بنات هل تؤيدون اسوي ربط معده؟؟ بليييييييييييييييز

[غرااام]

السلام عليكم ورحمته

اشحالكم يا بنات

بنات ابي اخذ رايكم

والله اني اعاني وايد حاولت اسوي جميع انواع الرجيم وفي كل مره افشل كل ما اضعف ارجع دبل

وابى اسوي عملية ربط المعدة هل تشجعوني اسويها واذا في حد سواها يخبرني هل هوه مرتاح؟

ولايعاني من بعض المشاكل من بعد عملية الربط؟؟؟؟


عندي زياده في الوزن= 35 كيلو تقريبا وفي كل اسبوع ازيد كيلو والله معاناه

اتريا ردودكم

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دهن_العود]

الله ايوفقج
بس ما انصح

[pearlly]

بالتوفيج حبيبتي
اول شي استخيري ..

ومن رأي ما انصحج اتسوينها .. أضرارها يمكن ماتظهرلج الحين !!


وأحسن رجيم تتبعينه هو التخفيف .. تنقصين وانتي مرتاااحه الحمدلله


والسموحه (=

[عروس2004]

اذا مشكلتج الاكل انصحج

[أم عبـد الرحمن]

يمكن لها اثار تظهر بعدين

[غرااام]

مشكورات خواتي وانتظر راي البقيه



انا للحين افكر ماريد اتخذ هالقرار واندم بعدين

[ام سعوود]

حبيبتي اذا اني متينه وايد انصحج اتسوينها عدنا اثنين سوها وضعفوا وايد

[دلال الشوق]

انا الطبيبه نصحتني سوي ربط معده لانه وزني مثلج زايد 34 ز لازم انحف للحمل و الولاده

فمادريبج لازم تكونين حذره في اختيار المستشفى المناسب و الطبيب المناسب للعمليه

بتوفيق حبيبتي

[عالية الغالية]

شوف الاخوات في هالقسم وشوفي شريط الوزن في تواقيعهن

ماشاء الله عليهن نزلن من الميات الين السبعينات

هذا مب شغل يوم ويومين

لاغناتي هالدهون والشحوم اللي كودناها سنين لا نفتكر بتروح بسرعة يبالها وقت

انا صار لي شهر ونص بين رجيم وتخفيف والحمدلله نقصت

سوي الاشياء اللي بقولج عليها

1 - ادعي داااااااااااايما ان الله يقوي عزيمتج وتضعفين وانتي بصحة وسلامة

2- تصدقي بينية ان الله يشفيج من السمنة


3- الاستغفار بينة الضعف عشان تتقوين ع العبادات

4 الرياضة ثم الرياضة ثم الرياضة


امشي يوميا نص ساعة وعقبها 45 دقيقة وعقبها ساعة


انا امشي في الحديقة واحيانا في حوي البيت


اشتركي في نادي رياضي او اشتري جهاز المشي او الاورت تراك وحطيه في البيت


والله شفت وحدة من الاهل كانت متينة وعقب سنة شفتها ضعيفة ورشيقة وجسمها مشدود وحتى ويها ضعف وصارت حلووووووووة -- ماشاء الله عليها ---

وتشجعت وسويت رجيم واحيانا تخفيف


وبنت حميتي صغيرة بس متينة من صغرها اشتركت في صالة رياضية والله الحينه تغير جسمها



اهم شي الرياضة لانها تشد الجسم ولا يترهل


لاتعورين راسج بأكل الرجيم كلي من اكل البيت بس ع الخفيف


سيري الجمعيات اشتري اي شي يخص الدايت من توست اسمر وجبن ولبنة ولبن قليل الدسم


والغدا

خذي لج عيش قياس ملة الجيلي الصغيرة مع شوية صالونة او قطعة سمجاو لحم اودياي

ذا عندج حد يشويهم زين ما عندج خذيه عادي من الصالونة او البرياني


والعصر امشي او سوي رياضة



وعقب كل وجبة اشربي شاي اخضر بالزنجبيل -- يحرق الدهون


والعشا وما ادراك مالعشا


انا اشوي الكباب او شيش طاووق او البرجر والتندوري واحطهم في شريحيتين توست اسمر مع خس وطماط وشريحة جبن قليلة الدسم او ملعقة جبن لايت



واحيانا بيض وجين وتوست

واحيانا خيار بروب قليلاو منزوع الدسم
اهم شي في العشا انج تاكلين من وقت يعني ع الساعة 6 او بالكثير 7 انتي متعشية ومخلصة


وكثري من الماي اقل شي لتر ونص يوميا



جربت في بداية الرجيم وايد انواع مثل الشوربة الحارقة للدهون والكيميائي ما ل اسامة حمدي

بس ما ارتحت الا لما خففت اكلي


عقب كل هالرمسة ان شاء الله تتشجعين وتضعفين من غير عمليات

[حلوه بس متينه]

الصراحه العمليه نفسها عذااااب مانصحج


انا مسوتنها ويبالها رجيم لاتتحرين انها سحر

اذا بغيتي اي شي اسأليني وبجاوبج

[صعب توصلني]

سويها وتوكلي على الله... ربيعتي اللي بدوام كان وزنها في التسعينات والحين 69 وتعالي شوفي الرشاقه... بس التعب يوم تروحين حق الدكتور عسبه يضيقها...

[Miss Lavender]

حبيبتي انا ابا اسألج شو مشكلة المتن عندج هل انت أكيلة عيوش ووجبات دسمة والأكلات السريعة ولا انت اكيلة حلويات وآيس كريم ؟؟؟ لأن عملية ربط المعدة من العمليات الناجحة في تنزيل الوزن لكن انتبهي اذا انت من محبي الحلويات والأيس كريم ترا هالعملية ما بتفيد

على العموم في واحد من اهلنا سواها وكان وزنه تقريبا 130 كجم وصار بعد العملية 75 كجم لأنه التزم

شوفي واسألي واستخيري على دكتور متمرس ومتمكن
والتزمي بتعليمات الطبيب

وصدقيني بتضعفييييين وموفقة

[hmo0o0m]

بنات منو جربها بالمستشفيات الحكومية ؟؟
واذا جربتوها بالخاص كم كلفتكم ؟؟
نبا نسوي حق الوالده بلييييز ساعدووني
مسكينه تعوور قلبي لما اشووفها ما تقوم تمشي وصاير عندها هشاشه بالعظام ؟ ماشاء الله وزنهاا كبير وعمرها 52
بليييز بنات اللي جربت تخبرني ؟
حاولنا نسوي لها نظام غذائي لكن مافي فايدة .

للعلم الوالده فيها ضغط وسكري

[bellegirl]

أنا بغيت اسويها بس ريلي للاسف رفض

ويقول أباج جي ><

أما إذا علي بتوكل

لإن مشكلتي وزني زايد بـ أكثر عن 50 كيلو



الله المستعان ^_^

[hmo0o0m]

ردوو عليي بنات ^^