للي عندهن هرمون الحليب مرتفع وتبويضهم ضعيف .. دخلن

**ام السلمي** · 2009-04-02, 18:03

خوااتي الحبيبات أنا يدية على منتداكم بس متابعة جديمة جدا جدا ويومياً لازم ادخل المنتدى ......

مابطول عليكم بخبركم سالفتي مع الحمل طبعا اول حمل لاني تأخرت سنتين وماحملت والحمدلله بعد ما داومت واستمريت بمراجعة دكتورتي بعد فضل الله وهي طبعا ربي رزقني بولدين وبنت

والحين انا حامل في الشهر السادس وقالولي ولد (منصور) ان ربي راد بسميه منصور ..... وايد

طولت ندخل في السالفه

انا حبيباتي عرست 1999 ومرت الشهور وأهل ريلي يتريون ولي العهد وطبعا حتى ريلي بس كان مايرمس عسب ما يزعلني بس كنت حاسه فيه وربي ما خليت دكتورة ولا مستشفى ولا حرمة وصفوها لي انها تمسح الا وسرت وتخيلوا انا من العين حتى الفجيره وصلتها بس ماشي فايده وطبعا كان عندي هرمون الحليب مرتفع لدرجة اني يأست وقلت خلاص هذا نصيبي ولازم ارضى فيه..لين ما خبرتني اختي عن دكتورة وقالت انها شاطرة قلت لها ما خليت حد حتى اوراس سرت لها وماشي فايده قالت جربي هب خسرانه وفعلا سرت لها وانا غاسله ايدي وواثقه انها شرات اللي قبلها طبعا فصتني وعطتني دوا عسب تنزل لي العادة لان العادة كانت عندي ماتييني الا كل اربع او ست شهور بسبب هرمون الحليب المرتفع.. وعطتني بعد دوا عشان ينزل هرمون الحليب وكلوميد ابر عشان التبويض كان عندي ضعيف طبعا مشيت على جدول العلاج بس خذت ابرتين وتعايزت واتريت الشهر اللي عقبه ويوم كملت 28 يوم سويت فحص الحمل وما شفت شي ( كنت حووله) وفريت الفحص في الدرج وقلت كالعاده بس ما ادرس شو ياني بعد اربع ايام رديت اشوف الفحص اللي كنت مسويته لقيت خطين والله ماتعرفون شو كن شعوري لحظتها كنت احس ان قلبي خلاص بيوقف من الفرحه وما صدقت عمري وسرت وسوبت فحص دم وقالولي مبروووك حامل في الاسبوع الثاني ويوم عرف ريلي شوي وبيصيح من الفرحه ( فديته ) وطبعا ربي رزقني بولدين وينت والحين حامل بولد وكله وانا ماشيه على نفس العلاج وصدقوووني الدكتوره انا وايد ارتحت لها ولعلاجها واكيد بنات العين يعرفونها اسما الدكتوره ( غزل ماهري ) وربي انها شااااطره قلت اخبركم سالفتيه يمكن تفيد حد من الخوات اللي تبويضهن ضعيف واللي عندهن هرمون الحليب مرتفع ودعواتكن لي ان الله يسهل ولادتي ...

المزيد من آخر المواضيع من نفس القسم:

الزين كله* · 2009-04-02, 18:09

مشكووره حبيبتي الله يحفظلج عيالج يارب

بغيت اعرف انتي حملتي ب 3 توام يعني؟؟

وشو نوع الابر اللي كنت تاخذينها وجسمج استجاب لها من اول مره يعني على طول حملتي؟؟

وادعيلي يالغاليه

**ام السلمي** · 2009-04-02, 18:20

حبيبتي الزين كله مشكوووره على المرور

لا فديتج هب توم يبت اول شي ولد وبعده ولد وبعدين بنوته ربي يحفظهم
وربي يلي لج اهلج يالغاليه

**@ دلوعة @** · 2009-04-02, 19:00

ربي يثبت لج حملج ويسهل عليج ولادتج ان شاء الله

**فتاة حالمة** · 2009-04-02, 19:58

انا الهرمون عندي كله مرتفع
بس الدورة تييني احيانا بالشهرين مرة واحيانا عادي طبيعي شهريا بس تتأخر عن موعدها او تقدم
حتى صرت ماحفظ تاريخ موعدها من كثر الخربطة

الله يثبت حملج وتربين بالسلامة

**the legend** · 2009-04-02, 20:11

ممكن عنوان الدكتورة ورقمها اختي....والف مبروك ما جالج...ويتربون بعزج وعز ابوهم يا رب

**mariam2004** · 2009-04-03, 00:02

صح فعلا وايد شاطره دكتورة غزل

**@غرشوبه@** · 2009-04-03, 00:19

حسن عن رخى الكيلاني ^^؟؟

مبروك ما ياج ويتربون ف عزج وعز ابوهم

الموضوع: للي عندهن هرمون الحليب مرتفع وتبويضهم ضعيف .. دخلن

أدوات الموضوع

عرض

للي عندهن هرمون الحليب مرتفع وتبويضهم ضعيف .. دخلن

المزيد من آخر المواضيع من نفس القسم:

المواضيع المتشابهه

الي عندها هرمون الحليب مرتفع ياليت ترد

هرمون الحليب مرتفع ساعدوني

هرمون الحليب مرتفع عندي..

هرمون الحليب عندي مرتفع ماخر حملي

هرمون الحليب عندي مرتفع وايد .. افيديوني يزاكن خيرررررر