اللي ربت بعملية قيصرية

[الضوء]

خلونا نتناقش وكل وحدة تحكيلنا ليش سوولها عملية ؟
ببدا بنفسي......... ولادتي الاولى البيبي كان كبير نوعا ما 3.7 إضافة اني تاخرت عن الولادة اسبوعين وعطوني طلق صناعي بس البيبي بدا دقات قلبة تتعب واضطريت للتوقيع للعملية .........باعدت بين الاول والثاني تخوفا من العملية 3 سنوات وكان كلي امل اربي طبيعي بس جاءت الصدمة تاخرت عن الموعد وقالوا لازم طلق صناعي بس طنشتهم جاء الطلق وذهب للمستشفى نفس الاول القلب بدا يتعب ويقف طنشت قالوا راح تخسرين البيبي وافقت على العملية وانا ابكي وبعد العملية اكتشفوا ان الحبل السري على رقبته....داهمني الحزن والاسى لان ولاداتي بتكون كلها عمليات واولادي في حدود 6-7 واكدت لي الاستشارية انهم يولدون الين 8 ومازال الحزن يحاصرني فطلبت ان تكون محاولتي الثالثة طبيعي قالوا انتي توقعين على نفسج وتتحملين المسؤولية اذا حدث نزيف لج او للبيبي او انفجار للرحم وقلت راح ااجل الحمال الحين فترة مب طويلة 5 سنوات .....ويصير خير الين ذاك الوقت فهذي حكايتي شو حكايتكن....

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فتاة حالمة]

ماجربيت حمل بعدني خخ

للرفع

[نونو دبي]

والله كل شي بيد ربج

[مجبوس هامور]

تولدين عيال صاحين بالعمليه اهون من عيال معاقين او ميتين من ولاده طبيعيه وتعب تسع شهور تروح علي الفاضي لرغبه شخصيه

فكري من المهم انج تولدين طبيعي ولا يطلع الطفل سليم

لا تعتبرين انج ما ولدتي طبيعي معناته انج فشلتي لا بالعكس احنا عندنا اللي تولد طبيعي نقول عنها ياحرام تعذبت


و صارت العمليات الحين موضه وحريم يسون العمليه باختيارهم


ودايما اسمع الحريم يقولون((( اللي تولد بالعمليه ما تحس بقيمة عيالها ))) لان ولدتهم بدون تعب

[banota.a7]

انا كل شي صارلي فجاه الغلا ..

ومووول ما توقعت العمليه بس هذا امر الله والحمد لله عليهـ ـ ..

كنت تعبانه وجايسنس ويع ف الظهر من يوم الجمعه ..

وساكته واقووول ها الشي عادي لاني كنت توني داخله السابع ..

وبعج يومين زاد الويع ومب بس ف الظهر الا البطنـ ـ ..

وصرت مب قادره اتحرك موووولـ ـ ..

وداني ريلي المستشفى وقالولي ولادهـ ـ انا مت من الخوف ..

قالتلي الدكتوره انتي مفتوح 2 سانتي ..

يونحن ما نتحمل المسوؤليه لان البيبي صغير وااااايد ( ف مستشفى خاص)...

وحولوني على خليفه ف عيمان وللعلم هم الوحيدين اللى عندهم الحضانه للاطفال في هالعمر ..

والحمد لله ما قصروا وياي مع اني ماكنت فاتحه ملف عندهم ..

وتفاجاه اهناكي مب بس بسالفه الربا الا ..

يوم قالتلي الدكتوره انتي عندج التهابات ضعفت جدار الرحم..

وسارعت ف الولادهـ ـ ..

والبيبي راسه فوق وريله تحت ..

ونحن لازم نعطيج ابرتين .. وحده الحين وحده بعد 12 ساعه ..

عشان رئه البيبي..

وبالفعل عطوني الابره وسولي الاشعه اللازمه وحولوني على قسم الولادهـ ـ ..

وعطوني ابرتين تثبيت عشان البيبي ما ينزل قبل الابره الثانيه ..

لكن امر الله ..

زاده الفتحه الى 4 سانتي ونزل شزيه ماي وحولوني ع العمليات وانا في حاله ..

يوم اذكرها اقول الحمد لله على سلامتي والله ..

وطلعوا البيبي منى فديته بس كان واااااايد تعبان وكل هالويع يهون الحين عشانهـ ـ ..

والسموحه ع الاطاله..


