دكتور نيوترشن

[ام جواهر 64]

انا خذت نظام الدكتور نيوترشن وببدا فيه والمفروض انزل 25 كيلو لمدة 3اشهور ابا اي وحدة استفادة منه تكتب استفادتها وانا خذت النظام من دون ادوية ولا الشاي لاني ارضع ياالله شاركوني الموضوع وشجعوني

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميمي الشقية]

يا ريت اتخبرينا شو البرنامج؟
يا رب تنزلين هالوزن بصحة و عافية
انا نفسي انزل 25 كيلو في 3 شهور
فشو رايج نبدا البرنامج مع بعض و نشجع بعض؟

[نهاية فرح]

الصراحه روعه وايد نزلت عندههم شهر خذت الدوا وشهر لا وبصراحه عقب ماهديتهم والله مارجع وزني بس في البدايه يبا صبر وتحمل بس اللهم شعري قام يتساقط بس مايهمني مقابل النزول وتوكلي على الله

[جورجي6]

ياليت تكتبين البرنامج بالضبط.........

[خطيرة الملامح]

بالعكس اوكي اذا انتي عندج اراده ان شاء الله بتنزلين .

[ريف القلب]

الرجيم روحه زين بس اللي سمعته أن دواه مب زين وفي ناس ياهم شي في الكبد بس ماعرف شو

واحد عندنا فالدوام قال لأن بغا يسير بس خاف مع انه كان وايد ميتن بس سوا ريجيم عادي وضعف لأن خاف من الحبوب

حتى لو يقولون مرخصة من وزارة الصحة,, واللي خلاني أشك يوم سألت عن الللي ترضع قالو لا ما يستوي اللي ترضع تاخذ الحبوب.. معناتها لها ضرر

[ام جواهر 64]

بالنسبة للرضاعة وايد ادوية ممنوعة حتى البندول بس صح انا ما افضل رجيم بالادوية بس النظام مع دكتور احسن من نظام عشوائي انا مسوية نظام قبل ونزلت 25 كيلو والحين بعد الولادة زدت 10 كيلو وكان نظام من نفسي ومع الرياضة في اليوم من ساعتين لين ثلاث بس الحين خاطري انزل بعد 25 وبس مع المشي والصراحة نظامة شديد بس الحلو ان عندة اكلات وعصاير خاصة للرجيم تعوض

[عيوز مخصره]

امايه اتسير عند نفس الدكتور .. وماشاء الله في وايد اهتمام من ناحيته ..
ومنه فايده .. ^^

[ام جواهر 64]

بالنسبة للي طلبوا النظام اخاف النظام ياثر عليكم لان الدكتور سالني وايد اسئلة عن الامراض والحساسية واخاف اظلمكم لاني خذت منة عصير للرجيم مع بسكويت وعندة وايد اشيا مثل كورن فليكس وكاتشب وكاكاو وخبز وبعد ما اذكر بس كلها اشيا بدون سعرات حرارية ومالها اي اثر لان اخوي مجربها و بعدين يعطي كل اسبوع نظام لاسبوع والاسبوع الاول والثاني الصراحة شديد وبكتب لكم اليوم الاول وانا مايخصني اذا مناسب لكم او لا

[Banootat AD]

كل وحدة تبى النظام لازم تسير عند الدكتور ..

لان كل وحده يناسبها نظام غير


والله يوفقج ام جواااهر شو رايج لين الحين في نظامه ؟ اتحسين بالحرمان ولا لا

[Banootat AD]

http://forum.uaewomen.net/showthread.php?t=442084


مري عليه في موضوعي

[الخياله2008]

وبلييييييييييييييز؟؟
بالنسبه لكريمات التنحيف لها مضره؟؟

[ام جواهر 64]

والنظام كالاتي الفطور :شاي اوقهوه غير محلى او محلى بسكر نيودوس (الحبوب )
جبن 3قطع 90 غرام وممكن تزيدين اذا ما شبعتي بس شوي (الجبن حلوم-قشقوان-عكاوي-نابلسية)وكامل الدسم هذا الاسبوع فقط والخبز ممنوع
بين الوجبات شاى او قهوه مثل ما اتفقنا وبسكويت او شبس خاص ينباع عندة بس انا ما خذت لان بستبدله بالخيار اوالخس واذا وايد يوعانة ممكن نصف علبة تونا بالماء ممكن تكنسلين هاي الوجبة
الغداء:لحم مشوي او مسلوق 250 غرام او ربع كيلو تكا 15 قطعة ممكن اللي ينباع بالمطعم بس بدون شحم (ممكن اسبدال اللحوم -دجاج او سمك او ربيان )مع نصف كوب لبن اب او عصير خاص ينباع عندة (وهذا الحلو فية ان عندا شغلات حلوه يبيعها)
مع صحن سلطة (خيار خس ملفوف فجل وممكن نعناع )الطماطم والجزر ممنوووع والملح جدا قليل والزيت ممنوع ولا تنسين شرب كاسين ماااء قبل الطعام
وفي وجبة خفيفة بين الوجبات نصف تفاحة او نصف برتقالة اوخيارة او خس او فجل الله يعين وممكن شاي او قهوه
العشاء:بيضة مسلوقة مع 100 غرام شاورما يعني ملعقه فقط وانا بستبدل الشاورما ببيضة يعني بيضتين وبدون خبز لان السبوع الاول مافية خبز ولا عيش (ارز)
واليوم انا باديه اول يوم واذا حد يبا يمشي معاي بنزل الباقي بس ردوا علي لان حرام اضيع وقتي وما قي حد يبا الموضوع والصراحة النظام عجبني صح قليل لكن متنوع وكل اسبوع بيزيد شوي انواع من الاكل وانا افضل لو ان اللي تبا تمشي النظام تروح للعيادة نفسها لو على الاقل تشتري العصير وشوي حلويات من عندة تساعد نفسها وعلى فكرة (اذا حسيتي بدوخة ممكن تشربين شوي عصير فرش)

[ام جواهر 64]

انا خذت من عنده كريم شد مع شورت واللي اعرفهم خذو يمدحونة

[رمااال]

بصراحه انا حاولت لاكثر من مره اسوي رجيم والتزم فيه بس للاسف ما في مراقبه او حد شاد عليه من احس بملل على طول اكسر والحين صار لي مع د نيوترشن شهر وحاول قدر المستطاع اني التزم لاني اعرف حد يحاسب لي ونزلت تقريبا قريب 8 اول اسبوع نزلت 5 بس عقب صار الشغل على الدهون قمت انزل بالغرامات ومرات نص كيلو والحمدلله احاول استخدمت الادوية اسبوع وعقب هلكت ما قدرت اكمل وتمين على الرياضه والرجيم واليوم ان شاء الله بسجل بنادي وان شاء الله اييب نتيجة حلوه ...