورايج ب
صندوق فيه ( قصص _لعبه ذكاء من ايرلي ليرننج سنتر -فستان من ليدي بيرد اسعاره حلوه- طقم للأكل حلو وبناتي)
او مركز التعليم المبكر عندهم العاب ذكاء حلوه لسن سنه وعندهم قصص وااايد حلوه وبعد تويز ار اس

**um_7am00d** · 2007-03-07, 21:37

هلا حبيبتي..
كل عام و هم بخير..النونو و ماماته..

بالنسبه للنونو..ترومين تييبين له او لها..اي شي تعليمي..يعني الالعاب التعليميه اللي تنمي الفكر..لان في السن الطفل يحاول يكتشف الاشيا..و بتلقين هالاشيا في التعليم المبكر..

او حتى تييبين مثلا سيكل ..النوع اللي فيه حديده من ورا عسب اي حد يدزه ..هذا وايد يحبونه اليهال..

مممممممممم شو بعد..ممكن تشترين للنونو مريحانه تتعلق عالسقف..انا شفتها في بيت يارتي..وايد حلوه...

بالنسبه للام ..يعتمد على الميزانيه مالتج..

ترومين تييبين بوكس..و تحطين فيه مجموعه اغراض..يعني مثلا اذا تعرفين مقاساتها..
خذيلها طقم ملابس..او تحطين لها اكسسوارات مع عطر و مثلا ميدالية سياره..
يعني تخلين بوكس فيه كذا شغله و تغلفينه بطريقه حلوه و مرتبه..وان شاء الله يعيبها

او حتى تييبن لها موبايل..

اتمنى اني اكون فدتج...

**سيدات الامارات** · 2007-03-07, 21:42

الغاليات افكاركن حلووووووووه :
بس انا من العين ..... والعين ما فيها محلات وايد للاطفال غير الملابس ( بس عجبتني فكرة السيكل اللي يمسكونه من ورى ولا المريحانه ) ان شاء الله احصل في العين ؟؟؟

وانا الميزانيه حاطه للام 1000 ......... وللبيبي 1000

هاه خبروني شو اقدر اشتري بهالميزانيه بعد ؟؟؟

خصوصا الامهات اللي ساكنين بالعين او خارج العين

**أم رفيعة** · 2007-03-07, 22:10

مرحبا الغاليه شورايج لام تاخذيها مني غرشه عطر كرستال كبير وظخم مع عطر شيوخي 10 تولات ومع تغليف مميز وللبيبي حصان متحرك وانا حاضره الغاليه وفالج طيب

**سيدات الامارات** · 2007-03-07, 22:29

مرحبا اختي قوليلي عندج الحصان المتحرك (( صوره له ))

وممكن تراويني عطر الكرستال وشو هو العطر .... ( وشو قصدج عطر الشيخ 5 تولات ) ؟؟

اتريا رادج

الموضوع: خواتي الاعضاء انا محتاجه لكم لا تهملون رسالتي ؟؟

أدوات الموضوع

عرض

خواتي العضوات انا محتاجه لكم لا تهملون رسالتي ؟؟

المزيد من آخر المواضيع من نفس القسم:

المواضيع المتشابهه

محتاجه لكم خواتي

خواتي لا تهملون رسالتي

محتاجه لكن خواتي !!!

الله يخليكم لا تهملون رسالتي