نصيحه: لا تهملون الالتهابات اثناء الحمل ... ولا تشلون اي شي .. واسعوا كلام امهاتكم

[sakura86]

أنا قررت العملية في المرة الأولى بدون ما أجرب الطبيعي لأن الحبل السري كان ملتف حولين رقبة بنتي..وما حبيت أجازف بعد تعب 9 شهور..وحملت بعد بنتي ب 9 شهور فمكان العملية القبلية الرحم إنتفخ نفس البلونة وكان وارد خطر إنفجار الرحم فولدوني في الأسبوع 37..ويبت ولد..ربي يحفظهم لي..ومنو قال إن إلي مسوية عملية ما تحس بقيمة عيالها..والله كفاية الجرح من أشوفه أتذكر المعاناة..بس أشكر ربي إن الله عطاني إياهم

[دار المزيونة]

انا بعد في ولادتي الاولى قيصري لانه نبضات قلبه ضعيفه والثاني والله اعلم قالو ينتظرون لين التاسع بعدين بحددون

[سيدة الروح]

السلام عليكم......

انا بعد ولادتي الاولى قيصريه بعد معاناة مع الطلق العادي والصناعي
الي قص ظهري قص وبغيت اروح فيها ثلاث ايام وانا في المستشفى اعاني من الطلق واتوسعت 8سانتي يعني خلاااااااااااااص ولاده واخر شي يحاولون انه يطلع وهو مو طايع ينزل!!!!!!
اخر شي انصدومو يوم شافو وانتو بكرامه كيس الابوال صار كله دم خافو وقالو بتموت والبيبي بعد وياها لازم اتوقعون الحين على العمليه..

واخر شي انا كنت ابي بس مايصيده شي البيبي وقلت خلااااااااااص سو الي بتسوونه .....والحمد لله يوم شالوه كان ملتف الحبل السري عليه ..الله يخليه لي يارب عمره الحين 4سنوات..

وانا الحين حامل في الشهر التاسع والدكتوره قالت لي بعد بتكون ولادتي قيصيريه لانه صادني سكر وبيكون خطير على البيبي لانه بيكبر حجمه مع اني كنت متأمله خير هالمره بس كلشي يجي من رب العالمين خير الحمد لله وعطوني موعد للعمليه وخلاص استعديت ليها نفسيا واتن شاءالله اشوف بنوتي قريب وهي بصحه وعافيه ...........
ومن قال الي اتجيب بالعملبه ماتحس بعيالها بالعكس كفايه الالااااااااااام الي بتعاني منها وكل هذا عشان منو؟؟؟؟؟؟ عشان البيبي مايصيده شي الام ام لو شنو جابت سوت عشان اتجيب ولدها بعمليه ولاطبيعي اهي حملته في بطنها تسعة شهور تعب ومعاناة .... الله يعطي كل الي ماعنده يارب.
السموحه على الاطاله

[دلوعة1]

أنا أول ولادتي كانت قيصرية بسبب ارتفع عندي الضغط وانا في الشهر 7 وولدوني قيصري وثاني مرة عطوني طلق لكن بدون فايدة ما قدرت اربي طبيعي ولدوني قيصري وتوني مربية الولادة السادسة والحمدللة هذا قدري وسولي ربط مع اني ما كنت ابغي بس قا لوا الحمل بيكون خطر علي حياتي صح اني مضايجة وااااااااايد بس الحمدللة غيري يتمنون طفل واحد وهذا حكايتي مع القيصرية والحمدللة أفتكيت من عذاب العمليات

[خـ القمر ـد]

يا جماعه خوفتونـــــــــي من كلامكم بتخلون ما افكر أيب عياال مره ثانيه...

وأنا بعد أول ولاده لي كانت قيصريه والسبب كالتااالي....

من الشهر السابع خبروني إن الحبل السري ملتف عليه وراس ولدي كان فوووووق وقالت لي الدكتوره في احتمااال نسويلج عمليه إذا ما خاز الحيل السري ونزل الراس تحت....
سبحان الله كنت حااسه بسوووي عمليه مليون بالميه وكنت أقول حق ريلي شكلي بسوي عمليه لان ولدي ما نزل راسه تحت ولا الحبل السري قام من ارقبته...
المهم في بداية الشهر الثامن ياني نزيف خفيف وكنت شرات التعبانه بس ما كنت احس بشي >>>كل شي عندي عاادي ...حصل بالصدفه عندي مراجعه عند الدكتوره بداية الشهر الثامن...أول ما خبرتها إنه كان عندي نزيف خفيف سوتلي الفحوصات....تبين لها إني على ولاده...
وإن الرحم كان مفتوح 5 سانتي ....والحبل السري كان ملتف على ولدي وكان راسه فووق يعني الحاله عصيبه...المهم قالت لازم عمليه الحين وما اقدر اطلعج من المستشفى لان الجنين فيه احتمااال يموووت عنج...
المهم أنا كنت مرتبكه ووقعت على العمليه ... والحمد لله الحين أنا بخير وولدي معااااي....وهو عمره سنه و5 شهور...فديت روحه...
المهم قالت لي الدكتوره حاولي ما تيبين عيااال على الاقل لين سنتين علشان ما نسويلج عمليه ثانيه...وبصراااحه أنا للحين خايفه علشان جي مابي عيااال...لين بعدين....

والحمدلله على كل حااااااااااال....

والام والله تبقى أم يالغالياااات مهما كانت طريقة الولاده...


والسموحه منكم على الاطاااله...

[دمعه منسيه]

اصلن يسد الخوف اللي قبل القيصريه

[ام بدور1]

انا ولادتي الاولى قيصريه عاد بعد عذاب ياني الطلق والالم قبلها بيوم كامل وحزة الولادة لف البيبي علا فوق وقالو صعب انه ينولد والراس فوق يابولي استشاريه عسب اتحاول انها تعدله بايدها لكن بدل ماتعدله لفت ريوله كل هذا وانا اتويع من الطلق بين ايديهم حزتها بعد ماشافوا انه مامنه امل امل اولد طبيعي بنجوني وولدوني بعمليه بعدتعذيب وتجارب فاشلة والحمدلله على كل حال

[الــــورده]

انا من شهر ولدت بعمليه وكان الحمل في الاسبوع ال26 يعني اخر السادس وقبلها كنت منومه شهر بسبت الضغط

وكانوا خايفين على الجنين لانه كان وايد يرتفع بدون لا احس فيه مرات وكل من ارتفع يقل عنه الاوكسجين

والدم والتغذيه ماتوصل له وكانوا يسوون له تخطيط 3 مرات فاليوم عشان يشوفون حركته ودقات قلبه

وكل من ارتفع حولوني على العنايه ويخلوني فيها 24 ساعه على اساس اذا مانزل الضغط عمليه على طول

اول مره عدت على خير وطلعوني من العنايه بس مارخصوني خلوني عندهم والمره الثانيه يتني الدكتوره

قالتلي هالمره في خطر كبير على الجنين ولازم يطلع هالساعه قبل الي بعدها لانه مايظمنون انه يعيش اكثر

قالتلي عادي فجأه تين تقوليلنا انج ماتحسين بحركته وخفت مع اني اقولها اليوم حركته قويه

قالت يمكن يختنق واييه الاكسجين فجأه وتصير هالحركه القويه وانتي ماتدرين

وعقبها ب 3 ساعات دخلوني العمليات سبحان الله من بداية حملي وانا خايفه من الشهر السادس لانه اعرف

انه الضغط يرتفع فيه ويأثر عالجنين واقول لريلي شكلي بشوف البيبي فالسادس ماصدقني ^_^

وفعلا يوم طلع كان واااااااااايد ضعييييييف هييييييكل غمظني حسيت اني صدق ذابحتنه من اليوع ومايوصله شي ><

تبون الصدق انا يوم كنت فالعنايه كنت اسمع صريخ الحريم الي يولدون طبيعي كنت اترجى الدكتوره اطلعني

حالتي النفسيه تعبت من اصواتهم وصريخهم وقلت برايه يولدوني بعمليه ولا طبيعي واموت الف موته

مع انه العمليه مب بسيطه بعد تعبت منها >< الم الطبيعي يتم يومين لكن الم العمليه يتم اكثر من شهر

والحمدالله على كل حال اهم شي صحت البيبي وان شاء الله يطلع بالسلامه من الشيشه واحس اني صدق ام خخخخخخ

[نهر الحياه]

شو يعني الوحدة تربي بعملية ماتحس

ع الأقل الوحدة بالطبيعي يوم وبتربي تعالي القيصيرية

الام ظهر وغازات ف البطن اكثر عن اسبوع

المهم انا ربيت بنتي الأولى طبيعي

والبنت الثانية بعد 10 ساعات الام

نزل الماء الأخضر وقالوا لي الاكسجين بيقل ع البيبي

ولازم قيصيربه ..

والحين بكمل السنه وانا ف كابوس ...وخايفه من شي اسمه حمل وولادة

الله المستعان

[همس السحر]

الله يرحم جميع الحوامل يا رب ويقومهم بالسلامة